ରାକ୍ଷୀ ପୂର୍ଣ୍ଣିମାରେ ଭାଇ ଭଉଣୀଙ୍କ ନିଆରା ସ୍ନେହ । ଦୁର୍ଘଟଣାରେ ଭାଇର ହାତ କଟି ଯାଇଥିବାରୁ ଗୋଡରେ ରାକ୍ଷୀ ବାନ୍ଧିଲା ଭଉଣୀ, ସୋସିଆଲ ମିଡିଆରେ ଭାଇାରାଲ ହେଲା ଫଟୋ
କନକ ବ୍ୟୁରୋ : ସବୁ ଭାଇ-ଭଉଣୀଙ୍କ ପାଇଁ ଏକ ବଡ଼ ଦିନ ହୋଇଥାଏ ରାକ୍ଷୀ ପୂର୍ଣ୍ଣିମା । ଏହି ଦିନ ସବୁ ଭଉଣୀମାନେ ନିଜ ନିଜ ଭାଇଙ୍କ ହାତରେ ରାକ୍ଷୀ ବାନ୍ଧି ଦିନଟିକୁ ପାଳନ କରିଥାନ୍ତି । ଏହା ସହ ଭାଇ ଭଉଣୀକୁ ଆଜୀବନ ସୁରକ୍ଷା ଦେବ ବୋଲି କଥା ଦେଇଥାଏ । ତେବେ ଚୁରୁରେ ଥିବା ଜଣେ ଭାଇ-ଭଉଣୀଙ୍କ କାହାଣୀ ଏବେ ଚର୍ଚ୍ଚାର ବିଷୟ ପାଲଟିଛି । ଭାଇର ହାତ ନ ଥାଇ ମଧ୍ୟ ରାକ୍ଷୀ ପୁର୍ଣ୍ଣିମା ପାଳନ କରିଛି ଭଉଣୀ । ହାତ ନଥିବାରୁ ଭାଇର ଗୋଡ଼ରେ ରାକ୍ଷୀ ବାନ୍ଧିଛି ଭଉଣୀ । ଚୁରୁରେ ରହୁଥିବା ୨୬ବର୍ଷିୟ ଦୀନଦୟାଲ ପ୍ରଜାପତଙ୍କ ୭ ବର୍ଷ ପୂର୍ବରୁ ବିଦ୍ୟୁତ ଆଘାତ ଲାଗି ଦୁଇ ହାତ ନଷ୍ଟ ହୋଇ ଯାଇଥିଲା । ତାଙ୍କ ଜୀବନର ସବୁ ଆନନ୍ଦ ସେଇଠି ସରିଗଲା ବୋଲି ସେ ଭାବି ନେଇଥିଲେ । ହାତ ନଷ୍ଟ ହୋଇଯିବାରୁ ଡ଼ାକ୍ତରଙ୍କୁ ତାଙ୍କ ହାତ କାଟିବାକୁ ପଡ଼ିଥିଲା ।
Kanak News is now on WhatsApp
Join and get latest news updates delivered to you via WhatsApp
ଫଳରେ ସେ ନିଜ ହାତରେ କିଛି କରି ପାରି ନଥିଲେ। ଏମିତିକି ଦୀନଦୟାଲଙ୍କ ଭଉଣୀ ତାଙ୍କ ହାତରେ ନୁହେଁ ବରଂ ଗୋଡ଼ରେ ରାକ୍ଷୀ ବାନ୍ଧିବା ଆରମ୍ଭ କରିଥିଲେ। ତାଙ୍କ ସହ ଏ ଦୁର୍ଘଟଣା ଘଟିବା ପରେ ତାଙ୍କୁ କୌଣସି ସରାକରୀ ସହାୟତା ମିଳି ନ ଥିଲା । ଯେଉଁଥି ପାଇଁ ଏବେ ବି ତାଙ୍କର ଏହି ସମସ୍ୟାର ସମାଧାନ ହୋଇ ପାରି ନାହିଁ । କିନ୍ତୁ ନିଜ ଚେଷ୍ଟା ବଳରେ ସେ ନଜି ଭଉଣୀକୁ ପଢ଼ାଇବାରେ ସକ୍ଷମ ହୋଇ ପାରିଛନ୍ତି । ନିଜେ ପଢ଼ିବା ସହ ସେ ନିଜ ଭଉଣୀକୁ ମଧ୍ୟ ପଢ଼ାଉଥିବା ଜଣାପଡ଼ିଛି । ହାତ ନଥାଇ ମଧ୍ୟ ଗୋଟେ ଭାଇର କର୍ତ୍ତବ୍ୟ ଖୁବ୍ ଭଲ ଭାବରେ ତୁଲାଉଛନ୍ତି ଦୀନଦୟାଲ ।