କନକ ବ୍ୟୁରୋ : ପୁରୀ ରେଳ ଷ୍ଟେସନରେ ନିଆଁ ଲାଗିବା ଘଟଣା । ଘଟଣାର ତଦନ୍ତ କରୁଛି ରେଳବାଇ ପୁଲିସ ଓ ଓଡିଶା ପୁଲିସର ମିଳିତ ଟିମ୍ । ଦୁଇ ନମ୍ବର ପ୍ଲାଟଫର୍ମରେ ଠିଆ ହୋଇଥିବା ଆର୍ମି ଟ୍ରେନରେ ରୋଷେଇ ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ ଘଟଣାର ଉଚ୍ଚ ସ୍ତରୀୟ ତଦନ୍ତ କରୁଛନ୍ତି ୫ ଜଣିଆ ଟିମ୍ । ରେଳବାଇ ଏସପି ବନବିହାରୀ ସାହୁଙ୍କ ନେତୃତ୍ୱରେ ତଦନ୍ତ ଚାଲିଥିବା ବେଳେ ଏଥିରେ ଫୋରେନସିକ୍ ଟିମ୍ ସହ ଡଗ୍ ସ୍ୱାଡ ମଧ୍ୟ ସାମିଲ ହୋଇଛି । ଗତକାଲିର ବିସ୍ଫାରଣ ଯୋଗୁଁ ଆର୍ମି ଟ୍ରେନର ଗୋଟିଏ ବଗି କ୍ଷତିଗ୍ରସ୍ତ ହୋଇଛି । ସେହିପରି ଅନ୍ୟ ଟ୍ରାକରେ ଠିଆ ହୋଇଥିବା ପୁରୀ-ତିରୁପତି ଟ୍ରେନର ବଗି ମଧ୍ୟ କ୍ଷତିଗ୍ରସ୍ତ ହୋଇଛି । ଅଗ୍ନିଶମ କର୍ମଚାରୀ ପହଁଚି ନିଆଁକୁ ଆୟତ କରିବ ଥିବା ବେଳେ ଏକ ବଡ ଦୁର୍ଘଟଣାକୁ ଏଡାଇ ଦିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ପୁରୀର ଦୁଇ ନମ୍ବର ପ୍ଲାଟଫର୍ମରେ ଛିଡା ହୋଇଥିବା ଆର୍ମି ଟ୍ରେନରେ ରୋଷେଇ ଗ୍ୟାସ ସିଲିଣ୍ଡର ଫାଟି ଯିବାରୁ ଗତକାଲି ଅଗ୍ନିକାଣ୍ଡ ଘଟିଥିଲା । ଅଗ୍ନିଶମ କର୍ମଚାରୀ ପହଁଚି ନିଆଁକୁ ଆୟତ କରିବାରେ ସଫଳ ହୋଇଥିଲେ, ଯାହା ଫଳରେ ଏକ ବଡ ଦୁର୍ଘଟଣା ଟଳି ଯାଇଥିଲା । ଏହି ଦୁର୍ଘଟଣାରେ ୨ ଜଣ ପେଂଟ୍ରି କର୍ମଚାରୀ ଆହତ ହୋଇଥିବା ସୂଚନା ମିଳିଥିଲା ।