ଅସରାଏ ବର୍ଷାରେ ଉବୁଟୁବୁ ପୁରୀ ବଡଦାଣ୍ଡ : ବଡଦାଣ୍ଡରେ ଲହଡି ଭାଙ୍ଗୁଛି ଆଣ୍ଠୁଏ ଆଣ୍ଠୁଏ ପାଣି
କନକ ବ୍ୟୁରୋ : ଚଳିତବର୍ଷର ପ୍ରଥମ ବର୍ଷାରେ ଉବୁଟୁବୁ ପୁରୀ ବଡଦାଣ୍ଡ । ଅଳ୍ପ ସମୟର ବର୍ଷାରେ ବଡଦାଣ୍ଡରେ ଲହଡି ଭାଙ୍ଗୁଛି ଆଂଠୁଏ ଆଂଠୁଏ ପାଣି । ଆଗକୁ ଶ୍ରୀଜଗନ୍ନାଥଙ୍କ ରଥଯାତ୍ରା ଥିବା ବେଳେ ଏହାର ପରିଚାଳନା ନେଇ ତୁହାକୁ ତୁହା ବୈଠକ ବସୁଛି । ଅନ୍ୟପଟେ ସହର ଡ୍ରେନେଜ ବ୍ୟବସ୍ଥା ନେଇ ହଟ୍ଟଗୋଳ ମଧ୍ୟ ଦେଖିବାକୁ ମିଳିଛି । ହେଲେ ପ୍ରଶାସନ ଡ୍ରେନେଜ କାମ ଶେଷ ହୋଇଥିବା ନେଇ ବାରମ୍ବାର ଦୃଢୋକ୍ତି ପ୍ରକାଶ କରିଛି । କିନ୍ତୁ ଆଜିର ବର୍ଷା ସାମ୍ନାକୁ ଆଣିଛି ସତ ।
Kanak News is now on WhatsApp
Join and get latest news updates delivered to you via WhatsApp
ରଥଯାତ୍ରା ସମୟରେ ଏପରି ପରିସ୍ଥିତି ସୃଷ୍ଟି ହେଲେ କି ସାଂଘାତିକ ସ୍ଥିତି ସୃଷ୍ଟି ହେବ ତାହା ସହଜରେ ଅନୁମେୟ । ଅନ୍ୟପଟେ ଆସନ୍ତା ୨୫ ତାରିଖରେ ରଥଯାତ୍ରା ପାଇଁ ତୃତୀୟ ସମନ୍ୱୟ ବୈଠକ ଅନୁଷ୍ଠିତ ହେବ । ତେଣୁ ଏହି ବୈଠକରେ ମଧ୍ୟ ପୁରୀ ସହରର ଜଳ ନିଷ୍କାସନ ବ୍ୟବସ୍ଥା ନେଇ ହଟ୍ଟଗୋଳ ହେବା ସମ୍ଭାବନା ସୃଷ୍ଟି ହୋଇଛି ।