ବିପଦ ସଂକୁଳ ହେଲା ପୁରୀ ରାସ୍ତା ! ସମଯାଜପୁର ଓଭରବ୍ରିଜରେ ନିଆଁ ଲଗାଇଦେଲେ ଦୁର୍ବୃତ
କନକ ବ୍ୟୁରୋ : ସମଯାଜପୁର ଓଭରବ୍ରିଜ ପ୍ରତି ପୁଣି ମାଡିଆସିଲା ବିପଦ । କାରଣ ସଂପୂର୍ଣ୍ଣ ବାଲି ବସ୍ତା ଉପରେ ଛିଡା ହୋଇଥିବା ପୋଲରେ ନିଆଁ ଲଗାଇ ଦେଇଛନ୍ତି କେହି ଦୁର୍ବୃତ । ପ୍ଲାଷ୍ଟିକ ବାଲି ବସ୍ତାରେ ନିଆଁ ଲାଗି ନଷ୍ଟ ହୋଇଯାଇଥିବାରୁ ବାଲି ଖସିବା ଆରମ୍ଭ ହୋଇଛି । ଆଉ ଅସରାଏ ବର୍ଷା ହେଲେ ପୋଲ ସଂପୂର୍ଣ୍ଣ ଭୁଷୁଡି ପଡିବା ଆଶଙ୍କା ଦେଖାଦେଇଛି । ନବକଳେବର ଭିତିଭୂମି ନାଁରେ ତରବରିଆ ଭାବେ ଏହି ପୋଲ ତିଆରି ହୋଇଥିବାରୁ ବାରମ୍ବାର ଏଭଳି ବିପଦ ସୃଷ୍ଟି ହେଉଥିବା କୁହାଯାଉଛି । ଆଗକୁ ରଥଯାତ୍ରା ଥିବାରୁ ଦୁର୍ବଳ ବାଲିବସ୍ତା ଉପରେ ପୋଲର ସ୍ଥାୟୀତ୍ୱ ନେଇ ବି ସନ୍ଦେହ ଉପୁଜିଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ କଥା ହେଉଛି, ପ୍ରଥମକରି ଚୀନ ଜ୍ଞାନକୌଶଳରେ ସଂପୂର୍ଣ୍ଣ ବାଲି ବସ୍ତା ପକାଇ ତାରି ଉପରେ ଛିଡା କରାଯାଇଥିଲା ଏତେବଡ ପୋଲ । ନବକଳେବର ଭିତିଭୂମି ବିକାଶ ନାଁରେ ତରବରିଆ ଭାବେ ଏଭଳି ପୋଲ ନିର୍ମାଣକୁ ନେଇ ଦେଖାଦେଲା ବିବାଦ, ଯେତେବେଳେ ପୋଲରେ ଫାଟ ସୃଷ୍ଟିହେଲା । ଆଉ ଏବେ ପୁଣି ଅସରାଏ ବର୍ଷା ହେଲେ ପୋଲତଳେ ଥିବା ବାଲିବସ୍ତା ଧଶିଯିବା ଆଶଙ୍କା ଦେଖାଦେଇଛି । ଆଉ ପୋଲିସରେ ଏଫଆଇଆର କରି ଚୁପ ବସିଛି ଜାତୀୟ ରାଜପଥ ପ୍ରାଧୀକରଣ ।
ପ୍ରଶ୍ନ ଉଠୁଛି
– ବାଲି ବସ୍ତା ଉପରେ ତିଆରି ପୋଲର ସୁରକ୍ଷା ଦାୟିତ୍ୱ କାହାର?
– ଦହନଶୀଳ ଜିଓ ବ୍ୟାଗ୍ ଓ ଗ୍ରିଡ ବ୍ୟବହାର ହୋଇଥିଲେ ବି ସୁରକ୍ଷା ବ୍ୟବସ୍ଥା କାହିଁକି ଗ୍ରହଣ କରାନଗଲା ?
– ୭୦ କୋଟି ଟଙ୍କା ବ୍ୟୟରେ ତିଆରି ଏହି ପୋଲର ରକ୍ଷଣାବେକ୍ଷଣ ଦାୟିତ୍ୱ କାହାର?
– ଆଗକୁ ରଥ ଯାତ୍ରା ଥିବାବେଳେ ଏହି ପୋଲ ଲୋକଙ୍କ ବ୍ୟବହାରରେ ଆସିବ ତ?