ଏଣିକି ଟ୍ରେନରେ ବସି ଆଇଆରସିଟିସିର କିଚେନ୍ ଉପରେ ଯାତ୍ରୀ ରଖିପାରିବେ ନଜର : ମୋବାଇଲରେ ଦେଖିପାରିବେ ଖାଦ୍ୟ ପ୍ରସ୍ତୁତିର ଭିଡିଓ
ରେଳଯାତ୍ରୀଙ୍କୁ ଯାତ୍ରା ସମୟରେ ଏବଂ ଷ୍ଟେସନ ଉପରେ ମିଳୁଥିବା ଖାଦ୍ୟପାନୀୟର ଗୁଣବତ୍ତା ଉପରେ ସର୍ବଦା ସମସ୍ତଙ୍କ ସନ୍ଦେହ ରହିଥାଏ । ଅନେକ ଥର ଯାତ୍ରୀ ଟ୍ରେନରେ ଖରାପ ଖାଇବା ମିଳୁଥିବାର ଅଭିଯୋଗ କରିଛନ୍ତି । କିନ୍ତୁ ଏବେ ରେଳବାଇ ଯାତ୍ରୀଙ୍କ ମନରୁ ସନ୍ଦେହ ଦୂର କରିିବା ପାଇଁ ଏକ ଯୋଜନା ପ୍ରସ୍ତୁତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯାତ୍ରୀମାନେ ଟ୍ରେନରେ ଯାତ୍ରା କରିବା ସମୟରେ ତାଙ୍କ ପାଇଁ ରନ୍ଧା ଯାଉଥିବା ଖାଦ୍ୟର ଲାଇଭ ଭିଡ଼ିଓ ଦେଖି ପାରିବେ ବୋଲି ଜଣାପଡ଼ିଛି । ଏଥିପାଇଁ ସେମାନେ ଆଇଆରସିଟିସି ସାଇଟକୁ ଯାଇ ଖାଦ୍ୟ ଠିକ୍ ଭାବରେ ତିଆରି କରାଯାଉଛି କି ନାହିଁ ଦେଖି ପାରିବେ । ଟ୍ରେନରେ ଯାତ୍ରୀମାନଙ୍କ ସୁରକ୍ଷା ଏବଂ ସେମାନଙ୍କ ପାଇଁ ଥିବା ସୁବିଧାରେ ସୁଧାର ଆଣିବା ପାଇଁ ଏହି ଅଭିଯାନ ଆରମ୍ଭ କରାଯାଇଛି ବୋଲି ଗୋଏଲ କହିଛନ୍ତି । ଆଇଆରସିଟିସି ଦ୍ୱାରା ପରିଚାଳିତ ୨୦୦ଟି ରୋଷେଇ ଘର ମଧ୍ୟରୁ ଏ ପର୍ଯ୍ୟନ୍ତ ୧୬ଟି ରୋଷେଇ ଘରେ କ୍ୟାମେରା ଲାଗି ସାରିଛି । ଦିଲ୍ଲୀ,ମୁମ୍ବାଇ ଏବଂ ଭୁବନେଶ୍ୱରରେ ଥିବା ରେଳ ଷ୍ଟେସନର ରୋଷେଇ ଘରେ କ୍ୟାମେରା ଲଗାଯାଇ ସାରିଥିବା ଜଣାପଡ଼ିଛି । ଯଦି ରୋଷେଇ କରିବା ସମୟରେ ରୋଷେୟା ନିଜର ୟୁନିଫର୍ମ ନ ପିନ୍ଧିଥିବେ ତେବେ ତାହା ଆପେ ଆପେ ଟ୍ରାକ୍ ହେବା ସହ କଣ୍ଟ୍ରାକ୍ଟରଙ୍କ ପାଖକୁ ରିପୋର୍ଟ ଚାଲିଯିବ ।
