ନ୍ୟାୟ ଯୋଜନାକୁ ସମାଲୋଚନା ପରେ ବିରୋଧୀଙ୍କୁ ରାହୁଲ ଗାନ୍ଧୀଙ୍କ ଜବାବ : କହିଲେ, ଖ୍ୟାତି ସମ୍ପର୍ଣ୍ଣ ଅର୍ଥନୀତିଜ୍ଞଙ୍କ ମତ ନିଆଯିବା ପରେ ପ୍ରସ୍ତୁତ ହୋଇଛି ଯୋଜନା
ଦେଶରୁ ଦାରିଦ୍ର୍ୟ ହଟାଇବା ପାଇଁ ଏକ ନ୍ୟୁନତମ ଆୟ ଯୋଜନାରେ ପ୍ରତି ଗରିବ ପରିବାରକୁ ବାର୍ଷିକ ୭୨ ହଜାର ଟଙ୍କା ଦେବାକୁ ପୁଣି ଦୋହରାଇଛନ୍ତି ରାହୁଲ ଗାନ୍ଧୀ । କହିଛନ୍ତି ଆଗାମୀ ନିର୍ବାଚନରେ କଂଗ୍ରେସ କ୍ଷମତାକୁ ଆସିଲେ ପ୍ରତି ଗରିବ ପରିବାରକୁ ଏହି ସହାୟତା ଦିଆଯିବ । ଏପରିକି ଆରବିଆଇର ପୂର୍ବତନ ଗଭର୍ଣ୍ଣର ରଘୁରାମ ରାଜନଙ୍କ ସମେତ ଅନେକ ଖ୍ୟାତି ସମ୍ପର୍ଣ୍ଣ ଅର୍ଥନୀତିଜ୍ଞଙ୍କ ମତ ନିଆଯିବା ସହ ଦୀର୍ଘ ୬ମାସ ହେଲାଣି ବିଚାର ବିମର୍ଷ ପରେ ଏହି ଯୋଜନା ପ୍ରସ୍ତୁତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଏହି ଯୋଜନା ନେଇ ଘୋଷଣା କରିବା ପରେ ବିରୋଧୀ ସମାଲୋଚନା ଜାରି ରଖିଥିବାରୁ ଏହାର ଜବାବ ଦେଇଛନ୍ତି ରାହୁଲ । ଏହି ଯୋଜନା ଲାଗୁ ହେଲେ ଦେଶର ୨୦ପ୍ରତିଶତ ବା ୫କୋଟି ପରିବାରର ୨୫ଲକ୍ଷ ଗରୀବ ଉପକୃତ ହେବେ । ତେବେ ଏହାର ସଫଳତା ନେଇ ଉଠିଛି ପ୍ରଶ୍ନ ।