ବଲିଉଡର ବିବାଦୀୟ କୁଇନ ରାଧିକା ଆପ୍ତେ । ଏବେ ଏହି ବିବାଦୀୟ କୁଇନଙ୍କ ବିବାଦର ତାଲିକାରେ ଆଉ ଏକ ଫର୍ଦ୍ଦ ଯୋଡି ହୋଇ ଯାଇଛି । ରିଲିଜ ପୂର୍ବରୁ ରାଧିକାଙ୍କ ଫିଲ୍ମ ‘ପାର୍ଚେଡ’ର ଏକ ନ୍ୟୁଡ୍ ସିନ୍ ଲିକ୍ ହୋଇଛି । ସିନରେ ରହିଛି ରାଧିକା ଓ ଅଦିଲ ହୁସେନଙ୍କ ଏକ ଅନ୍ତରଙ୍ଗ ଦୃଶ୍ୟ । ଯାହା ଏବେ ସୋସିଆଲ୍ ମିଡିଆରେ ଭାଇରାଲ୍ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ସିନ୍ ଲିକ୍ ହେବା ପରେ କ୍ଷୋଭ ପ୍ରକାଶ କରିଛନ୍ତି ଫିଲ୍ମର ଲିଡ୍ ରୋଲରେ ଥିବା ଅଦିଲ୍ ହୁସେନ୍ । କହିଛନ୍ତି ଲୋକେ ଏହାକୁ ଅଦିଲଙ୍କ ନ୍ୟୁଡ୍ ସିନ୍ ନକହି ରାଧିକାଙ୍କ ନ୍ୟୁଡ୍ ସିନ୍ କଣ ପାଇଁ କହୁଛନ୍ତି । କାରଣ ଗୋଟେ ଝିଅକୁ ବଦନାମ କରିବା ସହଜ । ଫିଲ୍ମରେ ଆହୁରୀ ଅନେକ ଭଲ ଭଲ ଦୃଶ୍ୟ ଥିଲା । କିନ୍ତୁ ସେସବୁ ଲିକ୍ ନହୋଇ କେବଳ ନିର୍ଦ୍ଦିଷ୍ଟ ଏକ ନ୍ୟୁଡ୍ ସିନ ଲିକ୍ ହୋଇଥିବାରୁ ପ୍ରଶ୍ନ ଲୋକଙ୍କ ପସନ୍ଦ ଉପରେ ପ୍ରଶ୍ନ ଉଠାଇଛନ୍ତି ଅଦିଲ୍ ।
ତେବେ ତେବେ ରିଲିଜ ପୂର୍ବରୁ ସିନ୍ ଲିକ୍ ହେବାରେ ଏହା ରାଧିକାକଙ୍କ ପ୍ରଥମ ଫିଲ୍ମ ନୁହେଁ । ଏହା ଆଗରୁ ଫିଲ୍ମ ‘ମାଞ୍ଝି – ଦ ମାଉଟେଂନ୍ ମ୍ୟାନ’ ଲିକ୍ ହେବା ସହ ଅନୁରାଗ କଶ୍ୟପଙ୍କ ସର୍ଟ ଫିଲ୍ମ ମଧ୍ୟ ଲିକ୍ ହୋଇଥିଲା । ସେଥିରେ ମଧ୍ୟ ରାଧିକାଙ୍କ ଏକ ନ୍ୟୁଡ୍ ସିନ୍ ଥିଲା, ଯାହା ସୋସିଆଲ୍ ମିଡିଆରେ ଚର୍ଚ୍ଚାର ବଷୟ ହୋଇଥିଲା। ତେବେ ଫିଲ୍ମରୁ ସିନ୍ ଲିକ୍ ହେବା ଦ୍ୱାରା ଉଭୟ ରାଧିକା ଓ ଫିଲ୍ମକୁ ଯେ ମାଇଲେଜ୍ ମିଳୁଛି ଏକଥାକୁ ଅସ୍ୱୀକାର କରିହେବ ନାହିଁ ।