ପ୍ରିୟଙ୍କାଙ୍କୁ ଦାୟିତ୍ୱ ମିଳିବା ପରେ ରାହୁଲଙ୍କ ପ୍ରତିକ୍ରିୟା ! ୟୁପିରେ ଯୁବନେତା ଆଣିବେ ପରିବର୍ତ୍ତନ, ପୁରା ଦମରେ ଲଢିବ କଂଗ୍ରେସ
କନକ ବ୍ୟୁରୋ : ପ୍ରିୟଙ୍କା ଗାନ୍ଧୀଙ୍କୁ ସାଧାରଣ ସଂପାଦିକା ଭାବେ ନିଯୁକ୍ତି ଦିଆଯାଇଛି । ଫେବୁଆରୀ ପ୍ରଥମ ସପ୍ତାହରୁ ପ୍ରିୟଙ୍କା ଏହି ଦାୟିତ୍ୱ ସମ୍ଭାଳିବେ । ୟୁପିରେ ସମାଜବାଦୀ ପାର୍ଟି ଓ ବିଏସପି ମଧ୍ୟରେ ମେଂଟ ଘୋଷଣା ହୋଇଥିବା ବେଳେ ଏବେ ଏହା ୟୁପି ପାଇଁ କଂଗ୍ରେସର ଏକ ମାଷ୍ଟରଷ୍ଟ୍ରୋକ ବୋଲି କୁହାଯାଉଛି । ସୂଚନା ଅନୁସାରେ, ପ୍ରିୟଙ୍କା ଗାନ୍ଧୀ ପୂର୍ବ ଉତ୍ତରପ୍ରଦେଶର ସାଧାରଣ ସଂପାଦକ ଭାବେ ନିଯୁକ୍ତି ପାଇଛନ୍ତି । ୨୦୧୯ ଫେବୁଆରୀ ପ୍ରଥମ ସପ୍ତାହରେ ସେ ଦାୟିତ୍ୱ ଗ୍ରହଣ କରିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ରାଜନୀତିରେ ପ୍ରିୟଙ୍କା ପ୍ରବେଶ ନେଇ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କହିଛନ୍ତି କଂଗ୍ରେସ ଦଳ ଫ୍ରଂଟ ଫୁଟରେ ଲଢ଼େଇ କରିବ । ଯୁବନେତା ଉତରପ୍ରଦେଶରେ ପରିବର୍ତ୍ତନ ଆଣିବେ ଓ ନିର୍ବାଚନ ଜିତିବେ । କଂଗ୍ରେସ ଆଦର୍ଶକୁ ଆଗକୁ ନେବେ ପ୍ରିୟଙ୍କା ଓ ଜ୍ୟୋତିରାଦିତ୍ୟ । ଉତ୍ତରପ୍ରଦେଶରେ ପୁରା ଦମରେ ଲଢ଼ିବ କଂଗ୍ରେସ । କଂଗ୍ରେସ, ଏସପି-ବିଏସପି ଚିନ୍ତାଧାରାରେ ସମାନତା ରହିଛି । ଆମେ ଉତ୍ତରପ୍ରଦେଶକୁ ନୂଆ ଦିଗରେ ଆଗେଇ ନେବୁ ।
ପ୍ରିୟଙ୍କା ଗାନ୍ଧୀଙ୍କୁ ସାଧାରଣ ସମ୍ପାଦିକା ଦାୟିତ୍ୱ ମିଳିବା ପରେ ପ୍ରିୟଙ୍କାଙ୍କୁ ଶୁଭେଚ୍ଛା ଜଣାଇଛନ୍ତି ସ୍ୱାମୀ ରବର୍ଟ ଭଦ୍ରା । ରବର୍ଟ ଟ୍ୱିଟ କରି ଶୁଭେଚ୍ଛା ଜଣାଇଛନ୍ତି । ସେ ଲେଖିଛନ୍ତି ଯେ, ଶୁଭେଚ୍ଛା ପି. ଜୀବନରେ ସବୁବେଳେ ମୁଁ ତୁମ ସାଥିରେ ଅଛି । ତୁମେ ସବୁଠୁ ଭଲ ପ୍ରଦର୍ଶନ କର ।