ରେଡ଼ିଓ ଚକଲେଟର ୧୧ ବର୍ଷର ଅଦ୍ୱିତୀୟ ଅଭିଯାନ ! ରେଡିଓ ମନୋରଞ୍ଜନରେ ମିଠା ବାଣ୍ଟି ଚାଲିଛି ଓଡିଶାର ନମ୍ବର ୱାନ ଏଫଏମ, କାର୍ଯ୍ୟକ୍ରମରେ ମହକୁଛି ନିଚ୍ଛକ ଓଡିଆ ମାଟିର ବାସ୍ନା
କନକ ବ୍ୟୁରୋ : ମିଠା ଗୀତ, ମିଠା କଥା ଆଉ ମିଠା କାହାଣୀ । ଧୁମ୍ ମିଠା । ୧୦୪ ଏଫଏମ୍- ରେଡିଓ ଚକୋଲେଟ୍ । ଟିଭି ଓ ଇଂଟରନେଟ୍ ଯୁଗରେ ବି ଦର୍ଶକଙ୍କ ପ୍ରଥମ ପସନ୍ଦ ପାଲଟିଛି ରେଡିଓ ଚକୋଲେଟ୍ । ୧୧ ବର୍ଷ ହେଲା ଓଡିଆ ସଂସ୍କୃତି ଓ ପରମ୍ପରାର ନିଚ୍ଛକ ପରିବେଷଣ ଜାରି ରଖିଛି ଏହି ଏଫଏମ୍ । ବର୍ଷ ବର୍ଷ ଧରି ଶ୍ରୋତାଙ୍କ ମନପସନ୍ଦର କାର୍ଯ୍ୟକ୍ରମ ପରିବେଷଣ କରି ପାଲଟିଛି ରାଜ୍ୟର ନମ୍ବର ୱାନ ଲୋକପ୍ରିୟ ରେଡିଓ ଏଫଏମ୍ ।
Kanak News is now on WhatsApp
Join and get latest news updates delivered to you via WhatsApp
ଆମ ରଙ୍ଗରେ ଆମ ରକ୍ତରେ, ଆମ ହସରେ ଆମ ଲୁହରେ ପ୍ରତି ମୁହୁର୍ତରେ ସାଥ୍ ଦେଉଥିବା ରେଡିଓ ଚକଲେଟ ପୂରା କରିଛି ୧୧ ବର୍ଷ । ୨୦୦୭ରୁ ନିରବଛିନ୍ନ ଯାତ୍ରା । ନିଛକ ଓଡିଆ ମାଟିର ବାସ୍ନା ଥାଇ ମିଠା ଗୀତ, ମିଠା କଥା, କାହାଣୀ, ନାଟକ, ପାଲା ଓ ହସକଥା ପରିବେଷଣ କରି ଶ୍ରୋତାମହଲରେ କ୍ରମାଗତ ଭାବେ ସଫଳତାର ଶୀର୍ଷରେ ପହଂଚିଛି ଓଡିଆର ଅପନା ନଂ ୱାନ୍ ଏଫଏମ ।
ଟିଭି, ସିନେମା ଓ ଇଂଟରନେଟ ଯୁଗରେ ବି ରେଡିଓ ପ୍ରତି ଆଗ୍ରହ ସୃଷ୍ଟି କରିବାରେ ତିଆରି କରିଛି ଟ୍ରେଣ୍ଡ । ନିଆରା କଥା କହିବା ଶୈଳୀରେ ଆରଜେ ମାନେ ଜିତିଛନ୍ତି ଅନେକ ହୃଦୟ । ପ୍ରଥମ ଥର ପାଇଁ ଗୋଟିଏ ବେସରକାରୀ ରେଡିଓ ସେଂଟର ହିସାବରେ ସମସ୍ତଙ୍କ ଦୃଷ୍ଟି ଆକର୍ଷଣ କରିପାରିଥିଲା ରେଡିଓ ଚକଲେଟ । ଯେତେବେଳେ ଏହାକୁ ଆରମ୍ଭ କରାଯାଇଥିଲା, ସେତେବେଳେ ଏହାକୁ ନୂତନ ସ୍ୱାଦ ଦିଆଯାଇଥିଲା । ଯାହା ଆଜି ବି ବଳବତର ରହିଛି ।
ଯାହା ଆପଣ ଖୋଜନ୍ତି, ତାକୁ ରେଡିଓ ଚକଲେଟ ପ୍ରାଥମିକତା ଦେଇଥାଏ । ଯେଉଁ ସିଙ୍ଗର ଟ୍ରେଣ୍ଡ କରନ୍ତି, ସେ ଥାନ୍ତି ଆମ ସହ । କେତେବେଳେ ପୁରୁଣା ଗୀତକୁ ଭିନ୍ନ ଢଙ୍ଗରେ ଉପସ୍ଥାପନ କରାଯାଏ, ତ କେତେବେଳେ ଷ୍ଟୁଡିଓ ଭର୍ସନ ବେଶ ଲୋକପ୍ରିୟତ ହୁଏ । ରେଡିଓ ଚକଲେଟର ସକାଳ ଆରମ୍ଭ ହୁଏ ପ୍ରବଚନରୁ ଏବଂ ଶେଷ ହୁଏ ପ୍ରେମଭରା କାହାଣୀରେ । କୌଣସି ବର୍ଗ ବାଦ ପଡନ୍ତନି ଆମ ପ୍ଲେଲିଷ୍ଟରୁ । ରେଡିଓରେ ଲଭଷ୍ଟୋରୀ ସହ ରୋମାଂଚ ଆଉ ଭୟ ବି ଥାଏ । ଯାହା ମିଠା ମିଠା ସଂପର୍କର ୧୧ ବର୍ଷକୁ ଅତୁଟ ରଖିଛି । ସମୟ ସହ ତାଳ ଦେଇ ରେଡିଓ ଚକଲେଟ ସୋସିଆଲ ମିଡିଆରେ ମଧ୍ୟ ଆଗକୁ ବଢିଛି । ନିଜସ୍ୱ ଫେସବୁକ, ୟୁଟ୍ୟୁବ ପେଜ ଜରିଆରେ ଆଜି ରେଡିଓ ଚକଲେଟ ଶ୍ରୋତାଙ୍କ ନିକଟରେ ପହଂଚୁଛୁ ।