ପାକିସ୍ତାନୀ ମାଟିରେ ପୁଣି ଏକ ସର୍ଜିକାଲ ଷ୍ଟ୍ରାଇକର ଇସାରା କଲେ ଗୃହମନ୍ତ୍ରୀ ରାଜନାଥ ସିଂହ : କହିଲେ ଆବଶ୍ୟକ ପଡ଼ିଲେ ଅତିକ୍ରମ କରିବୁ ସୀମାରେଖା
କନକ ବ୍ୟୁରୋ : ବାରମ୍ବାର ଅସ୍ତ୍ରବିରତି ଉଲଂଘନ ପରେ ସିଧାସଳଖ ପାକିସ୍ତାନକୁ ଶୁଣାଇ ଦେଇଛନ୍ତି ଗୃହମନ୍ତ୍ରୀ । ଠିକ୍ ଏମିକି ବେଳେ ରାଜନାଥ ସିଂଙ୍କ ଏଭଳି ଏକ ମନ୍ତବ୍ୟ ଆସିଛି ଯେତେବେଳେ କ୍ରମାଗତ ଭାବରେ ୫ ଦିନ ହେଲା ସୀମା ଆରପଟରୁ ଗୁଳିଗୋଳା ମାଡ଼ କରୁଛନ୍ତି ପାକିସ୍ତାନ ଯବାନ । ପାକ୍ ଯବାନଙ୍କ ଗୁଳିମାଡ଼ରେ ପୁଂଚ ସେକ୍ଟରରେ ଜଣେ ଯବାନ ସହିଦ ହୋଇଥିବା ବେଳେ ୨ଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଛି । ଆଉ ଏତିକି ବେଳେ ପାକିସ୍ତାନକୁ ମନେ ପକାଇ ଦେଇଛନ୍ତି ସର୍ଜିକାଲ ଷ୍ଟ୍ରାଇକର କଥା ।
Kanak News is now on WhatsApp
Join and get latest news updates delivered to you via WhatsApp
ଗୃହମନ୍ତ୍ରୀଙ୍କ ଏହି ମନ୍ତବ୍ୟ ଏଇଥି ପାଇଁ ଗୁରୁତ୍ୱ ରଖୁଛି, କାରଣ ଗତ ୧୮ ତାରିଖରେ ପାକିସ୍ତାନ ସୀମାରେ ପଶି ୩ ଜଣ ପାକ୍ ରେଞ୍ଜର୍ସଙ୍କ ସମେତ ୮ଜଣଙ୍କୁ ଜୀବନର ଶେଷ ରାସ୍ତା ଦେଖାଇ ଦେଇଥିଲେ ଭାରତୀୟ ଜବାନ । ପାକିସ୍ତାନର ଆକ୍ରମଣ ବଦଳରେ ପ୍ରତି-ଆକ୍ରମଣ କରିବାକୁ ଭାରତ ପଛଘୁଂଚା ଦେବ ନାହିଁ ବୋଲି କହିଛନ୍ତି ଗୃହମନ୍ତ୍ରୀ । ପଡୋଶୀ ଦେଶଙ୍କ ସହ ଭାରତ ସବୁବେଳେ ଶାନ୍ତି ଚାହୁଁଥିବା ବେଳେ ପାକିସ୍ତାନର କିନ୍ତୁ ଅଭ୍ୟାସ ବଦଳୁ ନାହିଁ । ଗୃହମନ୍ତ୍ରୀ ହିସାବରେ ସବୁ କିଛି କହିବା ସଂଭବ ନୁହେଁ, ତେବେ ଭାରତର ମୁଣ୍ଡ ତଳକୁ ହେବାକୁ ଦିଆଯିବ ନାହିଁ ବୋଲି କହିଛନ୍ତି ରାଜନାଥ ସିଂ ।
ଲକ୍ଷ୍ନୌରେ ଭାରତୀୟ ରେଲୱେ ମାଲ ଗୋଦାମ୍ ଶ୍ରମିକ ସଂଘର କର୍ମକର୍ତ୍ତାଙ୍କୁ ସମ୍ବୋଦିତ କରିବା ଅବସରରେ ପାକିସ୍ତାନକୁ ଏହି ଚରମବାଣୀ ଶୁଣାଇଛନ୍ତି ରାଜନାଥ ସିଂ ।