ପାକିସ୍ତାନକୁ ଘାରିଛି ଭାରତ ଭୟ ! ପାକ୍ ବୈଦେଶିକ ମନ୍ତ୍ରୀ କହିଲେ, ଏପ୍ରିଲ ୧୬-୨୦ ମଧ୍ୟରେ ଆଉ ଏକ ଆକ୍ରମଣ କରିପାରେ ଭାରତ ।
ପାକିସ୍ତାନକୁ ଘାରିଛି ଭାରତର ଭୟ । ଆସନ୍ତା ଏପ୍ରିଲ ୧୬ରୁ ୨୦ ମଧ୍ୟରେ ଭାରତ ପାକିସ୍ତାନ ଉପରେ ପୁଣି ଥରେ ଆକ୍ରମଣ କରିପାରେ ବୋଲି ପାକିସ୍ତାନର ଦୈନିକ ସମ୍ବାଦପତ୍ର ଡନ ବୈଦେଶିକ ମନ୍ତ୍ରୀ ଶାହ ମେହମୁଦ କ୍ୟୁରେସୀଙ୍କୁ ବକ୍ତବ୍ୟକୁ ଉଦ୍ଧାର କରି କହିଛି । ସେ କହିଛନ୍ତି ଯେ ଭାରତ ଆକ୍ରମଣ କରିବା ଲାଗି ପ୍ରସ୍ତୁତି କରୁଥିବା ନେଇ ଗୁଇନ୍ଦା ରିପୋର୍ଟ ରହିଛି । ପାକିସ୍ତାନ ଉପରେ କୂଟନୈତିକ ଚାପ ବଢାଇବା ପାଇଁ ଭାରତ ଏହି ଯୋଜନା କରୁଛି ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଗତ ଫେବ୍ରୁଆରୀ ୧୪ରେ ପୁଲଓ୍ଵାମା ଆକ୍ରମଣ ପରେ ତାହାର ଜବାବ ଭାରତ ପାକିସ୍ତାନର ବାଲାକୋଟ ଉପରେ ବିମାନ ଆକ୍ରମଣ କରି କରିଥିଲା । ଏହା ପରେ ଦୁଇ ଦେଶ ମଧ୍ୟରେ ଯୁଦ୍ଧ ପରିସ୍ଥିତି ସୃଷ୍ଟି ହୋଇଥିଲା । ଭାରତ ଉପରେ ଚାପ ସୃଷ୍ଟି କରିବାକୁ ପାକିସ୍ତାନ ନିଜର ଏକମାତ୍ର କାର୍ଯ୍ୟକ୍ଷମ ବୁଡ଼ାଜାହଜକୁ ଭାରତର ପଶ୍ଚିମ ଉପକୂଳକୁ ପଠାଇଥିଲା । କିନ୍ତୁ ଏହା ଭାରତୀୟ ନୌସେନାର ସତର୍କ ପ୍ରହରାରୁ ବର୍ତ୍ତି ପାରିନଥିଲା । ଅଗତ୍ୟା ଏହା ଫେରିଯାଇଥିଲା ।