ସଂସଦର ମୌସୁମୀ ଅଧିବେଶନ ଆରମ୍ଭ ! ରାଜ୍ୟସଭା ସାଂସଦ ଭାବେ ଶପଥ ନେଲେ ରଘୁନାଥ ମହାପାତ୍ର ଓ ସୋନାଲ ମାନସିଂଙ୍କ ସମେତ ୪ ସାଂସଦ ।
କନକ ନ୍ୟୁଜ୍ : ଆଜିଠାରୁ ଆରମ୍ଭ ହୋଇଛି ସଂସଦର ମୌସୁମୀ ଅଧିବେଶନ । ଅନ୍ୟପଟେ ରାଜ୍ୟ ସଭା ସାଂସଦ ଭାବେ ଶପଥ ନେଇଛନ୍ତି ବିଶିଷ୍ଟ ସ୍ଥପତି ପଦ୍ମବିଭୂଷଣ ରଘୁନାଥ ମହାପାତ୍ର । ବିଶିଷ୍ଟ ନୃତ୍ୟଶିଳ୍ପୀ ସୋନାଲ ମାନସିଂ ମଧ୍ୟ ରାଜ୍ୟସଭା ସାଂସଦ ଭାବେ ଶପଥ ନେଇଛନ୍ତି । ଅଧିବେଶନ ଆରମ୍ଭ ପୁର୍ବରୁ ସଂସଦର କାମକୁ ସୁରୁଖୁରୁରେ ଚଳାଇବା ପାଇଁ ସମସ୍ତ ସାଂସଦଙ୍କ ସହଯୋଗ ଲୋଡିଥିଲେ ପ୍ରଧାନମନ୍ତ୍ରୀ ମୋଦି ।
Kanak News is now on WhatsApp
Join and get latest news updates delivered to you via WhatsApp
ଦେଶ ଆଗରେ ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ରହିଛି ଏବଂ ଏଗୁଡିକ ବିଷୟରେ ଅଧିକରୁ ଅଧିକ ଆଲୋଚନା ହେବା ଜରୁରୀ ବୋଲି ମୋଦି କହିଛନ୍ତି । ସେପଟେ ଲୋକସଭାରେ ହଙ୍ଗାମା ଭିତରେ ପ୍ରଶ୍ନକାଳ ଆରମ୍ଭ ହୋଇଛି । ଅଗଷ୍ଟ ୧୦ ତାରିଖ ଯାଏଁ ଚାଲିବ ସଂସଦର ଏହି ମୌସୁମୀ ଅଧିବେଶନ । ସଂସଦରେ ଅନୁମୋଦନ ପାଇଁ ବିଭିନ୍ନ ବିଲ ଏବେ ଅପେକ୍ଷାରେ ରହିଛି । ଏପରିକି ସରକାର ବିରୋଧରେ ଅନାସ୍ଥା ପ୍ରସ୍ତାବ ଆଣିବା ପାଇଁ ଯୋଜନା ରଖିଛନ୍ତି ବିରୋଧୀ ।