କେତେ ସୁରକ୍ଷିତ ତାରକା ହୋଟେଲ ! ଜିରୋ ନାଇଟ ସେଲିବ୍ରେସନ ପୂର୍ବରୁ ରାଜ୍ୟର ବିଭିନ୍ନ ତାରକା ହୋଟେଲରେ ଅଗ୍ନିଶମ ବିଭାଗର ଅତର୍କିତ ଚଢାଉ !
କନକ ବ୍ୟୁରୋ : ବଡ ବଡ ହୋଟେଲରେ ଅଗ୍ନଶମ ବିଭାଗର ଅତର୍କିତ ଚଢାଉ । ନୂଆ ବର୍ଷ ଜିରୋ ନାଇଟ୍ ପାଳନ ପୂର୍ବରୁ ରାଜ୍ୟର ବିଭିନ୍ନ ତାରକା ହୋଟେଲ ସମେତ , କ୍ଲବ ଉପରେ ଚଢ଼ଉ କରିଛି ଅଗ୍ନିଶମ ବିଭାଗ । ଭୁବନେଶ୍ୱରର ୬ଟି ତାରକା ହୋଟେଲରେ ରେଡ୍ କରାଯାଇଛି । କୋ÷ଣସି ପରିସ୍ଥିତିରେ ଅଗ୍ନିକାଣ୍ଡ ଘଟିଲେ ସେଥିରୁ ରକ୍ଷା ପାଇବା ପାଇଁ କଣ ବ୍ୟବସ୍ଥା ରହିଛି ତାର ଯାଂଚ କରିଛନ୍ତି ଅଗ୍ନିଶମ ଟିମ୍ । ଅନ୍ୟ ସହରମାନଙ୍କରେ ମଧ୍ୟ ଯାଂଚ ଚାଲିଛି । ସେହିପରି କଟକର ମଧ୍ୟ ବିଭିନ୍ନ ହୋଟେଲ ଉପରେ ରେଡ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଯାଞ୍ଚ ସମୟରେ ଯେଉଁ ସବୁ ହୋଟେଲରେ ଅଗ୍ନି ନରାପତ୍ତା ସୁରକ୍ଷାରେ ତ୍ରୁଟି ପରିଲିକ୍ଷିତ ହୋଇଛି ସେସବୁ ହୋଟେଲର ରିପୋର୍ଟ ଅଗ୍ନିଶମ ଡିଜିଙ୍କୁ ଦିଆଯାଇଛି । ଅଗ୍ନିଶମ ଡିଜିଙ୍କ କହିବା ଅନୁଯାୟୀ, ଯେଉଁ ସବୁ ହୋଟେଲର ଅଗ୍ନି ନରାପତ୍ତା ସୁରକ୍ଷାରେ ତ୍ରୁଟି ପରିଲିକ୍ଷିତ ହୋଇଛି ସେମାନଙ୍କୁ ନୋଟିସ କରାଯାଇଛି । ଏବଂ ଆସନ୍ତାକାଲି ସୁଦ୍ଧା ତ୍ରୁଟି ସୁଧାରିବା ପାଇଁ କୁହାଯାଇଛି । ଏହାଛଡା ଲୋକଙ୍କ ସୁରକ୍ଷା ନେଇ ଲିଖିତ ପ୍ରତିଶୃତି ଦେବାକୁ ମଧ୍ୟ ବିଭିନ୍ନ ହୋଟେଲ ଗୁଡିକୁ କୁହାଯାଇଛି । ମୁମ୍ବାଇରେ ହୋଇଥିବା ଭୟାନକ ଅଗ୍ନିକାଣ୍ଡ ପରେ ସଜାଗ ହୋଇଉଠିଛି ଅଗ୍ନିଶମ ବିଭାଗ । ଜିରୋ ନାଇଟ ସେଲିବ୍ରେସନରେ ଯେପରି କୌଣସି ଅଘଟଣ ନ ଘଟେ ସେନେଇ ବିଭିନ୍ନ ତାରକା ହୋଟେଲରେ ଯାଞ୍ଚ କରିଛି ଅଗ୍ନିଶମ ବିଭାଗ ।