ପୁରୀ : ବୀରଗୋବିନ୍ଦପୁରର ମାଁ ଦକ୍ଷିଣକାଳୀ ପୀଠ ବିବାଦ ବଳବତ୍ତର, ଗ୍ରାମବାସୀ ଓ ପୀଠ ଟ୍ରଷ୍ଟଙ୍କ ବିବାଦର ସମାଧାନ ପାଇଁ ଉଦ୍ୟମ କରି ନାକେଦମ୍ ପ୍ରଶାସନ
କନକ ବ୍ୟୁରୋ : ପୁରୀ ଜିଲ୍ଲା ବୀରଗୋବିନ୍ଦପୁରର ମାଁ ଦକ୍ଷିଣକାଳୀ ପୀଠ ବିବାଦ ଥମୁ ନାହିଁ । ଗତକାଲି ଜାରି ହୋଇଥିବା ୧୪୪ ଧାରା ଆଜି ମଧ୍ୟ ବଳବତ୍ତର ରହିଛି । ଗ୍ରାମବାସୀ ଓ ପୀଠ ଟ୍ରଷ୍ଟଙ୍କ ବିବାଦର ସମାଧାନ ପାଇଁ ଉଦ୍ୟମ କରି ନାକେଦମ ହୋଇଛି ପ୍ରଶାସନ । ଗତକାଲି କାଳୀପୂଜା ପାଇଁ ମାଟି ଅନୁକୂଳ ଗ୍ରାମବାସୀଙ୍କ ଦ୍ୱାରା ନିଯୁକ୍ତ ପୂଜକ ଅଗାଧୂ ଦୀକ୍ଷିତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ମାଟି ଅନୁକୂଳ ପାଇଁ ଆସିଥିବା ପୀଠ ଟ୍ରଷ୍ଟ ମୁଖ୍ୟ ଗିରୀଶ ଚନ୍ଦ୍ର ବାନାର୍ଜୀଙ୍କୁ ତୀବ୍ର ବିରୋଧ କରିଥିଲେ ଗ୍ରାମବାସୀ । ସ୍ଥିତି ଏପରି ହୋଇଥିଲା ଯେ ତହସିଲଦାରଙ୍କ ଗାଡିରେ ଗିରିଶଙ୍କୁ ବସାଇ ମାଆଙ୍କ ଦର୍ଶନ ପାଇଁ ନେଇଥିଲା ପୋଲିସ । ଏପରିକି ଗାଁରେ ୧୪୪ ଧାରା ଜାରି ହୋଇଥିବାରୁ ସମର୍ଥକଙ୍କ ଅଟକାଇ କେବଳ ପୀଠ ଟ୍ରଷ୍ଟ ମୁଖ୍ୟ ଗିରିଶଙ୍କୁ ପୋଲିସ ଗାଁ ଭିତରକୁ ଛାଡିଥିଲା । ପୀଠ ଟ୍ରଷ୍ଟ ଓ ଗ୍ରାମବାସୀଙ୍କ ବିବାଦ ଏବେ ହାଇକୋର୍ଟରେ ବିଚାରଧିନ ରହିଛି । ଆସନ୍ତା ୧୨ ତାରିଖରେ ଏହାର ଶୁଣାଣି ଥିବା ବେଳେ କୋର୍ଟଙ୍କ ନିଷ୍ପତିକୁ ସମ୍ମାନ ଜଣାଇବେ ବୋଲି କହିଛନ୍ତି ବୀରଗୋବିନ୍ଦପୁର ଗ୍ରାମବାସୀ ।