ଗୁଜୁରାଟ ମୈଦାନରେ ଚାଲିଛି ରୋଚକ ବାକଯୁଦ୍ଧ : ରାହୁଲ ଗାନ୍ଧୀ କହିିଲେ, ଅମିତାଭ ବଚ୍ଚନଙ୍କ ଠାରୁ ଭଲ ଅଭିନୟ କରୁଛନ୍ତି ପ୍ରଧାନମନ୍ତ୍ରୀ ମୋଦି
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ବିଗ୍ ବି ଅମିତାଭ ବଚ୍ଚନଙ୍କ ଠାରୁ ବି ବଡ଼ ଅଭିନେତା । ଏପରି କହି ମୋଦିଙ୍କୁ କଟାକ୍ଷ କରିଛନ୍ତି କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି । ଗୁଜରାଟ ନିର୍ବାଚନ ଯେତିକି ପାଖେଇ ଆସୁଛି, ଆରୋପ-ପ୍ରତ୍ୟାରୋପର ରାଜନୀତି ସେତିକି ଜୋରଦାର ହେଉଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନୀ ସଭାରେ ଭାବୁକ ହୋଇ ମୋଦିଙ୍କ ଆଖିରେ ଲୁହ ଆସି ଯାଇଥିଲା, ହେଲେ ରାହୁଲ କହିଛନ୍ତି ଅଭିନୟରେ ମୋଦିଜୀ ଓସ୍ତାଦ । ଅମିତାଭ ବଚ୍ଚନ କଂଟାକ୍ଟ ଲେନ୍ସ ଲଗାଇ କାନ୍ଦୁଛନ୍ତି, ହେଲେ ମୋଦିଜୀ ତାଙ୍କ ଠାରୁ ବି ବଡ଼ କଳାକାର । ସେପଟେ ମୋଦି ମଧ୍ୟ କଂଗ୍ରେସକୁ ସମାଲୋଚନା କରିବାର କୌଣସି ସୁଯୋଗ ହାତଛଡ଼ା କରୁନାହାନ୍ତି ।
ନିର୍ବାଚନ ଯେତିକି ପାଖେଇ ଆସୁଛି, ହୁଲୁସ୍ତୁଲ ହେଉଛି ଗୁଜରାଟର ରାଜନୀତି ମଇଦାନ । ଭୋଟରକୁ ଆପଣେଇବା ପାଇଁ ଚାଲିଛି ରାହୁଲ ଗାନ୍ଧି ଓ ନରେନ୍ଦ୍ର ମୋଦିଙ୍କ କଥା କଟିକଟି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁଜରାଟୀରେ ଭାଷଣ ଦେଇ ସ୍ଥାନୀୟ ଲୋକଙ୍କ ମନ ଜିଣିବାକୁ ଉଦ୍ୟମ କରୁଛନ୍ତି । ସେପଟେ ରାହୁଲ ମଧ୍ୟ ପଛରେ ପଡିନାହାନ୍ତି । ବିମୁଦ୍ରାକରଣ ଓ ଜିଏସଟି ନେଇ ବିଜେପିକୁ ଜୋରଦାର ସମାଲୋଚନା କରୁଛନ୍ତି କଂଗ୍ରେସ ଉପାଧ୍ୟକ୍ଷ ।