କନକ ବ୍ୟୁରୋ : ରାଫେଲ୍ ମାମଲାରେ ନୂଆ ମୋଡ଼ । ସର୍ବୋଚ୍ଚ ଅଦାଲତଙ୍କ ରାୟରେ ସିଏଜି ଓ ପିଏସିର ଉଲ୍ଲେଖଥିବା ୨୫ ନମ୍ବର ପାରାଗ୍ରାଫରେ ସଂଶୋଧନପାଇଁ ସୁପ୍ରିମକୋର୍ଟଙ୍କୁ ଆବେଦନ କଲେ କେନ୍ଦ୍ର ସରକାର । ପୂର୍ବରୁ ରାଫେଲ୍ ରାୟ ଆସିବା ପରେ ରାହୁଲ ଗାନ୍ଧୀ ଉଠାଇଥିଲେ ସବୁଠାରୁ ବଡ଼ ପ୍ରଶ୍ନ । ରାଫେଲ ମୂଲ୍ୟ ସମ୍ପର୍କିତ କୌଣସି ତଥ୍ୟ ପବ୍ଲିକ୍ ଆକାଉଁଟ୍ସ କମିଟି ବା ପିଏସିକୁ ଆସିନଥିବା ରାହୁଲ କହିଥିଲେ । ଏନେଇ ସୁପ୍ରିମ କୋର୍ଟ ରାୟରେ କହିଥିଲେ, ରାଫେଲ ମୂଲ୍ୟ ନେଇ କେନ୍ଦ୍ର ସରକାର ସଂସଦରେ କିଛି ତଥ୍ୟ ଦେଇନଥିଲେ ମଧ୍ୟ ସିଏଜି ସାମ୍ନାରେ ରଖିଛନ୍ତି ଓ ସିଏଜି ରିପୋର୍ଟକୁ ପିଏସିରେ ସମୀକ୍ଷା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏନେଇ କୌଣସି ରିପୋର୍ଟ ଆସିନଥିବା ପିଏସି ଅଧ୍ୟକ୍ଷ ତଥା ବରିଷ୍ଠ କଂଗ୍ରେସ ନେତା ମଲ୍ଲିକାର୍ଜୁନ ଖଡ଼ଗେ କହିଥିଲେ । ଏହାକୁ ନେଇ ରାଜନୀତି ବଢ଼ିବା ପରେ ରାଫେଲ୍ ମାମଲାର ଯାଂଚ ଯୁଗ୍ମ ସଂସଦୀୟ କମିଟି ଦ୍ୱାରା କରାଯାଉ ବୋଲି କଂଗ୍ରେସ ଦାବି କରିଛି । ଏନେଇ ସିଏଜି ତଥା ଆଟର୍ଣ୍ଣି ଜେନେରାଲ୍ଙ୍କୁ ତଲବ କରାଯିବାର ପିଏସି ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ କହିଛନ୍ତି ।
ରାଫେଲ୍ ମାମଲାରେ ନୂଆ ମୋଡ଼ । ସିଏଜିକୁ ତଲବ୍ କରିବ ପବ୍ଲିକ୍ ଆକାଉଁଟ୍ସ କମିଟି । ଗତକାଲି ରାଫେଲ୍ ଡିଲ୍ ମାମଲାରେ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ କ୍ଲିନ୍ ଚିଟ୍ ଦେବା ପରେ ଆଜି ଆସିଛି ନୂଆ ମୋଡ଼ । ଏନେଇ କଂଟ୍ରୋଲର୍ ଆଣ୍ଡ ଅଡିଟର୍ ଜେନେରାଲ୍ ବା ସିଏଜିକୁ ପବ୍ଲିକ୍ ଆକାଉଁଟ୍ସ କମିଟି ବା ପିଏସି ଜବାବ୍ ତଲବ୍ କରିବ ବୋଲି ପିଏସି ଅଧ୍ୟକ୍ଷ ତଥା ବରିଷ୍ଠ କଂଗ୍ରେସ ନେତା ମଲ୍ଲିକାର୍ଜୁନ ଖଡ଼ଗେ ସୂଚନା ଦେଇଛନ୍ତି । ସେ କହିଛନ୍ତି, ରାଫେଲ୍ ଡିଲ୍ ସମ୍ପର୍କିତ ସିଏଜି ରିପୋର୍ଟ ପିଏସି ସମ୍ମୁଖରେ ରଖାଯାଇଥିବା ସରକାର ସୁପ୍ରିମକୋର୍ଟଙ୍କୁ ମିଛ ତଥ୍ୟ ଦେଇଛନ୍ତି । ଏହି ମାମଲାର ଯାଂଚ ଜେପିସି ଦ୍ୱାରା କରାଇବାକୁ ଖଡ଼ଗେ ଦାବି କରିବା ସହ ଆଟର୍ଣ୍ଣି ଜେନେରାଲଙ୍କୁ ତଲବ କରାଯିବା ସେ କହିଛନ୍ତି ।
ଏବେ ଦେଖନ୍ତୁ ରାଫେଲ୍ ପ୍ରସଙ୍ଗରେ କ’ଣ କହୁଛି କଂଗ୍ରେସ ?
– କଂଗ୍ରେସ ସର୍ବୋଚ୍ଚ ଅଦାଲତଙ୍କ ରାୟକୁ ସମ୍ମାନ କରୁଛି କିନ୍ତୁ ସୁପ୍ରିମକୋର୍ଟ ତଦନ୍ତକାରୀ ସଂସ୍ଥା ନୁହନ୍ତି ଓ କେନ୍ଦ୍ର ସରକାର ଏ ସମ୍ପର୍କିତ ସିଏଜି ରିପୋର୍ଟ ପିଏସି ସାମ୍ନାରେ ରଖିନାହାନ୍ତି ।
– ଏ ସମ୍ପର୍କିତ ତଥ୍ୟ ପବ୍ଲିକ୍ ଡୋମେନ୍ ଅର୍ଥାତ୍ ସର୍ବସମ୍ମୁଖରେ ରଖାଯାଇଥିବା ସୁପ୍ରିମକୋର୍ଟଙ୍କୁ କେନ୍ଦ୍ର ସରକାର କହିଥିବା ବେଳେ କୌଣସି ରିପୋର୍ଟ ପବ୍ଲିକ୍ ଡୋମେନରେ ନାହିଁ ।
– ରାଫେଲ୍ ଡିଲ୍ ମାମଲାର ଯାଂଚ ଯୁ୍ଗ୍ମ ସଂସଦୀୟ କମିଟି ଦ୍ୱାରା କରାଯାଉ ।
ଗତକାଲି ରାଫେଲ୍ ବିମାନ କିଣାବିକାର ସମସ୍ତ ପ୍ରକ୍ରିୟା ଠିକ ଅଛି କହି ରାଫେଲ୍ ସମ୍ପର୍କିତ ସମସ୍ତ ଆବେଦନକୁ ଖାରଜ୍ କରିଥିଲେ ସର୍ବୋଚ୍ଚ ଅଦାଲତ୍ । ଏହାପରେ କଂଗ୍ରେସକୁ ଘେରିବାକୁ ବିଜେପି ପୁଣି ଏକ ଅସ୍ତ୍ର ପାଇଥିଲା । ଏବେ ଏହି କାହାଣୀରେ ପିଏସି ମୋଡ଼ ପ୍ରସଙ୍ଗକୁ ଭିନ୍ନ ଦିଗଆଡ଼କୁ ନେଇଛି ।