ଫଳାଫଳ ଆସିବା ପୂର୍ବରୁ କଂଗ୍ରେସ ଅଧ୍ୟକ୍ଷଙ୍କ ରଣହୁଙ୍କାର ! ଦେଶରୁ ମୂଳୋତ୍ପାଟନ ହେବ ବିଜେପି ସରକାର
କନକ ବ୍ୟୁରୋ : ଆସନ୍ତାକାଲି ଆସିବ ୫ଟି ରାଜ୍ୟ ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ, ତେଲେଙ୍ଗାନା ଓ ମିଜୋରମ ବିଧାନସଭା ନିର୍ବାଚନର ଫଳାଫଳ । ଏଥର କିଏ ସରକାର ଗଢିବ, ସେନେଇ ଅନେକ କଳ୍ପନା ଜଳ୍ପନା ଜାରି ରହିଛି । ଆଉ ଫଳାଫଳ ବାହାରିବାର ଠିକ କିଛି ଘଂଟା ପୂର୍ବରୁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ପୁଣି ଥରେ ବିଜେପିକୁ ଟାର୍ଗେଟ କରିଛନ୍ତି । ମୋଦି ସରକାରଙ୍କୁ ଗାଦିଚ୍ୟୁତ କରାଯିବ ବୋଲି ରଣହୁଙ୍କାର ଦେଇଛନ୍ତି । ରାହୁଲ ଗାନ୍ଧୀ, ମୋଦି ସରକାରଙ୍କ ଆକ୍ରମଣାତ୍ମକ ଢ଼ଙ୍ଗାରେ କହିଛନତି, ଆଗାମୀ ଆମ ସରକାର ଆସିବ ଏବଂ ଭିନ୍ନ ଉପାୟରେ ଦେଶ ପାଇଁ କାମ କରିବ । ଜନତା ବି ଏକଥା ଚାହୁଁଛନ୍ତି । ଏହାସହ ମୋଦି ସରକାରଙ୍କୁ ହଟାଇବା ପାଇଁ ମନସ୍ଥ କରିସାରିଛନ୍ତି ଜନତା ।
Kanak News is now on WhatsApp
Join and get latest news updates delivered to you via WhatsApp
ଚଣ୍ଡୀଗଡ଼ରେ ଏକ ଖବରକାଗଜ ଲଚିଂ ସମୟରେ ଆୟୋଜିତ ଏକ କାର୍ଯ୍ୟକ୍ରମରେ ରାହୁଲ ଗାନ୍ଧୀ କହିଛନ୍ତି , ଆଜିକାଲି ଖବରକାଗରେ ପ୍ରଥମ ପଷ୍ଠାରେ ବିବାହ ଠାରୁ ଆରମ୍ଭ କରି ବିଲିଉଡ଼ ଓ କ୍ରିକେଟର ଖବର ଛପୁଛି । କିନ୍ତୁ ଚାଷୀଙ୍କ ସହ ଜଡ଼ିତ ଅସୁବିଧା କଥା ତଥା ଭ୍ରଷ୍ଟାଚାର ଖବର ଗାୟବ ରହୁଛି । ସମସ୍ତ ରାଜ୍ୟର ମିଡ଼ିଆକୁ ନିଜ ବଶଙ୍କର କରିଛି ବିଜେପି ସରକାର ବୋଲି ଅଭିଯୋଗ କରିଛନ୍ତି କଂଗ୍ରେସ ଅଧ୍ୟକ୍ଷ । ସେନାକୁ ବ୍ୟକ୍ତିଗତ ସମ୍ପତି ପରି ବ୍ୟବହାର କରାଯାଇଛି । ଏବେ ଦେଶବାସୀଙ୍କ ସହିବା ସୀମା ଅତିକ୍ରମ ହୋଇଛି ।
ସୂଚନାଯୋଗ୍ୟ ମଧ୍ୟପ୍ରଦେଶରେ ଦୀର୍ଘ ୧୫ ବର୍ଷ ହେବ ଗାଦି ସମ୍ଭାଳି ଆସୁଥିବାବେଳେ ବିଜେପି ଏଥର କଂଗ୍ରେସ ସହ କଡା ମୁକାବିଲା କରୁଛି । ଏଥର ନିର୍ବାଚନରେ ବିଜେପିଠୁ କଂଗ୍ରେସ ଆଗରେ ରହିବ ବୋଲି ସର୍ଭେ ରିପୋର୍ଟ ଆକଳନ କରିସାରିଛି । ସେପଟେ ଦକ୍ଷିଣ ରାଜ୍ୟ ତେଲେଙ୍ଗାନାରେ ବି କାଲିର ଭୋଟଗଣତି ପାଇଁ ମାହୋଲ ସରଗରମ ରହିଛି । ଏଠାରେ କେ.ଚନ୍ଦ୍ରଶେର ରାଓଙ୍କ ନେତୃତ୍ୱାଧୀନ ତେଲେଙ୍ଗାନା ରାଷ୍ଟ୍ରୀୟ ସମିତି, ଟିଆରଏସର ମୁକାବିଲା କଂଗ୍ରେସ ନେତୃତ୍ୱାଧୀନ ମେଂଟ ସହ ହେଉଛି । ଏହି ମେଂଟରେ ତେଲୁଗୁଦେଶମ ପାର୍ଟି ଓ ଅନ୍ୟ ଛୋଟ ଦଳ ସାମିଲ ହୋଇଛନ୍ତି । ବିିଭିନ୍ନ ଏକଜିଟ ପୋଲରେ ଟିଏସଆସ ବହୁମତ ପାଇବ ବୋଲି ଅନୁମାନ କରାଯାଉଥିଲେ ବି ରାଜ୍ୟରେ ଶାସକ ଦଳକୁ କଡା ଟକ୍କର ଦେଉଛି କଂଗ୍ରେସ-ତେଲୁଗୁଦେଶମ ମେଂଟ ।
ଛତିଶଗଡ ନିର୍ବାଚଳ ଫଳାଫଳ ଉପରେ ସମସ୍ତଙ୍କ ନଜର ରହିଛି । ଏଠାରେ ରମଣ ସିଂହ ନେତୃତ୍ୱଧୀନ ବିଜେପି ସରକାର ୨୦୦୩ ମସିହାରୁ କ୍ଷମତାରେ ରହିଛି । ୨୦୧୩ ନିର୍ବାଚନରେ ବିଜେପି ଏଠାରେ କମ ଭୋଟ ବ୍ୟବଧାନରେ ଜିତିଥିଲା । ତେଣୁୁ ଏଠାରେ କଂଗ୍ରେସ ଓ ବିଜେପି ମଧ୍ୟରେ କଡା ଟକ୍କର ହେଉଛି । ତୃତୀୟ ମେଂଟ ଭାବେ ଉଭା ହୋଇଛନ୍ତି ଅଜିତ ଯୋଗୀ । ରାଜସ୍ଥାନ ଫଳାଫଳ ଉପରେ ସମସ୍ତଙ୍କ ନଜର ରହିଛି । ଏଠାରେ ପ୍ରତି ପାଂଚ ବର୍ଷରେ ଥରେ ସରକାର ପରବର୍ତନ ହେଉଥିବାକୁ ଏଥର ବି କ୍ଷମତା ବଦଳିବ ବୋଲି ଆକଳନ କରାଯାଇଛି । ସବୁ ଏକଜିଟ ପୋଲ ବି ରାଜସ୍ଥାନରେ ପଟ୍ଟ ପରିବର୍ତ୍ତନ ହେବ ବୋଲି ଅନୁମାନ କରିଛନ୍ତି ।
ସେପଟେ ମିଜୋରାମ ଫଳାଫଲ କଂଗ୍ରେସ ପାଇଁ ସମ୍ମାନର ପ୍ରଶ୍ନ ପାଲଟିଛି । ହେଲ ଏକଜିଟ ପୋଲ କହୁଛି ଏଥର କଂଗ୍ରେସ କୁ ଝଟକା ମିଳିପାରେ । ମିଜୋରାମରେ ଏମଏନଏଫ ଓ କଂଗ୍ରେସ ମଧ୍ୟରେ କଡା ଟକ୍କର ହେବ ବୋଲି କୁହାଯାଇଛି । ହେଲେ ଆସନ୍ତାକାଲି ଫଳାଫଳ ଆସିବା ପରେ ସ୍ପଷ୍ଟ ହେବ ମିଜୋରାମରେ କିଏ ସରକାର ଗଢିବ ।