ଆଜି ଗୃହିଣୀ ଦିବସ : ରେଡିଓ ଚକଲେଟର ସ୍ୱତନ୍ତ୍ର କାର୍ଯ୍ୟକ୍ରମ “ଡାଏରି ଅଫ୍ ଏ ହାଉସ ୱାଇଫ୍’
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଆଜି ଗୃହିଣୀ ଦିବସ । ପୁରୁଷ ପ୍ରାଧାନ୍ୟ ସମାଜରେ ଏମିତି ଏକ ଦିନିକିଆ ଉତ୍ସବକୁ ନେଇ ଆପଣଙ୍କ ମନରେ ଅନେକ ପ୍ରଶ୍ନ ବି ଉଠୁଥିବ । କାରଣ ପରିବାରର ମୁଖିଆ ଅର୍ଥାତ ବାପାଙ୍କ ରାଜ୍ ଚାଲେ ଘରେ । କାରଣ ସେ ରୋଜଗାର କରନ୍ତି । ତାଙ୍କରି ଉପାର୍ଜନରେ ଘର ଚଳେ । ହେଲେ କେବେ ଭାବିଛନ୍ତି ଗୃହିଣୀଙ୍କ କଥା ,ହୁଏତ ସେ ବାହାରେ ବୁଲି ରୋଜଗାର କରନ୍ତି ନାହିଁ । ତେବେ ସେ କରୁଥିବା ଯାବତୀୟ ଘର କାମର ମୂଲ୍ୟ କଣ କିଛି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଗର୍ଭକଷ୍ଟ ସହିବା ଠାରୁ ଆରମ୍ଭ କରି ପିଲାଙ୍କୁ ବଡ କରିବା, ରୋଷେଇ ଠାରୁ ଆରମ୍ଭ କରି ଘର ସମ୍ଭାଳିବା । ବିନା ଗୃହିଣୀରେ ଦିନଟିଏ ପରିବାର ଚାଲିବା ଅସମ୍ଭବ ହୋଇପଡେ । ହେଲେ ରୋଜଗାର ନଥିବାରୁ ଗୃହିଣୀଙ୍କୁ ମିଳେନି ଗୃହକର୍ତାଙ୍କ ଭଳି ସମ୍ମାନ । ତେବେ ଏ ପରମ୍ପରା ଧୀରେଧୀରେ ଶେଷ ହେବାକୁ ଯାଉଛି । ମହିଳାମାନେ ଏକାସଙ୍ଗରେ ରୋଜଗାର କରିବା ସହ ଘର ସମ୍ଭାଳୁଛନ୍ତି ।
ଗୃହିଣୀଙ୍କ କାହାଣୀକୁ ନେଇ ଆଜିଠୁ ରେଡିଓ ଚକଲେଟରେ ଆରମ୍ଭ ହେଉଛି ସ୍ୱତନ୍ତ୍ର କାର୍ଯ୍ୟକ୍ରମ “ଡାଏରି ଅଫ୍ ଏ ହାଉସ ୱାଇଫ୍’। ଯାହା ପ୍ରତି ସୋମବାରରୁ ଶୁକ୍ରବାର ଦିନ ୧୨ଟାରେ ପ୍ରସାରିତ ହେବ ।