ସୁପ୍ରିମକୋର୍ଟର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ! ଟ୍ରେନରେ ଯାତ୍ରା ସମୟରେ ମୃତ୍ୟୁ କିମ୍ବା ଆହତ ହେଲେ ମିଳିବ କ୍ଷତିପୂରଣ ।
ବୁଧବାର ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି । ଏହି ନିଷ୍ପତ୍ତି ଅନୁସାେର୍ଟ୍ରେନରେ ଯାତ୍ରା କରିବା ସମୟରେ ଯଦି କୌଣସି ଯାତ୍ରୀ ଆହତ ହେଉଛନ୍ତି କିମ୍ବା କାହାର ମୃତ୍ୟୁ ହେଉଛି ତେବେ ସେମାନଙ୍କୁ କିମ୍ବା ସେମାନଙ୍କ ପରିବାରକୁ କ୍ଷତିପୂରଣ ମିଳିବ । ତେବେ ଏହି କ୍ଷତିପୂରଣ ସମସ୍ତ ପ୍ରକାର ଦୁର୍ଘଟଣାଜନିତ ଘଟଣାରେ ମିଳିବ । ସୁପ୍ରିମକୋର୍ଟ କହିଛନ୍ତି ଦୁର୍ଘଟଣାରେ ଯାତ୍ରୀଙ୍କ ଦାୟିତ୍ୱହୀନତା ଦର୍ଶାଇ ରେଳବାଇ କ୍ଷତିପୂରଣ ଦେବାରୁ ବର୍ତ୍ତିପାରିବ ନାହିଁ । କିନ୍ତୁ ଆତ୍ମହତ୍ୟା ଏବଂ ନିଜେ ନିଜକୁ କ୍ଷତି ପହଞ୍ଚାଇଲେ ସେହି କ୍ଷେତ୍ରରେ କୌଣସି କ୍ଷତିପୂରଣ ମିଳିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୁପ୍ରିମକୋର୍ଟରେ ଜଷ୍ଟିସ ଆଦର୍ଶ କୁମାର ଗୋୟଲ ଏବଂ ଜଷ୍ଟିସ ରୋହିଙ୍ଗଟନଙ୍କ ଖଣ୍ଡପୀଠ କହିଛନ୍ତି ଯେ, କେବଳ ଟିକେଟ ନଥିଲେ ଯାତ୍ରୀ କିମ୍ବା ସେମାନଙ୍କ ପରିବାରବର୍ଗଙ୍କର ଦାବିକୁ ଅସ୍ୱୀକାର କରିହେବ ନାହିଁ । କିନ୍ତୁ କ୍ଷତିପୂରଣ ପାଇବା ପାଇଁ ଯାତ୍ରୀମାନଙ୍କୁ ଯାତ୍ରା ସମୟର ଅନ୍ୟ ଦସ୍ତାବିଜ ଗୁଡିକୁ ଉପସ୍ଥାପିତ କରାଇବାକୁ ପଡିବ । ସୁପ୍ରିମକୋର୍ଟ କହିଛନ୍ତି ଯେ, ଦୁର୍ଘଟଣା ଟ୍ରେନରେ ଯାତ୍ରା କରିବା ସମୟରେ ହୋଇପାରେ କିମ୍ବା ଯାତ୍ରା ପୂରା କରିସାରିବା ପରେ ଟ୍ରେନରୁ ଓହ୍ଲାଇବା ସମୟରେ ମଧ୍ୟ ହୋଇପାରେ । ଷ୍ଟେସନ ପରିସରରେ ହେଉଥିବା ଦୁର୍ଘଟଣାରେ ମୃତ୍ୟୁ କିମ୍ବା ଆହତ ହେଲେ ଯାତ୍ରାମାନଙ୍କୁ କ୍ଷତିପୂରଣ ମିଳିବା ଆବଶ୍ୟକ ।
ତେବେ ସୁପ୍ରିମକୋର୍ଟରେ ଏହି ନିଷ୍ପତ୍ତି ପାଟନା ହାଇକୋର୍ଟର ଏକ ନିର୍ଦ୍ଦେଶକୁ ନଜରରେ ରଖି ଦିଆଯାଇଛି । ଏହି ମାମଲାରେ ୨୦୦୨ ମସିହା ଅଗଷ୍ଟ ୨୦ ତାରିଖରେ ବିହାରରେ କରୋତାରୁ ଖୁସରୁପୁର ଯାତ୍ରା କରୁଥିବା ସମୟରେ ଜଣେ ଯାତ୍ରୀଙ୍କର ଟ୍ରେନରୁ ପଡି ମୃତ୍ୟୁ ହୋଇଯାଇଥିଲା । ମୃତ ବ୍ୟକ୍ତିଜଣଙ୍କ ଦ୍ୱିତୀୟ ଶ୍ରେଣୀ ବଗିରେ ଯାତ୍ରା କରୁଥିଲେ । ତେବେ ତାଙ୍କ ପତ୍ନୀ କ୍ଷତିପୂରଣ ପାଇଁ ଦାବି କରିଥିଲେ ସୁଦ୍ଧା ରେଲୱେ ଟ୍ରିବ୍ୟୁନାଲ ତାଙ୍କ ଦାବିକୁ ଶୁଣିନଥିଲା ।
କିନ୍ତୁ ଭିଡ କାରଣରୁ ବାଧ୍ୟରେ ଟ୍ରେନରେ ଓହଳି ଯାତ୍ରୀ କରୁଥିବା ଘଟଣାକୁ ଟ୍ରିବ୍ୟୁନାଲ ଅସ୍ୱୀକାର କରିଥିଲା । ଟ୍ରିବ୍ୟୁନାଲର ନିଷ୍ପତ୍ତି ବିରୋଧରେ ମହିଳାଜଣଙ୍କ ପାଟନା ହାଇକୋର୍ଟରେ ଅପିଲ କରିଥିଲେ । ତେବେ ମହିଳାଙ୍କୁ ୪ ଲକ୍ଷ ଟଙ୍କାର କ୍ଷତିପୂରଣ ଦିଆଯିବା ନେଇ ହାଇକୋର୍ଟ ନିର୍ଦ୍ଦେଶ ଦେଇଥିଲେ । ତେବେ ଏହି ଆଦେଶକୁ ବିରୋଧ କରି ରେଳ ମନ୍ତ୍ରାଳୟ ସୁପ୍ରିମକୋର୍ଟର ଦ୍ୱାରସ୍ଥ ହୋଇଥିଲା ।