ଗୋଟିଏ ଦିନ, ଗୋଟିଏ ସେୟାର । ଲାଭ ଦେଲା ୮୭୫ କୋଟି, ଜାଣନ୍ତୁ କାହାକୁ ମିଳିଲା
ରାକେଶ ଝୁନଝୁନୱାଲା । ସେୟାର ବଜାରର ବେତାଜ ବାଦଶାହା । ଦୀର୍ଘ ଦିନ ଧରି ସେୟାର ବଜାରରେ ରାଜ କରି ଆସୁଛନ୍ତି ରାକେଶ । ଆଜି ପର୍ଯ୍ୟନ୍ତ ତାଙ୍କର କୌଣସି ସେୟାରରେ କ୍ଷତି ହୋଇନାହିଁ । କିନ୍ତୁ ଏବେ ସେ ଚର୍ଚ୍ଚାର ପରିସରକୁ ଆସିଛନ୍ତି । କାରଣ ମାତ୍ର ଗୋଟିଏ ସେୟାର ତାଙ୍କୁ ଦେଇଛି ୮୭୫ କୋଟି ଟଙ୍କାର ମୁନାଫା । ଗତ ଶୁକ୍ରବାର ରାକେଶଙ୍କ କମ୍ପାନି ତରଫରୁ ସେପ୍ଟେମ୍ବର ତ୍ରୈମାସିକର ଲାଭାଂଶ ରିପୋର୍ଟ ପ୍ରକାଶ ପାଇଥିଲା । ଏହି ରିପୋର୍ଟ ଦେଖିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । କାରଣ ସେପ୍ଟେମ୍ବର ମାସରେ ମାତ୍ର କିଛି ଘଣ୍ଟା ମଧ୍ୟରେ ରାକେଶ ପ୍ରାୟ ସେୟାର ବିକ୍ରିରୁ ୮୭୫ କୋଟି ଟଙ୍କାର ଲାଭ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମାତ୍ର ୬୦ ଟଙ୍କାରେ ସେୟାର କିଣିଥିବା ରାକେଶ ଏବେ ପ୍ରାୟ ୧୦ ହଜାର କୋଟିରୁ ଉଦ୍ଧ୍ୱର୍ ସେୟାରର ମାଲିକ । ଏକ ଇଣ୍ଟରଭ୍ୟୁରେ ରାକେଶ କହିଥିଲେ, ଟାଟା ଟିର ସେୟାର ବିକ୍ରି କରି ପ୍ରଥମେ ସେ ସବୁଠାରୁ ଅଧିକ ଟଙ୍କା ଲାଭ କରିଥିଲେ । ତେଣୁ ଟାଟା ସେୟାର ତାଙ୍କର ସବୁଠାରୁ ପ୍ରିୟ । ଗୋଟିଏ ସମୟରେ ସେ ଟାଟା ଟି ର ୫ ହଜାର ସେୟାର ଏକାଥରକେ ୪୩ ଟଙ୍କା ହିସାବରେ କିଣିଥିଲେ । ତେବେ ଏହି ସେୟାର କିଣିବା ପରେ ତାଙ୍କ ଉପରେ ଲକ୍ଷ୍ମୀଙ୍କର କୃପାଦୃଷ୍ଟି ପଡିଥିଲା । କିଛି ଦିନ ସେହି ସେୟାର ଗୁଡିକ ରଖିବା ପରେ ୪୩ ଟଙ୍କାର ସେୟାରକୁ ୧୪୩ ଟଙ୍କା ଲେଖାଏଁ ପ୍ରତି ସେୟାରର ମୂଲ୍ୟରେ ବିକ୍ରି କରିଥିଲେ । ତେବେ ଏଥିରୁ ଯାହା ବି ଲାଭାଂଶ ମିଳିଥିଲା ତାହାକୁ ପୁଣି ଟାଟା ଟି ସେୟାର କିଣିବାରେ ଖର୍ଚ୍ଚ କରିଥିଲେ ।
ତେବେ ସେପ୍ଟେମ୍ବରରେ ସତେ ଯେମିତି ତାଙ୍କ ଉପରେ ଧନଲକ୍ଷ୍ମୀଙ୍କର ଶୁଭଦୃଷ୍ଟି ପଡିଥିଲା । କେବଳ ଟାଇଟନର ସେୟାର ବିକ୍ରି କରି ସେ ୮୭୫ କୋଟି ଟଙ୍କା ଲାଭ କରିଥିଲେ । ସ୍ରୋର ବଜାରରେ ସେ କିଣିଥିବା ଟାଇଟନ ସେୟାର ରାଜ କରିଥିଲା । ଯାହା ତାଙ୍କୁ କୋଟି କୋଟି ଟଙ୍କା ଲାଭ ଦେଇଥିଲା । ଏକାଥରେକେ ଟାଇଟନ କ୍ୟୁ-୨ ସେୟାରରେ ୧୯ ପ୍ରତିଶତ ବୃଦ୍ଧି ହୋଇଥିଲା ।
ଶୁକ୍ରବାର ସେପ୍ଟମ୍ବର କ୍ୱାର୍ଟରର ରିପୋର୍ଟ ଆସିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ଟାଇଟନ ସେୟାରରୁ ୨୦ ପ୍ରତିଶତରୁ କମ ଲାଭ ମିଳିବ ବୋଲି କମ୍ପାନି ଆଶା ରଖିଥିଲା । କିନ୍ତୁ ସବୁ ଆଶାକୁ ଭୂଲ ପ୍ରମାଣିତ କରି ଟାଇଟନ ରାକେଶଙ୍କୁ ଦେଇଥିଲା ୮୭୫ କୋଟି ଟଙ୍କାର ଲାଭ । ଏହାଦô୍ାରା ସବୁ ସେୟାରରୁ ମୋଟ ୩୪୭୩ କୋଟି ଟଙ୍କାର ଲାଭ ହାତେଇଛନ୍ତି ରାକେଶ । ଯାହା ପୂର୍ବବର୍ଷ ତୁଳନାରେ ୨୯ ପ୍ରତିଶତ ଅଧିକ । କିନ୍ତୁ ଏତିକି ଲାଭରେ ମଧ୍ୟ ରାକେଶଙ୍କ ମନ ବୁଝି ନାହିଁ । ପୁଣିଥରେ ଏହି ସେୟାରକୁ ସେୟାର ବଜାରରେ ନିବେଶ କରିଛନ୍ତି ରାକେଶ ।
୨୦୦୨-୦୩ ମସିହାରେ ୬ କୋଟିର ସେୟାର ମାତ୍ର ୩ ଟଙ୍କା ମୂଲ୍ୟରେ କିଣିଥିବା ବେଳେ ଏବେ ଏହା ୬୨୩ ଟଙ୍କାରେ ପହଞ୍ଚିଛି । ଏକ ଇଣ୍ଟରଭ୍ୟୁରେ ରାକେଶ କହିଥିଲେ, ତାଙ୍କ ବ୍ୟାଙ୍କ ଆକାଉଣ୍ଟରେ ମାତ୍ର ୧୦୦୦ ଟଙ୍କା ଥିବା ବେଳେ ମଧ୍ୟ ସେ କୋଟି କୋଟି ଟଙ୍କାର ଡିଲ କରିଥାନ୍ତି । କାରଣ ସେ ନିଜ ଉପରେ ଅଧିକ ବିଶ୍ୱାସ କରିଥାନ୍ତି । ତେଣୁ ସେ ଜୀବନରେ କେବେ ହାରର ସାମ୍ନା କରିନାହାନ୍ତି ।