ଅଯୋଧ୍ୟା ପ୍ରସଙ୍ଗରେ ଗୃହମନ୍ତ୍ରୀଙ୍କ ପ୍ରତିକ୍ରିୟା : କହିଲେ, ସକାରାତ୍ମକ ବାତାବରଣ ମଧ୍ୟରେ ମନ୍ଦିର ନିର୍ମାଣ ହେବା ଆବଶ୍ୟକ
କନକ ବ୍ୟୁରୋ : ରାମ ମନ୍ଦିରକୁ ନେଇ ବିବାଦ ଚାଲିଥିବା ବେଳେ ଗୃହମନ୍ତ୍ରୀ ରାଜନାଥ ସିଂ ଏହାକୁ ନେଇ ପ୍ରତିକ୍ରିୟା ରଖିଛନ୍ତି । ସେ ସ୍ପଷ୍ଟ ଭାବରେ କହିଛନ୍ତି ଯେ, ମାମଲା ଏବେ ସୁପ୍ରିମକୋର୍ଟରେ ଏବଂ ମନ୍ଦିର ନିର୍ମାଣ ପାଇଁ ଅପେକ୍ଷା କରିବାକୁ ପଡିବ । ମଧ୍ୟପ୍ରଦେଶ ଗସ୍ତ ସମୟରେଏକ ସାମ୍ବାଦିକ ସମ୍ମିଳନୀରେ ଇକବାଲ ଅନସାରୀଙ୍କ ମନ୍ତବ୍ୟକୁ ନେଇ ସାମ୍ବାଦିକ ପଚାରିଥିବା ପ୍ରଶ୍ନର ଉତରରେ ସେ କହିଛନ୍ତି ଯେ, ରାମ ମନ୍ଦିର ନିର୍ମାଣ ହେଲେ ସମସ୍ତେ ଖୁସି ହେବେ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ମୁଁ ଏଥିରେ ବିଶ୍ୱାସ କରେ ଯେ, ଯଦି ଏକ ସକାରାତ୍ମକ ବାତାବରଣ ମଧ୍ୟରେ ମନ୍ଦି ନିର୍ମାଣ ହେବ ତେବେ ସମସ୍ତେ ଅଧିକ ଖୁସି ହେବେ ବୋଲି ରାଜନାଥ କହିଛନ୍ତି । ଅଯୋଧ୍ୟା ମାମଲାରେ ବାବ୍ରି ମସଜିଦର ପକ୍ଷକାର ହସିମ ଅନସାରୀଙ୍କ ପୁଅ ଇକବାଲ ଅନସାରୀ ଏକ ବୟାନ ଦେଇଥିଲେ । ଯେଉଁଥିରେ ସେ କହିଥିଲେ ଯେ, ରାମ ମନ୍ଦିର ନିର୍ମାଣ ପାଇଁ ସରକାର ଅଧ୍ୟାଦେଶ ଆଣିଲେ ଏଥିରେ ତାଙ୍କର କୌଣସି ଆପତି ନାହିଁ । ଇକବାଲ ଅନସାରୀ ଏହା ମଧ୍ୟ କହିଥିଲେ ଯେ, ଯଦି ନୂଆ ଆଇନ ଲାଗୁ କରିବା ଦେଶ ହିତ ପକ୍ଷରେ ତେବେ ନୂଆ ଆଇନ ଆଣିବା ଦରକାର । ଏବଂ ସେ ଆଇନ ପାଳନ କରୁଥିବା ଜଣେ ବ୍ୟକ୍ତି ସେ ଏହାକୁ ମଧ୍ୟ ମାନିବେ ।