ଶିବଭକ୍ତ ପରେ ରାମଭକ୍ତ ସାଜିଲେ ରାହୁଲ ! ଚିତ୍ରକୂଟ କାମତାନାଥ ମନ୍ଦିରରେ କଲେ ପୂଜାର୍ଚ୍ଚନା, ସହରରେ ରାମଭକ୍ତ ରାହୁଲଙ୍କ ପୋଷ୍ଟର ।
କନକ ବ୍ୟୁରୋ : ଶିବଭକ୍ତ ରାହୁଲ ସାଜିଲେ ରାମଭକ୍ତ । ମଧ୍ୟପ୍ରଦେଶ ଗସ୍ତ କରିଛନ୍ତିି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ତାଙ୍କ ଗସ୍ତ ଅବସରରେ ରାହୁଲ ଚିତ୍ରକୂଟର କାମତାନାଥ ମନ୍ଦିର ଯାଇ ପୂଜାର୍ଚ୍ଚନା କରିଛନ୍ତି । ସେଠାରେ ସାଧୁସନ୍ଥଙ୍କୁ ଭେଟି ରାହୁଲ ଆଲୋଚନା କରିଛନ୍ତି । ସବୁବେଳେ ଶିବ ମନ୍ଦିର ଯାଇ ନିଜକୁ ଶିବଭକ୍ତ କହୁଥିବା ରାହୁଲ ଗାନ୍ଧୀ ଆଜି ଭଗବାନ ଶ୍ରୀରାମଙ୍କୁ ଦର୍ଶନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଖାଲି ଏତିକି ନୁହେଁ ରାହୁଲଙ୍କ ସ୍ୱାଗତ ପାଇଁ ପୋଷ୍ଟର ମଧ୍ୟ ଲଗାଯାଇଛି । ଯେଉଁ ପୋଷ୍ଟରରେ ରାହୁଲଙ୍କୁ ରାମ ଭକ୍ତ ବୋଲି ଦର୍ଶାଯାଇଛି । ତେବେ ସବୁଠାରୁ ବଡ କଥା ହେଉଛି ଏହି ଗସ୍ତ ଅବସରରେ ମୋଦିଙ୍କୁ ସମାଲୋଚନା କରିବା ପାଇଁ ଭୁଲି ନାହାନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ରାହୁଲ ସେଠାରେ ଏକ ଜନସଭାକୁ ସମ୍ବୋଧିତ କରିବା ଅବସରରେ ରାଫେଲ ଡିଲକୁ ନେଇ ମୋଦିଙ୍କୁ ଟାର୍ଗେଟ କରିଛନ୍ତି । ତେବେ ଶିବ ମନ୍ଦିର ଯାଇ ନିଜକୁ ଶିବଭକ୍ତ କହୁଥିବା ରାହୁଲ ଗାନ୍ଧୀ ମଧ୍ୟପ୍ରଦେଶରେ ଶ୍ରୀରାମଙ୍କୁ ଦର୍ଶନ କରିବା ନେଇ ଚର୍ଚ୍ଚା ଜୋର ଧରିଛି ।