କନକ ବ୍ୟୁରୋ : ୬କୋଟି ଅନୁଗାମୀଙ୍କ ଭଗବାନ, ୭ଶହ ଏକର ପରିମିତ ଆଶ୍ରମର ଅଧିପତି ଏପରିକି ଧର୍ମଗୁରୁମାନଙ୍କ ମଧ୍ୟରେ ବେଶ ପ୍ରଭାବଶାଳୀ କୁହାଯାଉଥିବା ବାବା ଗୁରମିତ ରାମରହିମଙ୍କ ପ୍ରଥମ ରାତି କଟିଲା ଜଣେ ସାଧାରଣ କଏଦୀ ଭାବରେ । ରୋହତକ ସୁନାରିଆ ଜେଲର କଏଦୀ ନମ୍ବର- ୮୬୪୭ ରାମରହିମ ପ୍ରଥମ ରାତିରେ ଥିଲେ ବେଶ ବିଚଳିତ । ଭବ୍ୟ ଆଶ୍ରମରେ ଅୟସ ଆରାମ କରୁଥିବା ବାବାଙ୍କୁ ହଜମ ହୋଇନାହିଁ ଜେଲର ଅନ୍ଧାର କୋଠରୀ ।
Kanak News is now on WhatsApp
Join and get latest news updates delivered to you via WhatsApp
ଦୁଇଜଣ ଶିଷ୍ୟାଙ୍କୁ ବଳାତ୍କାର ମାମଲାରେ ଜେଲ ଆସିବା ପରେ ସୋମବାର ରାତିରେ ତାଙ୍କୁ ଖାଇବାକୁ ଦିଆଯାଇଥିଲା ୪ଟି ରୁଟି ଓ ତରକାରୀ । ହେଲେ ସେ ମାତ୍ର ଗୋଟିଏ ରୁଟିର ଅଧା ଓ କିଛି ତରକାରୀ ଖାଇଥିବା ଜଣାପଡିଛି । ସାରା ରାତି ଶୋଇପାରିନଥିଲେ ରାମରହିମ । ବ୍ୟସ୍ତ ବିବ୍ରତ ହୋଇ ତାଙ୍କୁ ରଖାଯାଇଥିବା ୧୦ଫୁଟର ଛୋଟିଆ ସେଲରେ ଏପଟ ସେପଟ ଚାଲୁଥିବା ଦେଖିବାକୁ ମିଳିଥିଲା ।
୨୦ବର୍ଷ ସଶ୍ରମ କାରାଦଣ୍ଡାଦେଶ ଭୋଗୁଥିବା ରାମରହିମଙ୍କୁ ଏବେ ରୋହତକର ସୁନରିୟା ଜେଲରେ ଦିନ କାଟିବାକୁ ପଡିବ । ଏଠାରେ ୮ଜଣ ଗ୍ୟାଙ୍ଗଷ୍ଟରଙ୍କ ସହ ୫୦ରୁ ଅଧିକ ବଡ ଅପରାଧୀଙ୍କ ସହ ତାଙ୍କୁ ରହିବାକୁ ହେବ । ତେବେ ସୁରକ୍ଷା କାରଣରୁ ତାଙ୍କୁ ବାରାକ ପରିବର୍ତ୍ତେ ଜେଲର ସେଲରେ ରଖାଯାଇଛି । ଦୁଇଜଣ ଶିଷ୍ୟାଙ୍କୁ ବଳାତ୍କାର ଭଳି ଜଘନ୍ୟ ଅପରାଧ ପାଇଁ ବାବାଙ୍କୁ ସୋମବାର ୨୦ବର୍ଷର ଜେଲ ଦଣ୍ଡାଦେଶ କରିଥିଲେ । ଆଉ ଦଣ୍ଡ ଶୁଣାଣି ବେଳେ ସିବିଆଇ ଜଜ୍ କହିଥିଲେ-
୧- ଜଣେ ଜଙ୍ଗଲୀ ପଶୁ ଭଳି କାମ କରିଛନ୍ତି ରାମରହିମ
୨- ଏପରିକି ଅତି ଅନୁଗତ ଶିଷ୍ୟାଙ୍କୁ ମଧ୍ୟ ଛାଡି ନାହାନ୍ତି
୩- ଡେରା ମୁଖ୍ୟ ଯେଉଁ ଅପକର୍ମ କରିଛନ୍ତି, କୋର୍ଟ ତାଙ୍କ ପ୍ରତି କୋହଳ ହୋଇପାରିବେନି
୪- ସମର୍ପିତା ଶିଷ୍ୟାଙ୍କୁ ସେ ବଳାକ୍ରାର କରିଛନ୍ତି, ଯାହା ଅକ୍ଷମଣୀୟ
ସିବିଆଇ ଜଜ୍ ଜଗଦୀପ ସିଂ ତାଙ୍କ ୯ ପୃଷ୍ଠାର ରାୟରେ ଏହି ଜଘନ୍ୟ ଅପରାଧ ପାଇଁ ରାମରହିମଙ୍କୁ ୨୦ବର୍ଷ ସଶ୍ରମ କାରାଦଣ୍ଡ ସହ ୧୫ ଲକ୍ଷ ଲେଖାଏଁ ୩୦ ଲକ୍ଷ ଟଙ୍କାର ଜୋରିମାନା ମଧ୍ୟ କରିଥିଲେ ।