ରାୟଗଡାର କାଣିପାଇ ଗାଁରେ ଅଭାବନୀୟ ଘଟଣା ! ପ୍ରେମିକାଙ୍କୁ ଛୁରାମାଡ ପରେ ପ୍ରେମିକର ବିଷପାନ
କନକ ବ୍ୟୁରୋ : ପ୍ରେମିକାଙ୍କୁ ଛୁରା ମାଡ ପରେ ପ୍ରେମିକର ବିଷପାନ । ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ୍ କାଣିପାଇ ଗାଁରେ ଘଟିଛି ଏପରି ଅଭାବନୀୟ ଘଟଣା । ପ୍ରେମ ନିବେଦନ ସହ ବିବାହ ପ୍ରସ୍ତାବକୁ ସ୍ୱୀକାର ନକରିବାରୁ ପ୍ରେମିକାକୁ ଛୁରା ମାରିବା ପରେ ନିଜେ ବିଷ ପିଇଦେଇଛି ଅଭିଯୁକ୍ତ କୁରୁମା ପାସ୍କା । ଘଟଣା ପଛରେ ତ୍ରିକୋଣୀୟ ପ୍ରେମ କାହାଣୀ ରହିଥିବା ଜଣାପଡିଛି । ରିପୋର୍ଟ ଅନୁଯାୟୀ ବଳଦିଆ ଗାଁର କୁରୁମା କାଣିପାଇ ଗାଁର ଜଣେ ଯୁବତୀଙ୍କୁ ଭଲ ପାଉଥିଲେ । ବର୍ଷେ ହେବ ଉଭୟଙ୍କ ମଧ୍ୟରେ ପ୍ରେମ ସଂପର୍କ ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ତାଙ୍କ ପ୍ରେମିକା କିଛି ଦିନ ହେବ ଆଉ ଜଣେ ଯୁବକ ସହ ବୁଲୁଥିବା ଦେଖି ସହି ପାରିନଥିଲେ କୁରୁମା । ତେଣୁ ପ୍ରେମିକାଙ୍କ ଘରକୁ ଯାଇ ଆଉଥରେ ପ୍ରେମ ନିବେଦନ କରିବା ସହ ବିବାହ ପ୍ରସ୍ତାବ ଦେଇଥିଲେ । କିନ୍ତୁ ଯୁବତୀ ଜଣକ ରୋକଠୋକ୍ ମନା କରିଦେବାରୁ କୁରୁମା ତାଙ୍କୁ ଛୁରୀ ଭୁଷି ଦେଇଥିଲେ । ଆଉ ସାଙ୍ଗରେ ନେଇଥିବା କୀଟନାଶକ ପିଇ ନିଜେ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । ଉଭୟଙ୍କୁ ଜିଲ୍ଲା ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିବା ବେଳେ ଅଭିଯୁକ୍ତ କୁରୁମାକୁ ଗିରଫ କରି ତଦନ୍ତ ଚଳାଇଛି ପୋଲିସ ।