କଂଗ୍ରେସ ଅଧ୍ୟକ୍ଷଙ୍କ ଫୋକସରେ ଓଡିଶା: ନିର୍ବାଚନ ଯାଏଁ ସବୁ ମାସରେ ଓଡିଶା ଆସିବେ ରାହୁଲ ଗାନ୍ଧି
ପ୍ରଭାରୀ ଜୀତେନ୍ଦ୍ର ସିଂ ଦେଲେ ସୂଚନା, କହିଲେ, ନିଜ ସ୍ୱାର୍ଥ ପାଇଁ ଦଳ ଛାଡୁଛନ୍ତି ନେତା, ଦଳୀୟ ବିଶୃଙ୍ଖଳାକାରୀଙ୍କୁ ବରଦାସ୍ତ କରାଯିବନି
କନକ ବ୍ୟୁରୋ: ଆଗାମୀ ସାଧାରଣ ନିର୍ବାଚନ ପାଇଁ ପ୍ରସ୍ତୁତି ଜୋରଦାର ହୋଇଛି । ଜାତୀୟ ଦଳର ଟାର୍ଗେଟରେ ଏବେ ଓଡିଶା । ମୋଦିଙ୍କ ପରେ ରାହୁଲ ଗାନ୍ଧି ଶୁକ୍ରବାର ଦିନ ଓଡିଶା ଆସୁଛନ୍ତି । ନିର୍ବାଚନ ପାଖେଇ ଆସୁଥିବାରୁ ଏଣିକି ସବୁ ମାସରେ ଓଡିଶାକୁ ଥରୁଟିଏ ଆସିବେ କଂଗ୍ରେସ ସଭାପତି । ଓଡିଶା ପ୍ରଭାରୀ ଜିତେନ୍ଦ୍ର ସିଂ ଆଜି ଏହି ସୂଚନା ଦେଇଛନ୍ତି । ଦଳୀୟ ବିଶୃଙ୍ଖଳାକାରୀଙ୍କୁ ସେ ବି କଡା ଚେତାବନୀ ଦେଇଛନ୍ତି । ଜିତେନ୍ଦ୍ର କହିଛନ୍ତି,ଦଳରେ ବିଶୃଙ୍ଖଳାକୁ ଆଦୌ ବରଦାସ୍ତ କରାଯିବନାହିଁ । ଆଗକୁ ବି ଏହି ପ୍ରକ୍ରିୟା ଜାରି ରହିବ । ନିଜ ସ୍ୱାର୍ଥ ପାଇଁ ନେତା ଦଳ ଛାଡୁଛନ୍ତି । ନବଙ୍କ ସମ୍ପର୍କରେ ଜିତେନ୍ଦ୍ର କହିଛନ୍ତି , ଟିକେଟ ନେବା ତାଲିକାରେ ନବ ଥିଲେ ଅନ୍ୟମାନେ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
୨୦୧୯ ସାଧାରଣ ନିର୍ବାଚନ ଯେତିକି ପାଖେଇ ପାଖେଇ ଆସୁଛି, ରାଜନୈତିକ ଦଳଗୁଡିକ ମଧ୍ୟରେ ପ୍ରତିଯୋଗିତା ସେତେ ବଢି ବଢି ଚାଲିଛି । ଯଦି ରାଜ୍ୟ ରାଜନୀତି ଉପରେ ନଜର ପକାଇବା ତେବେ ଓଡିଶା ଦଖଲ କରିବାକୁ ବିଜେଡି ସମେତ ବିଜେପି ଏବଂ କଂଗ୍ରେସ ମଧ୍ୟ କସରତ ଆରମ୍ଭ କରିଦେଲେଣି । ରାଜ୍ୟରେ ବିଜେପିର ସ୍ଥିତି ସୁଦୃଢ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାରମ୍ବାର ଓଡିଶା ଆସୁଥିବା ବେଳେ ଶୁକ୍ରବାର ଆସୁଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ଖାଲି ଶୁକ୍ରବାର ନୁହେଁ ନିର୍ବାଚନ ପାଖେଇ ଆସୁଥିବାରୁ ଏଣିକି ସବୁ ମାସରେ ଓଡିଶାକୁ ଥରୁଟିଏ ରାହୁଲ ଗାନ୍ଧି ଓଡିଶା ଆସିବେ ବୋଲି ସୂଚନା ମିଳିଛି ।
ତେବେ ଆସନ୍ତା ଜାନୁଆରୀ ୨୫ ତାରିଖରେ ରାହୁଲ ଓଡିଶା ଆସୁଥିବା ବେଳେ ତାଙ୍କ ଗସ୍ତକୁ ଦୃଷ୍ଟିରେ ରଖି ଭୁବନେଶ୍ୱରରେ ଏକ ବିଶାଳ ସମାବେଶର ମଧ୍ୟ ଆୟୋଜନ କରିବ ରାଜ୍ୟ କଂଗ୍ରେସ । କଂଗ୍ରେସ ଅଧ୍ୟକ୍ଷ ହେବା ପରେ ରାହୁଲ ଗାନ୍ଧି ପ୍ରଥମ ଥର ପାଇଁ ଓଡିଶା ଆସୁଛନ୍ତି । ସମାବେଶ ପାଇଁ କଂଗ୍ରେସକୁ ପଡିଆ ମିଳୁନଥିବା ଚର୍ଚ୍ଚା ହେଉଥିବା ବେଳେ ତମାଣ୍ଡୋ ଠାରେ ଦଳ ପକ୍ଷରୁ ୨୫ ତାରିଖରେ ବିଶାଳ ସମାବେଶ କରାଯିବ ।
ସେପଟେ, ଆସନ୍ତା ୨୯ତାରିଖରେ ଓଡିଶା ଆସିବେ ବିଜେପି ରାଷ୍ଟ୍ରିୟ ଅଧ୍ୟକ୍ଷ ଅମିତ୍ ଶାହା । କଟକ ଜିଲ୍ଲା ସାଲେପୁର ବ୍ଲକ ଅନ୍ତର୍ଗତ କୁଳିଆଠାରେ ଆୟୋଜିତ ହେବାକୁ ଥିବା ଦଳୀୟ କାର୍ଯ୍ୟକ୍ରମରେ ଯୋଗ ଦେବେ ଶାହା । ବିଜେପି ନେତା ପୃଥ୍ୱୀରାଜ ହରିଚନ୍ଦନ ଏହି ସୂଚନା ଦେଇଛନ୍ତି । ସ