ବଲିଉଡର ଦବଙ୍ଗ ଖାନ ନିଜର ବ୍ୟକ୍ତିଗତ ଜୀବନକୁ ନେଇ ଅନେକ ସମୟରେ ଚର୍ଚ୍ଚାରେ ରହିଥାନ୍ତି । ତେବେ ପୂର୍ବରୁ ସଲମାନ ତାଙ୍କ ଶେଷ ଫିଲ୍ମର ପ୍ରମୋଶନ ପାଇଁ ଏକ ସାକ୍ଷାତକାରରେ ବିବାଦୀୟ ଶଦ୍ଦ ବ୍ୟବହାର କରିଥିବାରୁ ରାଜସ୍ଥାନ କୋର୍ଟରେ ଏକ ମାମଲା ରୁଜୁ ହୋଇଥିଲା । ତେବେ ଏହି ବିବାଦକୁ ରାଜସ୍ଥାନ ହାଇକୋର୍ଟ ସୋମବାର ଦିନ ରୋକ ଲଗାଇ ସଲମାନଙ୍କୁ଼ ଆଶ୍ୱସ୍ତି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ କ୍ରମେ ବାଲ୍ମିକୀ ସମୁଦାୟ ଉପରେ ଆପତ୍ତିଜନକ ଟିପ୍ପଣୀ ଦେଇଥିଲେ ବୋଲି ସଲମାନଙ୍କ ବିରୋଧରେ ମାମଲା ରୁଜୁ ହୋଇଥିଲା । ତେବେ କୋର୍ଟ ଏହି ମାମଲାର ପୁଲିସ ଯାଂଚ ଉପରେ ରୋକ ଲଗାଇଦେଇଛି । ତାଙ୍କ ନିଜ ଫିଲ୍ମର ପ୍ରମୋଶନ ପାଇଁ ସଲମାନ ଏକ ସାକ୍ଷାତକାରରେ ଏହି ସମୁଦାୟ ଉପରେ ଟିପ୍ପଣୀ ଦେଇଥିଲେ । ଯାହାକୁ ନେଇ ୨୨ ଫେବୃୟାରୀ ଦିଲ୍ଲୀ କୋର୍ଟରେ ଏକ ପିଟିସନ ଦାୟର କରାଯାଇଥିଲା, ଯେଉଁଥିରେ ସଲମାନ ଖାନଙ୍କ ସମେତ କ୍ୟାଟରୀନା କୈଫ ଓ ଶିଳ୍ପା ସେଟ୍ଟୀଙ୍କ ବିରୋଧରେ ମଧ୍ୟ ମାମଲା ରୁଜୁ ପାଇଁ ଦାବି କରାଯାଇଥିଲା ।
ଦିଲ୍ଲୀ କର୍ମଚାରୀ ଆୟୋଗର ଅଧ୍ୟକ୍ଷ ହରନାମ ସିଂ ଏହାର ଅଭିଯୋଗ କରିବା ସହିତ କ୍ୟାଟ୍ରିନା କୈଫଙ୍କ ବିରୋଧରେ ମଧ୍ୟ ଅଭିଯୋଗ ଆଣିଥିଲେ । ତାଙ୍କ କହିବାନୁସାରେ, ଆପତ୍ତିଜନକ ଟିପ୍ପଣୀ ବିରୋଧରେ କହିବା ପରିବର୍ତ୍ତେ କ୍ୟାଟ୍ରିନା ତାଙ୍କ ଆଚରଣରେ ଏହି ସମୁଦାୟକୁ ଆଘାତ ପହଂଚାଇବାରେ ସଲମାନଙ୍କୁ ସହଯୋଗ କରିଥିଲେ ।
ଭାଇଜାନ ତାଙ୍କ ଶେଷ ଫିଲ୍ମର ପ୍ରମୋଶନ ସମୟରେ ‘ଭଙ୍ଗୀ’ର ଶଦ୍ଦ ପ୍ରୟୋଗ କରିଥିଲେ । ଅଭିନେତ୍ରୀ ଶିଳ୍ପା ମଧ୍ୟ ଏହି ଶଦ୍ଦର ବ୍ୟବହାର କରି କହିଥିଲେ କି ସେ ଘରେ କେମିତି ଦେଖାଯାଆନ୍ତି ।