ରାଇରଙ୍ଗପୁରରୁ ଆସିଲା ଦୁଃଖଦ ଖବର : ହଷ୍ଟେଲ ଭିତରୁ ଅଧ୍ୟାପିକାଙ୍କ ଝୁଲନ୍ତା ମୃତଦେହ ଉଦ୍ଧାର,ପରିବାର ଲୋକେ ଆଣିଲେ ହତ୍ୟା ଅଭିଯୋଗ
କନକ ବ୍ୟୁରୋ : ରାଇରଙ୍ଗପୁରରୁ ଆସିଛି ଦୁଃଖଦ ଖବର । କଲେଜ ହଷ୍ଟେଲ ଭିତରେ ଅଧ୍ୟାପିକାଙ୍କ ସନ୍ଦେହଜନକ ମୃତ୍ୟୁ । ରାଇରଙ୍ଗପୁର କଲେଜ ହଷ୍ଟେଲରୁ ମିଳିଛି ଅଧ୍ୟାପିକାଙ୍କ ଝୁଲନ୍ତା ମୃତଦେହ । ମୃତ ଅଧ୍ୟାପିକାଙ୍କ ନାଁ ରୁକ୍ମଣୀ ମଣ୍ଡଳ । ସେ ରାଇରଙ୍ଗପୁର କଲେଜରେ ଚୁକ୍ତି ଭିତ୍ତିକ ନିଯୁକ୍ତି ପାଇଥିଲେ । ସୂଚନା ଅନୁସାରେ କାଳୀପୂଜାରେ ଅଧ୍ୟାପିକାଙ୍କୁ ତାଙ୍କର ସମ୍ପର୍କୀୟ ଭାଇ ଦୁଷ୍କର୍ମ କରିଥିଲେ । ଏନେଇ ପୀଡିତା ଝାରପୋଖରିଆ ଥାନାରେ ଏତଲା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଝାରପୋଖରିଆ ପୋଲିସ କାର୍ଯ୍ୟନୁଷ୍ଠାନରେ ଅବହେଳା କରିବା ନେଇ ଆଜି ମୟୂରଭଂଜ ଏସପି ଝାରପୋଖରିଆ ଆଇଆଇସିଙ୍କୁ ଏସପି ଅଫିସକୁ ବଦଳି ଓ ମାମଲାର ତଦନ୍ତାକାରୀ ଅଧିକାରୀ ପ୍ରଶାନ୍ତ ସ୍ୱାଇଁଙ୍କୁ ନିଲମ୍ୱିତ କରିଛନ୍ତି । ମୃତ ଅଧ୍ୟାପିକାଙ୍କ ପରିବାର ଲୋକ ଏହାକୁ ହତ୍ୟା ବୋଲି ଅଭିଯୋଗ ଆଣିଛନ୍ତି । ଏହି ଘଟଣାରେ ପୋଲିସ ଅଭିଯୁକ୍ତକୁ କଟକରୁ ଗିରଫ କରିଥିବା ସୂଚନା ମିଳିଛି ।