ବାଇଗଣୀ ରଙ୍ଗର ହେବ ନୂଆ ୧୦୦ ଟଙ୍କିଆ ନୋଟ୍ : ଆସନ୍ତା ମାସରେ ନୂଆ ନୋଟ୍ ଜାରି କରିପାରେ ଆରବିଆଇ
ରିଜର୍ଭ ବ୍ୟାଙ୍କ ଖୁବ ଶୀଘ୍ର ବଜାରକୁ ୧୦୦ ଟଙ୍କିଆ ନୋଟ୍ ଜାରି କରିବ । ନୂଆ ନୋଟର ରଙ୍ଗ ବାଇଗଣୀ ହେବ ବୋଲି ଜଣାପଡ଼ିଛି । ଆକରରେ ଏହା ପୁରୁଣା ୧୦୦ ଟଙ୍କିଆ ନୋଟ ଠାରୁ ଛୋଟ ଓ ୧୦ ଟଙ୍କିଆ ନୋଟରୁ ସାମାନ୍ୟ ବଡ଼ ହେବ । ତେବେ ସୂଚନା ଅନୁସାରେ ନୂଆ ନୋଟ୍ ବଜାରକୁ ଆସିବା ପରେ ମଧ୍ୟ ପୁରୁଣା ନୋଟର ପ୍ରଚଳନ ବନ୍ଦ ହେବ ନାହିଁ । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ୧୦୦ଟଙ୍କିଆ ନୋଟ ଛପା ଆରମ୍ଭ କରି ଦେଇଛି । ପୂର୍ବରୁ ଆରବିଆଇ ନୂଆ ୧୦, ୫୦,୨୦୦, ୫୦୦ ଓ ୨୦୦୦ଟଙ୍କିଆ ନୋଟ ବଜାରରେ ଜାରି କରିଥିଲା । ୧୦୦ଟଙ୍କିଆ ନୋଟ୍ ଛପା ବିଏନ୍ପିରେ ଆରମ୍ଭ ହୋଇଯାଇଛି। ଏହି ପ୍ରେସରେ ନୂଆ ୫୦୦ ଓ ୨୦୦୦ଟଙ୍କିଆ ନୋଟ ବି ଛପା ଯାଇଥିଲା । କୁହାଯାଉଛି କି, ଅଗଷ୍ଟ ଶେଷ ସପ୍ତାହ ବେଳକୁ ଏହି ନୋଟ ବଜାରକୁ ଆସି ଯାଇଥିବ। ନୂଆ ୧୦୦ଟଙ୍କିଆ ନୋଟର ବିଶେଷତ୍ୱ ହେଉଛି, ହୋସଙ୍ଗବାଦର ସିକ୍ୟୁରିଟି ପେପର ମିଲର ସ୍ୱଦେଶୀ ପେପର ଓ କାଳିରେ ଛପା ଯିବ ।
Kanak News is now on WhatsApp
Join and get latest news updates delivered to you via WhatsApp
ନୂଆ ନୋଟରେ ସାମାନ୍ୟ ସୁରକ୍ଷା ଫିଚର ସହ ପାଖାପାଖି ଏକ ଡ଼ର୍ଜନ ସୂକ୍ଷ୍ମ ସୁରକ୍ଷା ଫିଚର ମଧ୍ୟ ଯୋଡ଼ାଯାଇଛି । ଏହାକୁ କେବଳ ଅତି ବାଇଗଣୀ ରଶ୍ମୀରେ ହିଁ ଦେଖିହେବ । ଉଲ୍ଲେଖଯୋଗ୍ୟ, ୨୦୧୬ ନଭେମ୍ବର ୮ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁରୁଣା ୫୦୦ ଓ ୧୦୦୦ଟଙ୍କିଆ ନୋଟ ଅଚଳ ବୋଲି ଘୋଷଣା କରିଥିଲେ । ଏହାପରେ ରିଜର୍ଭ ବ୍ୟାଙ୍କ ୨୦୦୦ ଓ ୫୦୦ଟଙ୍କିଆ ନୂଆ ନୋଟ ବଜାର ପ୍ରବେଶ କରାଇଥିଲା । ରିଜର୍ଭ ବ୍ୟାଙ୍କ ଏଯାବତ୍ ନୂଆ ୧୦, ୨୦. ୫୦, ୨୦୦, ୫୦୦ ଓ ୨୦୦୦ଟଙ୍କିଆ ନୂଆ ନୋଟ ଜାରି କରିଛି । କେବଳ ୧୦୦ଟଙ୍କିଆ ନୋଟ ପୁରୁଣା ଥିଲା । ଗତ ବର୍ଷ ଅଗଷ୍ଟରେ ଆରବିଆଇ ନୂଆ ୨୦୦ଟଙ୍କିଆ ନୋଟ ଜାରି କରିଥିଲା ।