ଦୁର୍ଦ୍ଦାନ୍ତ ଅପରାଧୀ ପାରାର ମୃତ୍ୟୁ ପରେ ଆକ୍ସନମୋଡରେ ପୁରୀ ପୋଲିସ । ଗୁଣ୍ଡିଚା ମନ୍ଦିର ନିକଟରୁ କାବୁ ହେଲେ ୩ ଅପରାଧୀ
ପାରା ଗୁଳିକାଣ୍ଡରେ ସାମିଲ ସନ୍ଦେହ
କନକ ବ୍ୟୁରୋ: ପୁରୀରେ ଦୁର୍ଦ୍ଦାନ୍ତ ଅପରାଧୀ ପାରାର ମୃତ୍ୟୁ ପରେ ଆକ୍ସନ ମୋଡରେ ପୋଲିସ । ଆଜି ଗୁଣ୍ଡିଚା ମନ୍ଦିର ନିକଟରୁ ୩ ଜଣ ଦୁର୍ଦ୍ଦାନ୍ତ ଅପରାଧୀକୁ କାବୁ କରିଛି ପୋଲିସ । ଏହି ଅପରାଧୀମାନେ ପାରା ମୃତ୍ୟୁରେ ସାମିଲ ଥିବା ସନ୍ଦେହ କରାଯାଉଛି । ଏକ ବଡ ଧରଣ ଅପରାଧିକ ଷଡଯନ୍ତ୍ର କରୁଥିବାବେଳେ ପୋଲିସ ସେମାନଙ୍କୁ ଧରିଛି । ଧରାପଡିଥିବା ଅପରାଧୀଙ୍କ ନିକଟରୁ ନିକଟରୁ ବନ୍ଧୁକ, ଖଣ୍ଡା ଓ ବାଇକ ଜବତ ହୋଇଛି । ଗତକାଲି ଗୁଳିମାଡରେ ପୁରୀର ଦୁର୍ଦ୍ଦାନ୍ତ ଅପରାଧୀ ପାରା ପ୍ରାଣ ହରଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, ପୁରୀ ସହରର କୁମ୍ଭାରପଡ଼ା ଥାନା ଅନ୍ତର୍ଗତ ଗୁଣ୍ଡିଚା ମନ୍ଦିର ନିକଟରେ ଗତକାଲି ସକାଳେ ସଞ୍ଜୟ ବେହେରା ଓରଫ ପାରା ( ୨୭ ବର୍ଷ) ନାମକ ଜଣେ ଯୁବକଙ୍କ ଉପରକୁ କେତେକ ଅଜ୍ଞାତ ଯୁବକ ଗୁଣ୍ଡିଚା ମନ୍ଦିର ନିକଟରେ ଗୁଳିମାଡ଼ କରିଥିଲେ। ଗୁଳିମାଡ଼ ପରେ ସଞ୍ଜୟ ପଡ଼ିଯିବାରୁ ଦୁର୍ବୃତ୍ତମାନେ ସେଠାରୁ ଫେରାର ହୋଇଯାଇଥିଲେ। ତୁରନ୍ତ ସଞ୍ଜୟଙ୍କୁ ପ୍ରଥମେ ପୁରୀ ଓ ପରେ କଟକ ବଡ ମେଡିକାଲରେ ଭର୍ତ୍ତି କରାଯାଇଥିଲା । ତେବେ ଚିକିତ୍ସାଧିକ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ଘଟିଛି ।