ଏନଏସଜିକୁ ଶ୍ରୀମନ୍ଦିର ସୁରକ୍ଷା ଚିନ୍ତା ! ମେଘନାଦ ପାଚେରି ପାଖରୁ ନିର୍ମାଣ ଭାଙ୍ଗିବା ସହ ୱାଚ୍ ଟାୱାରକୁ ଅଧିକ ପ୍ରଭାବୀ କରିବାକୁ ପରାମର୍ଶ
କନକ ବ୍ୟୁରୋ: ପୁରୀ ଶ୍ରୀମନ୍ଦିର ମେଘନାଦ ପାଚେରି ପାଖରୁ ସବୁ ନିର୍ମାଣ ଭାଙ୍ଗିବାକୁ ଏନଏସଜିର ପରାମର୍ଶ । ପାଚେରିକୁ ଲାଗି କୌଣସି ନିର୍ମାଣ ଏପରିକି ଶ୍ରୀମନ୍ଦିର ସାମ୍ନାରେ ଥିବା ଜୋତା ଦୋକନ ବି ରହିବା ନିରାପଦ ନୁହେଁ । ମେଘନାଦ ପାଚେରୀ ସଂଲଗ୍ନ ଚାରିପାଖ ପ୍ରଶସ୍ତ ରହିବା ଦରକାର ବୋଲି ପରାମର୍ଶ ଦେଇଛି ଏନଏସଜି ।
Kanak News is now on WhatsApp
Join and get latest news updates delivered to you via WhatsApp
ଜଗନ୍ନାଥ ମନ୍ଦିର ପ୍ରତି ଆତଙ୍କବାଦୀ ଆକ୍ରମଣ ଭୟ ଥିବା ପରିପ୍ରେକ୍ଷୀରେ ଏମିତି କିଛି ପଦକ୍ଷେପ ନେବା ଲାଗି ଏନଏସଜି କର୍ତୃପକ୍ଷ ଶ୍ରୀମନ୍ଦିର ପ୍ରଶାସନକୁ ସତର୍କ କରାଇ ଦେଇଥିବା ସୂଚନା ମିଳିଛି । କେବଳ ସେତିକି ନୁହେଁ ସେବାୟତ ଓ ଶ୍ରୀମନ୍ଦିର ଅଧିକାରୀଙ୍କୁ ପରିଚୟ ପତ୍ର ଦେବା ସହ ସେମାନଙ୍କୁ ସୁରକ୍ଷା ସମ୍ପର୍କିତ ପ୍ରଶିକ୍ଷଣ ଦେବାର ଆବଶ୍ୟକତା ରହିଥିବା ରିପୋର୍ଟରେ ଉଲ୍ଳେଖ ରହିଛି ।
ନିକଟରେ ଏନଏସଜିର ଅଧିକାରୀମାନେ ଆସି ଏକ ରେକି କରିଥିଲେ । ଏହାପରେ ଶ୍ରୀମନ୍ଦିର ପ୍ରଶାସନକୁ ଏକ ରିପୋର୍ଟ ଦିଆଯାଇଛି । ଏଥିରେ ସୁରକ୍ଷା ସମ୍ପର୍କରେ ଅନେକ ପଦକ୍ଷେପ ନେବା ଲାଗି କୁହାଯାଇଛି । ମେଘନାଦ ପାଚେରୀକୁ ଲାଗି ଯେତିକି ନିର୍ମାଣ ହୋଇଛି ତାହା ଶ୍ରୀମନ୍ଦିର ସୁରକ୍ଷା ପ୍ରତି ବିପଦ ସୃଷ୍ଟି କରୁଛି । ଏହାକୁ ମାଧ୍ୟମ କରି ଯେ କେହି ଶ୍ରୀମନ୍ଦିରକୁ ପ୍ରବେଶ କରିପାରିବ ।
ଏଣୁ କର୍ତ୍ତୃପକ୍ଷ ତୁରନ୍ତ ନିର୍ମାଣକୁ ଭାଙ୍ଗିବା ସହ ମେଘନାଦ ପାଚେରିଠାରୁ ନିର୍ଦ୍ଧିଷ୍ଟ ଦୂରତା ପର୍ଯ୍ୟନ୍ତ କୌଣସି ନିର୍ମାଣକୁ ପ୍ରଶୟ ଦେବା ଉଚିତ ନୁହେଁ ବୋଲି ଏନଏସଜି ନିଜ ରିପୋର୍ଟରେ ଉଲ୍ଲେଖ କରିଛନ୍ତି । ଏହାସହ ଶ୍ରୀମନ୍ଦିର ନିକଟରେ ଥିବା ୱାଚ ଟାୱାରକୁ ଅଧିକ ପ୍ରଭାବୀ କରିବାକୁ ପରାମର୍ଶ ଦିଆଯାଇଛି ।