ୱେଲକମ୍ ମିଟିଂରେ ର୍ୟାଗିଂ : ବୁର୍ଲା ବୀର ସୁରେନ୍ଦ୍ର ସାଏ ବୈଷୟିକ ବିଦ୍ୟାଳୟରେ ଛାତ୍ରଙ୍କୁ ର୍ୟାଗିଂ କରାଯାଉଥିବାର ଭିଡିଓ ସୋସିଆଲ ମିଡ଼ିଆରେ ଭାଇରାଲ୍
କନକ ବ୍ୟୁରୋ : ୱେଲକମ୍ ମିଟିଂରେ ର୍ୟାଗିଂ । ଜୁନିଅର୍ ଛାତ୍ରଙ୍କୁ ରାଗିଂ କରୁଛନ୍ତି ସିନିଅର୍ ଛାତ୍ର । ବୁର୍ଲା ବୀର ସୁରେନ୍ଦ୍ର ସାଏ ବୈଷୟିକ ବିଦ୍ୟାଳୟ -ଭିସୁଟରେ ଛାତ୍ରଙ୍କୁ ର୍ୟାଗିଂ କରାଯାଉଥିବାର କିଛି ଭିଡିଓ ଏବେ ଭାଇରାଲ୍ ହୋଇଛି । ଏହି ଭିଡିଓରେ ଛାତ୍ର ମାନେ କାନ ଧରି ଉଠବସ ହେଉଛନ୍ତି । ଏପରିକି କିଛି ଛାତ୍ର ଡ୍ରେସ୍ ଖୋଲି ନାଚୁଥିବା ଭିଡିଓରେ ରହିଛି । ଅନ୍ୟ ଏକ ଭିଡିଓରେ କିଛି ଛାତ୍ର କ୍ୟାମ୍ପସ ଭିତରେ କେବଳ ଅନ୍ତଃବସ୍ତ୍ର ପିନ୍ଧି ଦୌଡୁଥିବା ଦେଖିବାକୁ ମିଳିଛି । ଏସସସ୍ତ ଭିଡିଓ କିଛି ଦିନ ପୂର୍ବର ବୋଲି ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଜୁନିଅର ଛାତ୍ରଙ୍କୁ ସ୍ୱାଗତ କରାଯିବା ପରେ କ୍ୟାମ୍ପସ ଭିତରେ ସିନିଅର ଛାତ୍ର ମାନେ ତାଙ୍କୁ ଏଭଳି ର୍ୟାଗିଂ କରୁଥିବା ଚର୍ଚା ହେଉଛି । ତେବେ ବର୍ତ୍ତମାନ ସୁଦ୍ଧା ର୍ୟାଗିଂ ହୋଇଥିବା ଛାତ୍ରଙ୍କ ପକ୍ଷରୁ କୌଣସି ଅଭିଯୋଗ ହୋଇନାହିଁ । ଭିଡିଓରେ ଥିବା ଛାତ୍ର ମାନେ କେଉଁ ବର୍ଷର , ତାହା ବି ଏଯାଏଁ ସ୍ପଷ୍ଟ ହୋଇନି । ତେବେ ଏନେଇ ଭିସୁଟ୍ କୁଳପତି କହିଛନ୍ତି, ଘଟଣାର ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ । ଭିଡିଓ ଭାଇରାଲ୍ ହେବା ପରେ ଘଟଣାର ତଦନ୍ତ ନିଦ୍ଦେଶ ଦେଇଛନ୍ତି ବିଭାଗୀୟ ମନ୍ତ୍ରୀ । ଏନେଇ ସେ ରେଜିଷ୍ଟାରଙ୍କ ସହ କଥା ବି ହୋଇଛନ୍ତି । ରିପୋର୍ଟ ଆସିବା ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ମନ୍ତ୍ରୀ କହିଛନ୍ତି । ଛାତ୍ରଙ୍କୁ ର୍ୟାଗିଂର ଭିଡିଓ ସାମ୍ନାକୁ ଆସିବା ପରେ ବୁର୍ଲାକୁ ପୁଣି ର୍ୟାଗିଂ ଫେରିଥିବା ଚର୍ଚ୍ଚା ହେଉଛି ।