ରଜ ଲଢେଇ . . କିଏ ମାରିବ ବାଜି ?
ଆଗକୁ ଆସୁଛି ରଜ । ପ୍ରତ୍ୟେକ ବର୍ଷ ଭଳି ଚଳିତ ବର୍ଷ ମଧ୍ୟ ରଜ ପାଇଁ ସଜବାଜ ହୋଇଛି ଓଲିଉଡ୍ । ପରଦାକୁ ଆସୁଛି ବିଗ୍ ବ୍ୟାନର୍ ବିଗ୍ ବଜେଟ୍ ମୁଭି । ଏଥର ରଜ ଲଢେଇରେ ସାମିଲ ହେଉଛନ୍ତି ଅନୁଭବ, ବାବୁସାନ ଓ ଅରିନ୍ଦମ । ଏହା ସହ ବକ୍ସ ଅଫିସରେ ହେବ ଜୋର୍ ଦାର୍ ଟକ୍କର । ଦର୍ଶକ କେଉଁ ମୁଭିକୁ ଅଧିକ ପସନ୍ଦ କରିବେ ଆଉ କେଉଁ ମୁଭି ଫେଲ୍ ମାରିବ, ସେଥିପାଇଁ ଏବେ ଠାରୁ ଆରମ୍ଭ ଚର୍ଚ୍ଚା ହୋଇଗଲାଣି।
Kanak News is now on WhatsApp
Join and get latest news updates delivered to you via WhatsApp
ରଜ ବଜାରରେ ଓଡିଆ ଇଣ୍ଡଷ୍ଟ୍ରୀରେ ମୁକ୍ତିଲାଭ କରିବାକୁ ଯାଉଛି ତିନୋଟି ଫିଲ୍ମ । ଅନୁଭବ ମହାନ୍ତିଙ୍କ ଅଗସ୍ତ୍ୟ, ଅରିନ୍ଦମ୍ ରୟଙ୍କ ପ୍ରେମରେ ପ୍ରେମରେ ଏବଂ ବାବୁଶାନ୍ ମହାନ୍ତିଙ୍କ ଲଭ୍ ଷ୍ଟେସନ୍ । ଅନୁଭବ ନିଜ ଫ୍ୟାନମାନଙ୍କ ପାଇଁ ଭେଟିଦେବାକୁ ଯାଉଛନ୍ତି ଆକ୍ସନ ଫିଲ୍ମ ଅଗସ୍ତ୍ୟ । ଯେଉଁଥିରେ ଦେଖିବାକୁ ମିଳିବ ଅନୁଭବଙ୍କ ଗ୍ୟାଙ୍ଗଷ୍ଟର୍ ଅବତାର୍ । ମୂରଲୀକ୍ରିଷ୍ଣାଙ୍କ ନିର୍ଦେଶିତ ଏହି ସିନେମାରେ ତାଙ୍କ ବିପକ୍ଷରେ ନାୟିକା ଭାବେ ବଙ୍ଗୀୟ ସୁନ୍ଦରୀ ଝିଲିକଙ୍କୁ ଦେଖିବାକୁ ମିଳିବ । ପୁଣିଥରେ ଓଡିଆ ଦର୍ଶକଙ୍କୁ ଏଂଟରଟେନ୍ କରିବେ ଏହି ଯୋଡି । ଆଗାମୀ ୧୦ ତାରିଖରେ ଏହି ସିନେମାଟି ଓଡିଶାର ବିଭିନ୍ନ ପ୍ରେଖ୍ୟାଳୟରେ ମୁକ୍ତିଲାଭ କରିବ ।
ଅନୁଭବଙ୍କୁ ଏଥର ଟକ୍କର ଦେବେ ଷ୍ଟାର୍ ସନ ବାବୁସାନ୍ । କାରଣ ସେହି ଦିନ ରିଲିଜ୍ ହେବ ତାଙ୍କ ଫିଲ୍ମ ଲଭ୍ ଷ୍ଟେସନ୍ । ଏଥର ବାବୁସାନ୍ ମହାନ୍ତିଙ୍କ ଯୋଡି ଜମିବ ଏଲିନାଙ୍କ ସହ । ତରଙ୍ଗ ସିନେ ପ୍ରଡକ୍ସନ ଦ୍ୱାରା ପ୍ରସ୍ତୁତ ଏହି ସିନେମାର ନିର୍ଦେଶନା ଦାୟିତ୍ୱ ତୁଲାଇଛନ୍ତି ଅଶୋକ ପତି ।
ଏହାପରେ ପାଳି ଓଲିଉଡ୍ ହ୍ୟାଣ୍ଡସମ୍ ହଙ୍କ ଅରିନ୍ଦମଙ୍କର । ସେ ନିଜ ପ୍ରଶଂସକଙ୍କ ପାଇଁ ନେଇ ଆସିଛନ୍ତି ଚଳଚ୍ଚିତ୍ର ପ୍ରେମରେ ପ୍ରେମରେ । ସାର୍ଥକ ଦ୍ୱାରା ପ୍ରସ୍ତୁତ ଏହି ଫିଲ୍ମରେ ଅରିନ୍ଦମଙ୍କ ବିପକ୍ଷରେ ନାୟିକା ଭାବେ ନଜର ଆସିବେ ଶୀତଲ । ଫିଲ୍ମର ନିର୍ଦେଶନା ଦେଇଛନ୍ତି ସୁଧାଂଶୁ ମୋହନ ସାହୁ । ଆଗାମୀ ୧୨ ତାରିଖରେ ଫିଲ୍ମଟି ମୁକ୍ତିଲାଭ କରିବ ବୋଲି ସୂଚନା ମିଳିଛି । ତେବେ ସେ ଯାହା ବି ହଉ ରଜ ବଜାରରେ ଏଥର ଓଡିଆ ଦର୍ଶକଙ୍କୁ ଏଂଟରଟେନ୍ କରିବେ ଏହି ତିନି ସୁପରଷ୍ଟାର୍ ।