ବିଜେପି ଉପରେ ବର୍ଷିଲେ ରାହୁଲ ! କହିଲେ, ଯେଉଁ ୪ ଜଣଙ୍କୁ ମୋଦି ଦେଉଛନ୍ତି ସୁରକ୍ଷା, ତାଙ୍କ ପକେଟରୁ ‘ନ୍ୟାୟ’ ଯୋଜନା ଟଙ୍କା ଆଣିବ କଂଗ୍ରେସ ।
କନକ ବ୍ୟୁରୋ : ନିର୍ବାଚନ ଯେତିକି ପାଖଉଛି, ପ୍ରଚାର ସେତିକି ବଢିବାରେ ଲାଗିଛି । ଗତ ୫ ବର୍ଷର ସଫଳତାକୁ ନେଇ ବିଜେପି, ଭୋଟରଙ୍କୁ ଆକୃଷ୍ଟ କରିବାକୁ ଉଦ୍ୟମ କରୁଥିବାବେଳେ, ମୋଦି ସରକାରଙ୍କ ବିଫଳତାକୁ ମୁଦ୍ଦା କରିଛି କଂଗ୍ରେସ । ବୁଧବାର ଆସାମର ବୋକାଖାଟରେ ଆୟୋଜିତ ହୋଇଥିବା ନିର୍ବାଚନ ରାଲିକୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବର୍ଷିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ଆଉ ଏହାରି ଭିତରେ ନ୍ୟାୟ ସ୍କିମକୁ ନେଇ ଯେଉଁ ପ୍ରଶ୍ନ ଉଠୁଛି, ତାହାର ଉତ୍ତର ଦେଇଛନ୍ତି ରାହୁଲ ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ଅଧ୍ୟକ୍ଷ କହିଛନ୍ତି, ଏହି ଯୋଜନାରେ ଟଙ୍କା ସେହି ୪ଜଣ ଲୋକଙ୍କ ପକେଟରୁ ଆସିବ, ଯାହାଙ୍କୁ ସୁରକ୍ଷା ଦେଉଛନ୍ତି ମୋଦି । ରାହୁଲଙ୍କ ଏଭଳି ବୟାନ ପରେ ଏବେ ତୀବ୍ର ହୋଇଛି ରାଜନୀତି । ୨୦୧୪ରେ ମୋଦି ଯେଉଁ ପ୍ରତିଶ୍ରୁତି ଦେଇଥିଲେ, ତାହା କେତେ ମାତ୍ରାରେ ପୂରଣ ହୋଇଛି ବୋଲି ରାହୁଲ ପ୍ରଶ୍ନ କରିଛନ୍ତି । ସେ କହିଛନ୍ତି, ଗୋଟିଏ ପଟେ ପ୍ରତିଟି ବ୍ୟାଙ୍କ ଆକାଉଣ୍ଟରେ ୧୫ ଲକ୍ଷ ଟଙ୍କା ମୋଦିଙ୍କ ସବୁଠୁ ବଡ ଜୁମଲା ଅଟେ । ତେବେ ନିର୍ବାଚନ ପୂର୍ବରୁ ଜନମତ ହାସଲ ପାଇଁ ଭୋଟରଙ୍କୁ ଅନେକ ସ୍ୱପ୍ନ ଦେଖାଇଛନ୍ତି କଂଗ୍ରେସ ଅଧ୍ୟକ୍ଷ ।
୨୦୧୯ ନିର୍ବାଚନ ଯେତିକି ପାଖଉଛି, ରାଜନୀତି ସେତିକି ବଢିବାରେ ଲାଗିଛି । ପ୍ରତିଦିନ ନୂଆ ନୂଆ ରଣନୀତି ସହ ନେତାମାନେ ରାଜନୀତି ମଇଦାନକୁ ଓହ୍ଲାଉଥିବାର ମଧ୍ୟ ଦେଖିବାକୁ ମିଳିଛି । ଆଉ ଏହାରି ଭିତରେ ଜନମତ ହାସଲ ପାଇଁ ଜୋରଦାର କସରତ ଚାଲିଥିବା ବେଳେ, ଆରୋପ ପ୍ରତ୍ୟାରୋପର ରାଜନୀତି ମଧ୍ୟ ବଢିବାରେ ଲାଗିଛି । ନେତାଙ୍କ ବୟାନବାଜି, ଦଳର ସଫଳତାକୁ ବଖାଣୁଥିବା ବେଳେ, ପରସ୍ପରର ବିଫଳତାକୁ କରାଯାଉଛି ନିର୍ବାଚନୀ ମୁଦ୍ଦା । ତେବେ କାହାକୁ ଭରସା କରିବେ ଭୋଟର ଏବଂ ଜନମତ କାହା ସପକ୍ଷରେ ଯିବ, ତା ଉପରେ ରହିଛି ସମସ୍ତଙ୍କ ନଜର ।