୨୧୦୦ କୋଟି ଟଙ୍କାର ମାଲିକ, ଏବେ ଜେଲରେ ୨୦ ଟଙ୍କା ପାରିଶ୍ରମିକରେ କରୁଛନ୍ତି କାମ । ଜାଣନ୍ତୁ ଜେଲରେ କେଉଁ କାମ କରୁଛନ୍ତି ରାମରହିମ
୨୫ ଅଗଷ୍ଟ ୨୦୧୮ । ଆଜକୁ ଠିକ୍ ଏକବର୍ଷ ପୂର୍ବେ ହରିୟାଣା ଓ ପଞ୍ଜାବରେ ଦେଖିବାକୁ ମିଳିଥିଲା ହିଂସାର ମାହୋଲ । ତାହା ମଧ୍ୟ ଜଣେ ଦୁଷ୍କର୍ମକାରୀ କଏଦୀଙ୍କ ପାଇଁ । କାରଣ କଏଦୀଙ୍କୁ ଦୁଇଟି ଦୁର୍ଷ୍କମ ଅଭିଯୋଗରେ ୧୦ ବର୍ଷ ଲେଖାଏଁ ଦଣ୍ଡ ଶୁଣାଇଥିଲେ ସିବିଆଇର ସ୍ୱତନ୍ତ୍ର ଅଦାଲତ । ଆଉ ସିବିଆଇ ସ୍ୱତନ୍ତ୍ର କୋର୍ଟର ରାୟ ଆସିବା ପରେ ରୋହତକର ସୁନାରିଆ ଜେଲକୁ କଏଦୀ ଜଣଙ୍କୁ ଅଣାଯାଇଥିଲା । ଆଉ ତା’ପରେ ଯାହା ହୋଇଥିଲା ତାହାକୁ ନେଇ ପୂରା ଦେଶରେ ଚର୍ଚ୍ଚା ଜୋର ଧରିଥିଲା । କାରଣ ଉକ୍ତ କଏଦୀଙ୍କ ପାଇଁ ଦେଶର ଅଧିକାଂଶ ସ୍ଥାନରେ ଜଳିଥିଲା ନିଆଁ । ଭାଙ୍ଗିଥିଲା ଶହ ଶହ ଗାଡି, ଜୀବନ ହାରିଥିଲେ ଅନେକ ଲୋକ । ଆଉ ସେହି କଏଦୀ ଜଣକ ହେଉଛନ୍ତି ଗୁରମିତ୍ ରାମ ରହିମ । ଯିଏ ଆଜକୁ ଗୋଟିଏ ବର୍ଷ ପୂର୍ବେ ଦୁର୍ଷ୍କମ ମାମଲାରେ ଦୋଷୀ ସାବ୍ୟସ୍ତ ହୋଇ ଜେଲ ଯାଇଥିଲେ । ରାଜମହଲରୁ ସିଧାସଳଖ ଜେଲର କାଳ କୋଠରୀ ମଧ୍ୟକୁ ଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ଗୁରମିତ ଯେଉଁଭଳି ସିରସା ଆଶ୍ରମରେ ଅୟସ ଆରାମରେ ଜୀବନ କାଟୁଥିଲେ ସେଥିରେ ଏବେ ପୂର୍ଣ୍ଣଛେଦ ପଡିଛି । ଜଣେ ସାଧାରଣ କଏଦୀ ଭଳି ଜୀବନ କାଟୁଛନ୍ତି ଗୁରମିତ । ଏହି ବର୍ଷକ ମଧ୍ୟରେ ଅନେକ ପରିବର୍ତ୍ତନ ହୋଇଛି । ଗୁରମିତଙ୍କ କଳା ମଚମଚ ବାଳ ଓ ଦାଢି ଧଳା ପଡିଯାଇଛି । ଚେହେରାର ରଙ୍ଗ ଓ ଚମକ ଉଡିଯାଇଛି । ଶହ ଶହ ଅନୁଗାମୀଙ୍କ ମେଳରେ ରହୁଥିବା ଗୁରମିତ ଏବେ ପୂରା ଏକାନ୍ତ । ଜେଲର ୧୫ ଫୁଟ ଲମ୍ବା ଓ ୧୦ ଫୁଟ୍ ଚଉଡାର କାଳକୋଠରୀ ଏବେ ଗୁରମିତଙ୍କ ନୂଆ ଠିକଣା ପାଲଟିଛି । ତେବେ ଗୁରମିତ ରାମ ରହିମ ଜେଲରେ କେଉଁ କାମ କରୁଛନ୍ତି ତାହା ଜାଣିଲେ ଆଶ୍ଚର୍ଯ୍ୟ ହେବେ ।
ଦିନ ୫ଟାରୁ ଉଠିବା ସହ ଆରମ୍ଭ ହୋଇଥାଏ ରାମରହିମଙ୍କ ଦିନଚର୍ଯ୍ୟା । ପ୍ରଥମେ ଜେଲର ବଗିଚାରେ ବୁଲିବା ପରେ ପ୍ରାୟ ସାଢେ ୬ଟାରେ ଗୁରମିତଙ୍କୁ ଜେଲର ଲନକୁ ନିଆ ଯାଇଥାଏ । ଯେଉଁଠାରେ ସେ ଆରମ୍ଭ କରନ୍ତି ନିଜର ନିତିଦିନିଆ କାମ । ପ୍ରତିଦିନ ଭଳି ପନିପରିବା ବଗିଚାରେ ଚାଷ କାମ କରିଥାନ୍ତି ଗୁରମିତ । ଋତୁ ଅନୁଯାୟୀ ଏବେ ଜେଲରେ ପନିପରିବା ଚାଷ କରୁଛନ୍ତି ଗୁରମିତ । ଯାହାକୁ କଏଦୀ ମାନଙ୍କୁ ରୋଷେଇ କରି ଖାଇବାକୁ ଦିଆଯାଇଥାଏ । ତେବେ ଗୁରୁମିତ ଏହି କାମ ମାଗଣା କରୁନାହାନ୍ତି । ଏଥିପାଇଁ ମଧ୍ୟ ତାଙ୍କୁ ପାରିଶ୍ରମିକ ମିଳିଥାଏ । ପନିପରିବା ଚାଷ ପାଇଁ ଦୈନିକ ୨୦ ଟଙ୍କା ପାରିଶ୍ରମିକରେ ଜେଲରେ କାମ କରୁଛନ୍ତି ଗୁରମିତ ।
ଚାଷ କ୍ଷେତରେ କାମ କରିବା ପରେ କିଛି ସମୟ ଖେଳିବାକୁ ଦିଆଯାଇଥାଏ । କିନ୍ତୁ ଯେତେବେଳେ କ୍ୟାଣ୍ଟିନରୁ କୌଣସି ସାମଗ୍ରୀ ଆଣିବା ହେଉ କିମ୍ବା ଅନ୍ୟ କୌଣସି କାଯ୍ୟ ପାଇଁ ରାମରହିମ ବାହାରକୁ ଆସନ୍ତି ସେତେବେଳେ ଅନ୍ୟ କଏଦୀ ମାନଙ୍କୁ କୋଠରୀ ମଧ୍ୟରେ ବନ୍ଦ କରି ଦିଆଯାଇଥାଏ । ସୁରକ୍ଷା ଦୃଷ୍ଟିରୁ ରାମରହିମଙ୍କ କ୍ଷେତ୍ରରେ ଏଭଳି କରାଯାଇଥାଏ । ମଝିରେ ମଝିରେ ଘରଲୋକ ମଧ୍ୟ ରାମରହିମଙ୍କୁ ଭେଟିବାକୁ ଆସିଥାନ୍ତି । ଆଉ ଏହି ଲିଷ୍ଟରେ ରାମରହିମଙ୍କ ପରିବାରର ସମସ୍ତ ସଦସ୍ୟଙ୍କ ନାଁ ରହିଛି । କେବଳ ପରିବାର ନୁହେଁ ଡେରାର ମ୍ୟାନେଜର ଶୋଭା ଗେରା ଓ ହନିପ୍ରୀତଙ୍କ ନାଁ ମଧ୍ୟ ଏହି ତାଲିକାରେ ସାମିଲ ରହିଛି । ଏପରିକି ଘରଲୋକଙ୍କ ସହ କଥା ହେବା ପାଇଁ ରାମରହିମ ଅନୁମତି ମାଗିଥିଲେ ମଧ୍ୟ ଏଯାଏଁ ତାଙ୍କୁ ଅନୁମତି ମିଳିନାହିଁ ।