କନକ ବ୍ୟୁରୋ : କଏଦୀ ନମ୍ବର ୧୯୯୭ ରାମରହିମଙ୍କ ନୂଆ ପରିଚୟ । ୨୦୦୨ ସାଧ୍ୱୀଙ୍କୁ ଯୌନ ନିର୍ଯ୍ୟାତନା ମାମଲାରେ ଡେରା ପ୍ରମୁଖ ବାବା ରାମ ରହିମଙ୍କୁ ୧୦ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି ସିବିଆଇର ସ୍ୱତନ୍ତ୍ର କୋର୍ଟ । ଆଇପିସି ଧାରା ୩୭୬, ଧାରା ୫୧୧ ଓ ଧାରା ୫୦୧ ଅନୁଯାୟୀ ୧୦ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି କୋର୍ଟ । ମେଡିକାଲ ଯାଞ୍ଚ ପରେ ତାଙ୍କୁ ଜେଲ ପଠାଯିବ । କିନ୍ତୁ ଦଣ୍ଡ ଘୋଷଣା ପରେ କୋର୍ଟ ପରିସରରେ କାନ୍ଦି କାନ୍ଦି କୁଆଡେ ଯିବେ ନାହିଁ ବୋଲି କହିଛନ୍ତି ରାମରହିମ ।
Kanak News is now on WhatsApp
Join and get latest news updates delivered to you via WhatsApp
ରୋହତକ ଜେଲରେ ବସିଥିବା ସିବିଆଇର ସ୍ୱତନ୍ତ୍ର ଅଦାଲତରେ ଏହି ମାମଲାରେ ଶୁଣାଣି ବେଳେ କୋର୍ଟ ରୁମରେ କାନ୍ଦି ପକାଇଥିଲେ ବାବା । ତା ସହିତ ତାଙ୍କୁ କ୍ଷମା କରିଦେବାକୁ ବିଚାରପତିଙ୍କ ନିକଟରେ କାକୁତିମିନତି ହୋଇଥିଲେ । ଏହି ମାମଲାର ଶୁଣାଣି ବେଳେ ଉଭୟ ପକ୍ଷର ଓକିଲଙ୍କୁ ପକ୍ଷ ରଖିବାକୁ ୧୦ ମିନିଟ ଲେଖାଏଁ ସମୟ ଦେଇଥିଲେ ବିଚାରପତି । ବାବାଙ୍କୁ ଆଜୀବନ କାରାଦଣ୍ଡାଦେଶ ଦେବା ପାଇଁ ସରକାରୀ ଓକିଲ କୋର୍ଟ ଆଗରେ ଆବେଦନ କରିଥିଲେ । ସେହିଭଳି ରାମରହିମଙ୍କ ଓକିଲ ତାଙ୍କ ଯୁକ୍ତିରେ କହିଥିଲେ ଯେ, ବାବା ଜଣେ ସମାଜସେବୀ । ଲୋକଙ୍କ ପାଇଁ ବିଭିନ୍ନ ଜନକଲ୍ୟାଣମୂଳକ କାର୍ଯ୍ୟ ସେ କରିଛନ୍ତି । ତେଣୁ ତାଙ୍କ ଦଣ୍ଡ କୋହଳ କର।ଯାଉ । ଏପରିକି ପୂର୍ବରୁ କୋର୍ଟ ଏହି ମାମଲାରେ ରାମରହିମଙ୍କୁ ଦୋଷୀ ସାବ୍ୟସ୍ତ କରି ସାରିଥିଲେ । ଦଣ୍ଡ ଘୋଷଣାର କିଛି ସମୟ ପୂର୍ବରୁ ଶିର୍ଷାରେ ବାବାଙ୍କ ସମର୍ଥକ ମାନେ ଦୁଇଟି ଗାଡିରେ ନିଆଁ ଲଗାଇ ଦେଇଥିଲେ ।
ଏପରିକି ପୂର୍ବଭଳି ଯେପରି କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନ ହୁଏ ସେ ନେଇ ବେଶ୍ ସଜାଗ ହୋଇ ଉଠିଥିଲେ ସରକାର । ଏପରିକି ଜେଲ ପାଖରେ ଯେକୌଣସି ସଦିଗ୍ଧଙ୍କୁ ଦେଖିଲେ ଗୁଳି ମାରିବାକୁ ନିର୍ଦ୍ଦେଶ ଦିଆଯାଇଥିଲା । ପୂରା ସୁରକ୍ଷାବଳୟ ଭିତରେ ରହଥିଲା ରୋହତକ । ହିଂସାକୁ ଦୃଷ୍ଟିରେ ରଖି ପଞ୍ଜାବ ଓ ହରିୟାଣାରେ ୨୮ କମ୍ପାନି ପାରା ମିଲିଟାରୀ ଫୋର୍ସ ମୁତୟନ କରାଯାଇଛି । ରାମ ରହିମଙ୍କୁ ଦୋଷୀ ସାବ୍ୟସ୍ତ କରିବା ପରେ ସମର୍ଥକ ମାନେ ଯେପରି ରକ୍ତର ହୋଲି ଖେଳିଲେ ତାହାର ପୁନରାବୃତ୍ତି ଯେପରି ନ ଘଟେ ସେନେଇ ଉଭୟ ପୁଲିସ ଓ ପ୍ରଶାସନ ସଜାଗ ରହିଛନ୍ତି । ଜେଲ ପାଶ୍ୱର୍ବର୍ତ୍ତୀ ଅଞ୍ଚଳରେ ୧୪୪ ଧାରା ଲାଗୁ କରାଯାଇଛି । ପୂରା ଅଞ୍ଚଳ ପୋଲିସ ନିୟନ୍ତ୍ରଣରେ ରହିଛି । ଏହି ମାମଲାର ଶୁଣାଣି ପାଇଁ ସିବିଆଇର ସ୍ୱତନ୍ତ୍ର ବିଚାରପତି ଜଗଦୀପ ସିଂହଙ୍କୁ ହେଲିକପ୍ଟର ମାଧ୍ୟମରେ ରୋହତକ ଜେଲ ଅଣାଯାଇଛି ।
ଶୁକ୍ରବାର ରାମ ରହିମଙ୍କ ଖବରର ପ୍ରସାରଣ କରୁଥିବା ବେଳେ ବାବାଙ୍କ ସମର୍ଥକ ମାନେ ଗଣମାଧ୍ୟମ ପ୍ରତିନିଧିଙ୍କ ଉପରେ ଆକ୍ରମଣ କରିବା ସହ ଓବି ଭ୍ୟାନ ପୋଡି ଦେଇଥିଲେ । ତେଣୁ ଏଥର ଶୁଣାଣି ବେଳେ ଗଣମାଧ୍ୟମର ପ୍ରତି ଓବି ଭ୍ୟାନର ସୁରକ୍ଷା ପାଇଁ ଜଣେ ଜଣେ ସିଆରପିଏଫ ଯବାନଙ୍କୁ ନିଯୁକ୍ତ କରାଯାଇଛି ।
କଣ ଥିଲା ପୂରା ଘଟଣା:
ଡେରା ପ୍ରମୁଖ ବାବା ରାମରହିମଙ୍କ ଆଶ୍ରମରେ ରହୁଥିବା ଜଣେ ସାଧ୍ୱୀ ତାଙ୍କ ଉପରେ ଯୌନ ନିର୍ୟାତନା ଅଭିଯୋଗ ଆଣିଥିଲେ । ସିବିଆଇ କୋର୍ଟରେ ୨୦୦୨ ମସିହାରେ ଏହି ମାମଲା ରୁଜୁ ହୋଇଥିଲା । ଡେରା ସଚ୍ଚା ସୌଦା ସଂପ୍ରଦାୟର ରାମ ରହିମ ସିଂହ ତାଙ୍କର ଦୁଇଜଣ ମହିଳା ସାଧ୍ୱୀଙ୍କୁ ତାଙ୍କର ଗୁପ୍ତ ବିଳାସକକ୍ଷରେ କୌଶଳକ୍ରମେ ବନ୍ଦୀ ବନାଇ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା ।
ସୂଚନା ଅନୂଯାୟୀ, ସେତେବେଳେ ଜଣେ ସାଧ୍ୱୀ ନିଜର ନାମ ପ୍ରକାଶ ନକରି ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ପାଖକୁ ଚିଠି ଲେଖି ରାମ ରହିମ ତାଙ୍କୁ ନିଜ ରୁମକୁ ଡକାଇ ଦୁଷ୍କର୍ମ କରିଥିବା ଅଭିଯୋଗ କରିଥିଲେ । ଏଥିରେ ତାଙ୍କୁ ୩ ବର୍ଷକାଳ ରାମ ରହିମ ଯୌନ ଶୋଷଣ କରିଥିବା ଓ ଆଶ୍ରମରେ ରହିଥିବା ୩୫/୪୦ ମହିଳାଙ୍କର ସମାନ ଦୁର୍ଦ୍ଦଶା ହୋଇଥିବା ନେଇ ସେ ଦର୍ଶାଇଥିଲେ ।
ଏନେଇ ବାବା ରାମ ରହିମଙ୍କ ବିରୋଧରେ ଏତଲା ଦିଆଯାଇଥିଲା । ଏହି ମାମଲାରେ କୋର୍ଟଙ୍କ ନିର୍ଦ୍ଦେଶ ପରେ ସିବିଆଇକୁ ଘଟଣାର ତଦନ୍ତଭାର ଦିଆଯାଇଥିଲା । ୨୦୦୭ ମସିହାରେ ସିବିଆଇ ଚାର୍ଜସିଟ ଦାଖଲ କରିଥିଲା । ଉଭୟ ପକ୍ଷର ଯୁକ୍ତି ଶୁଣିବା ପରେ କୋର୍ଟ ଅଗଷ୍ଟ ୧୭ତାରିଖରେ ରାୟ ସଂରକ୍ଷିତ ରଖିଥିଲେ । ପରେ ଅଗଷ୍ଟ ୨୫ ତାରିଖରେ ଏହି ମାମଲାର ଶୁଣାଣି କରି ସିିବିଆଇର ସ୍ୱତନ୍ତ୍ର କୋର୍ଟ ରାମ ରହିମଙ୍କୁ ଦୋଷୀ ସାବ୍ୟସ୍ତ କରିଥିଲେ । ଆଉ ଅଗଷ୍ଟ ୨୮ ତାରିଖରେ ଏହି ମାମଲାରେ ବାବାଙ୍କୁ ଦଣ୍ଡବିଧାନ ଶୁଣାଇବା ସ୍ଥିର ହୋଇଥିଲା । କିନ୍ତୁ ବାବାଙ୍କୁ ଦୋଷୀ ସାବ୍ୟସ୍ତ କରିବା ପରେ ପୂରା ହରିୟାଣା ଓ ପଞ୍ଜାବରେ ହିଂସା ଦେଖା ଦେଇଥିଲା । ଏହି ହିଂସାରେ ପ୍ରାୟ ୩୧ ଜଣ ନିରୀହ ବ୍ୟକ୍ତିଙ୍କ ଜୀବନ ଯିବା ସହ ୩୦୦ରୁ ଅଧିକ ଲୋକ ଆହତ ହୋଇଥିଲେ । ତେଣୁ ଏଭଳି ଘଟଣା ପରେ ରାମରହିମଙ୍କ ଦଣ୍ଡବିଧାନ ଶୁଣାଣି ପାଇଁ ଜେଲକୁ ଆସିଥିଲା କୋର୍ଟ । ଜେଲରେ ଏକ ସ୍ୱତନ୍ତ୍ର ଅଦାଲତରେ ଏହି ମାମଲାର ଶୁଣାଣି କରି ୧୦ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି କୋର୍ଟ।
କିଏ ଏହି ରାମରହିମ
ବାବା ରାମ ରହିମ ଏକାଧାରରେ ଜଣେ ଭାରତୀୟ ଆଧ୍ୟାତ୍ମିକ ଗୁରୁ, ସାମାଜିକ ସୁଧାରକ , ଅଭିନେତା, ନିର୍ଦ୍ଦେଶକ ଓ ଗାୟକ । ୧୫ ଅଗଷ୍ଟ ୧୯୬୭ରେ ହରିୟାଣାରେ ଜନ୍ମଗ୍ରହଣ କରିଥିଲେ ବାବା । ବାବା ବିବାହିତ ଓ ତାଙ୍କର ୪ ଜଣ ସନ୍ତାନ ଅଛନ୍ତି । ବାବା ରାମ ରହିମ ରକଷ୍ଟାର ବାବା ନାମରେ ମଧ୍ୟ ପରିଚିତ । ସେ ୧୯୯୦ରୁ ଭାରତ ଆଧାରିତ ସାମାଜିକ ଆଧ୍ୟାତ୍ମିକ ସଂଗଠନ ଡ଼େରା ସଚ୍ଚା ସୌଦାର ମୁଖ୍ୟ ଅଛନ୍ତି । ବାବା ରାମ୍ ରହିମଙ୍କର ପାଖାପାଖି ୬କୋଟିରୁ ଅଧିକ ଅନୁଗାମୀ ଅଛନ୍ତି । ତାଙ୍କ ସଂଗଠନ ବିଭିନ୍ନ ସାମାଜିକ କାର୍ୟ୍ୟକ୍ରମ ଯେପରି ସ୍ୱଚ୍ଛତା ଅଭିଯାନ, ବୃକ୍ଷରୋପଣ, ଅନାଥ ଓ ଯୌନକର୍ମୀଙ୍କ ସହାୟତାରେ କାମ କରେ । । ଭାରତୀୟ ଏକ୍ସପ୍ରେସ ୨୦୧୫ରେ ସବୁଠାରୁ ୧୦୦ ଶକ୍ତିଶାଳୀ ଭାରତୀୟଙ୍କ ତାଲିକାରେ ୯୬ ସ୍ଥାନରେ ରଖିଥିଲେ । ବାବା ରାମରହିମ ସିଂଙ୍କ ନାମରେ ରହିଛି ୩ଟି ବିଶ୍ୱ କିର୍ତ୍ତିମାନ । ବାବା ରାମ ରହିମ କ୍ରିକେଟ ଓ ଫୁଟବଲ ଖେଳରେ ମାହିର । ବାବାଙ୍କ ନାଁରେ ରହିଛି ୩ଟି ଅପରାଧିକ ମାମଲା ।
ଆସନ୍ତୁ ଜାଣିବା ରାମ ରହିମଙ୍କ ବିଷୟରେ କିଛି ବ୍ୟକ୍ତିଗତ କଥା –
ପାଖାପାଖି ୧୦୦ ଏକରରେ ବ୍ୟାପ୍ତ ଅଛି ରାମ ରହିମଙ୍କ ଆଶ୍ରମ । କାଚରେ ତିଆରି ହୋଇଛି ରାମ ରହିମଙ୍କ ଭବନ, ଯାହାକୁ ଗୁମ୍ଫା କୁହାଯାଏ । ଗୁମ୍ପା ଭିତରକୁ ପ୍ରବେଶ ପାଇଁ ରହିଛି ପୟାୟ ୨-୩ଟି ଦରଜା । ଗୁମ୍ପା ପର୍ୟ୍ୟନ୍ତ କେବଳ ବାବାଙ୍କ ଗାଡ଼ି ଯାଏ । ଗୁମ୍ଫାର ସମସ୍ତ ସ୍ଥାନ ସାଧା କପଡ଼ାରେ ବେଷ୍ଟନ ହୋଇଛି । ଏହାସହ କମାଣ୍ଡୋ ଶୈଳୀରେ ବନ୍ଧୁକ ଧରି ଶସସ୍ତ୍ର ପ୍ରହରୀ ଆଶ୍ରମ ଜଗିଥାଆନ୍ତି ।
ବାବାଙ୍କ ଗୁମ୍ଫା ତିଆର ହୋଇଛି ବିଲକୁଲ ଏକ ନିଆରା ଢ଼ଙ୍ଗରେ । ବିଳାସପୂର୍ଣ୍ଣ ସୋଫା ଓ ଚିକମିକ କଫଡ଼ାରେ ସଜେଇ ହୋଇଛି ଆଶ୍ରମ । ରାମରହିମ ବାବାଙ୍କର ଅଛନ୍ତି ୨୦୯ ଜଣ ଶିଷ୍ୟା । ସୂଚନା ଅନୁସାରେ ସ୍ୱତନ୍ତ୍ର ପ୍ରକ୍ରିୟାରେ ବଛା ହୁଅନ୍ତି ବାବଙ୍କ ଏହି ଶିଷ୍ୟା । ଏହି ଶିଷ୍ୟାମାନଙ୍କ ମଧ୍ୟରୁ କେବଳ କିଛି ଶିଷ୍ୟାଙ୍କୁ ହିଁ ଗୁମ୍ଫା ଭିତରକୁ ଆସିବା ପାଇଁ ଅନୁମତି ରହିଛି । ଗୁମ୍ପା ଭିତରକୁ ଯିବା ପାଇଁ ବାୟୋମେଟ୍ରିକ ସିଷ୍ଟମ ରହିଛି । ତାଙ୍କ ଶିଷ୍ୟାମାନେ ଗେରୁଆ କିମ୍ବା ଧଳା ରଙ୍ଗର କପଡ଼ା ପିନ୍ଧନ୍ତି ଏବଂ ସବୁବେଳେ କେଶ ଖୋଲା ରଖନ୍ତି । ଏହା ବ୍ୟତୀତ ବାବାଙ୍କ ଖାଇବା ଦାୟିତ୍ୱ, ସାକ୍ଷାତ ଓ ସକାଳୁ ସନ୍ଧ୍ୟା ଯାଏଁ ଷ୍ଟେଜକୁ ନେବା ଆଣିବା କାମରେ ନିୟୋଜିତ ଥାଆନ୍ତି ଶିଷ୍ୟମାନେ । ବାବା ପ୍ରବଚନ ଦେବା ସମୟରେ ବାମ ପଟେ ଏହି ଶିଷ୍ୟାମାନଙ୍କ ପାଇଁ ଏକ ସ୍ୱତନ୍ତ୍ର ସ୍ଥାନ ଥାଏ । ପ୍ରବଚନ ଥିବା ହଲରେ ଶିଷ୍ୟାମେନ ହିଁ ସବୁକିଛି ସମ୍ଭାଳନ୍ତି ଓ ବାହାରେ କେବଳ ପୁରୁଷ ସେବକ ମାନେ କାମ କରନ୍ତି ।
ବାବା ରାମରହିମ ଏହି ଗୁମ୍ପାରେ ସ୍ୱତନ୍ତ୍ର ରୂପରେ ପ୍ରସ୍ତୁତ ହୁଅନ୍ତି । ଖାସ ଲୋକଙ୍କୁ ସାକ୍ଷାତ କିରିବା ପାଇଁ ରହିଛି ସ୍ୱତନ୍ତ୍ର କକ୍ଷ । ଏହି ଗୁମ୍ଫାରେ ଆରାମ କରିବାର ସମସ୍ତ ଚିଜ ମହଜୁଦ ଅଛି । ଏହା ବ୍ୟତୀତ ଯେଉଁ ଗୋଲ ଷ୍ଟେଜରେ ବାବା ପ୍ରବଚନ ଦିଅନ୍ତି ତା ପଚରେ ଚକ ଲାଗିଥାଏ ଆଉ ଉପରେ ଥାଏ ଏକ ହ୍ୟାଣ୍ଡେଲ । ଯାହାଦ୍ୱାରା ଏହି ଷ୍ଟେଜ ସବୁଆଡ଼େ ଯିବାଆସିବା କରିପାରେ । ବାବା ସେହି ଘୁରୁଥିବା ଷ୍ଟେଜ ରେ ଥରେ ଗୋଟିଏ ଘେରା ବୁଲିଆସନ୍ତି । ବାବାଙ୍କର ପୋଷାକ ଚଣ୍ଡୀଗଡ଼ର ଜଣେ ଡ଼ିଜାଇନର ପ୍ରସ୍ତୁତ କରନ୍ତି । ବାବାଙ୍କ ପୋଷାକ ଚମକୁଥିବା ସିଫନରେ ତିଆରି ହୋଇଥାଏ ।
ବାବା ରାମ ରହିମଙ୍କ ଗୁମ୍ଫାରେ ଏକ ଏନଆରଆଇ ଗେଷ୍ଟ ହାଉସ ମଧ୍ୟ ରହିଛି । ଯେଉଁଠି ରହିଛି ଶାନଦାର ସ୍ୱିମିଙ୍ଗ ପୁଲ ଓ ରେଷ୍ଟୁରାଂଟ । ଏହା ବ୍ୟତୀତ ଆଶ୍ରମରେ ଦୁଇଟି ପେଟ୍ରୋଲ ପମ୍ପ । ଆଶ୍ରମର ଗାଡ଼ିକୁ ଚିଠା ଦେଖାଇଲେ ମିଳେ ପେଟ୍ରୋଲ । ଆଶମରେ ଚାଉଳ ଠାରୁ ଆରମ୍ଭ କରି ଆଳୁ , ଟମାଟୋ ପର୍ୟ୍ୟନ୍ତ ସବୁ କିଛି ମିଳେ । ବାବାଙ୍କ ଆଶ୍ରମରେ ବିଭିନ୍ନ ପ୍ରକାରର ମସାଲା ମଧ୍ୟ ତିଆରି ହୋଇଥାଏ । ଅର୍ଥାତ ଆଶ୍ରମ ବାହାରକୁ ଯିବା ବିଲକୁଲ ଦରକାର ନାହିଁ । ବାବାଙ୍କ ଆଶ୍ରମ ଭିତରେ ବୁଲାବୁଲି କରିବା ପାଇଁ ବ୍ୟାଟେରୀ ଚାଳିତ କାର ରହିଛି । ଏହାସହ ଆଶ୍ରମରେ ଏକ ବିଶାଳର ୱାସିଙ୍ଗ ମେସିନ ରହିଛି । ଯେଉଁଠି ଏକାବେଳ ୧୦ରୁ ୧୫ ହଜାର ପର୍ୟ୍ୟନ୍ତ ପୋଷାକ ସଫା ହୋଇପାରିବ । ଆଶ୍ରମରେ ସିସି ଟିଭି ସହ ଏକ କଣ୍ଟ୍ରୋଲ ରୁମ ମଧ୍ୟ ରହିଛି । ଯେଉଁଠି ଦେଶର ସମସ୍ତ ଚ୍ୟାନେଲରେ ନୀରିକ୍ଷଣ ଓ ବାବାଙ୍କ ସମ୍ପର୍କିତ ଖବର ରେକର୍ଡ଼ ହୁଏ