ପୁରୀ ବ୍ୟୁରୋ , କନକ ନ୍ୟୁଜ୍ : ଅସରାଏ ବର୍ଷାରେ ଅବସ୍ଥା ବେହାଲ । ଉବୁଟୁବୁ ପୁରୀ ବଡ଼ ଦାଣ୍ଡ । ରାସ୍ତାରେ ଆଂଠୁଏ ଆଂଠୁଏ ପାଣି । ଗାଡ଼ି ମଟର ତ ଦୂରର କଥା ରାସ୍ତାରେ ଚାଲିକି ଯିବା ବି କଷ୍ଟକର ହୋଇପଡୁଛି । ବର୍ଷା ପାଣି ଯୋଗୁଁ ବଡ଼ ଦାଣ୍ଡ କଡ଼ରେ ଥିବା ଦୋକାନଗୁଡ଼ିକ ପଶୁଛି ବର୍ଷା ପାଣି । ବଡ଼ ଦାଣ୍ଡରେ ବର୍ଷା ପାଣି ଜମି ରହୁଥିବାରୁ ଲୋକେ ବହୁ ଅସୁବିଧାର ସମ୍ମୁଖିନ ହେଉଛନ୍ତି । ଲାଗୁଛି ଯମିତି ଫେଲ ମାରିଛି ଡ୍ରେନେଜ୍ ବ୍ୟବସ୍ଥା ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତାକାଲି ଶ୍ରାବଣ ସୋମବାର ଥିବା ଶହ ଶହ କାଉଡିଆଙ୍କ ଭିଡ଼ ଲାଗୁଥିବା ବେଳେ ରାସ୍ତାରେ ବର୍ଷା ପାଣି ଯୋଗୁଁ ଚାଲିକିି ଯିବା ବି ମୁସ୍କିଲ ହୋଇପଡ଼ିଛି । ପମ୍ପ ଜରିଆରେ ରାସ୍ତାରୁ ବର୍ଷା ପାଣି ହଟାଇବା ନେଇ ପ୍ରଶାସନ ବାରମ୍ବାର ଦାବି କରୁଥିଲେ ମଧ୍ୟ ଆଜିର ଏହି ଦୃଶ୍ୟ ଦେଖିଲେ ଲାଗୁଛି ଯେମିତି ଭାଙ୍ଗୁନି ପ୍ରଶାସନର ନିଦ । ନବକଳେବର ସମୟରେ କୋଟି କୋଟି ଟଙ୍କାରେ ହୋଇଥିବା ରାସ୍ତା ଓ ଡ୍ରେନ୍ କାମ କେମିତି ହୋଇଛି ,ଆଜିର ଏହି ଦୃଶ୍ୟ ଦେଖିଲେ ଯେକେହି ବି ଅନୁମାନ କରିପାରିବେ ।
ଦେଖନ୍ତୁ ଏହି ଭିଡିଓ –