ପୁରୀରୁ ଆସିଲା ସାଂଘାତିକ ଅଭିଯୋଗ ! ଠାକୁର ଦର୍ଶନ କରିବାକୁ ଯାଇଥିବା ବେଳେ ଜଣେ ନାବାଳିକାକୁ ପୁଲିସ୍ କର୍ମଚାରୀଙ୍କ ଅସଦାଚରଣ ଅଭିଯୋଗ
କନକ ବ୍ୟୁରୋ : ପୁଲିସ୍-ସେବାୟତ ବିବାଦକୁ ୨ ଦିନ ବି ଯାଇନି, ପୁରୀ ଶ୍ରୀମନ୍ଦିରରୁ ଆସିଛି ଅସଦାଚରଣ ଅଭିଯୋଗ । ଜଗନ୍ନାଥ ଦର୍ଶନ ପାଇଁ ଯାଜପୁର ଜିଲ୍ଲାର ଏକ ୧୫ ବର୍ଷିୟ ନାବାଳିକାଙ୍କୁ ପୁଲିସ୍ ଅସଦାଚାରଣ କରିଥିବା ନେଇ ଅଭିଯୋଗ ହୋଇଛି । ଅଭିଯୋଗ ଅନୁସାରେ ଶ୍ରୀମନ୍ଦିର ବାହାରକାଠ ନିକଟରେ ପୁଲିସ କର୍ମଚାରୀ ନାବାଳିକାକୁ ଅସଦାଚରଣ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ନାବାଳିକା ଜଣକ କାନ୍ଦି କାନ୍ଦି ସିଂହଦ୍ୱାର ଥାନାରେ ପରିବାର ଲୋକ ସହ ଏନେଇ ଅଭିଯୋଗ କରିବା ସହ ଏତଲା ଦେଇଛନ୍ତି । ସଂପୃକ୍ତ କନେଷ୍ଟବଳଙ୍କୁ ଚିହ୍ନଟ କରାଯାଇଛି । ତାଙ୍କୁ ପୁରୀ ସିଂହଦ୍ୱାର ପୁଲିସ ଅଟକ ରଖିଛି । ସେପଟେ ଘଟଣା ସଂପର୍କରେ ଏସପି କହିଛନ୍ତି-ସିସିଟିଭି କ୍ୟାମେରା ଯାଂଚ କରାଯାଇ, ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।