ପୁରୀରେ ମହିଳା ଟ୍ରାଫିକ୍ କନେଷ୍ଟବଳଙ୍କୁ ଡାକ୍ତରାଣୀଙ୍କ ଅକ୍ରମଣ ଅଭିଯୋଗ ଘଟଣା ! ଡାକ୍ତର ଦେବଯାନୀ ସାମନ୍ତରାୟଙ୍କ ଭାଇ ଗିରଫ
କନକ ବ୍ୟୁରୋ : ମହିଳା ଟ୍ରାଫିକ୍ କନେଷ୍ଟବଳଙ୍କୁ ଅକ୍ରମଣ ଅଭିଯୋଗ । ଗତକାଲି ରାତିରେ ପୁରୀ ଟାଉନ ଥାନା ମାର୍କେଟ ଛକରେ କାର୍ଯ୍ୟରତ ମହିଳା ଟ୍ରାଫିକ୍ କନେଷ୍ଟବଳ ସବିତା ପ୍ରଧାନଙ୍କୁ ଜଣେ ଡାକ୍ତରାଣୀ ଓ ତାଙ୍କ ସମ୍ପର୍କୀୟ ମାଡ ମାରିଥିବା ଅଭିଯୋଗ ହୋଇଛି । ତେବେ ଏହି ଘଟଣାରେ କନେଷ୍ଟବଳ ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ଏନେଇ ଟାଉନ ଥାନାରେ ଏତଲା ଦିଆଯାଇଛି । ପୁଲିସ ଡାକ୍ତର ଦେବଯାନୀ ସାମନ୍ତରାୟ ଓ ତାଙ୍କ ଭାଇ ଜ୍ୟୋତି ପ୍ରକାଶ ସାମନ୍ତରାୟଙ୍କୁ ପଚରାଉଚରା କରିଛି । ମିଳିଥିବା ସୂଚନା ଅନୁସାରେ ଜ୍ୟୋତି ପ୍ରକାଶଙ୍କୁ ଗିରଫ କରିଛି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ, ଗତକାଲି ରାତିରେ ଡାକ୍ତର ଦେବଯାନୀ ଏକ ନମ୍ବରବିହୀନ କାରରେ ବଡଦାଣ୍ଡରେ ଯାଉଥିବା ବେଳେ ଟ୍ରାଫିକ୍ କନେଷ୍ଟବଳ ସବିତା ତାଙ୍କୁ ଅଟକାଇ ଥିଲେ । ପାସ ନଥିବାରୁ ଗାଡିକୁ ଆଗକୁ ଛଡାଯିବ ନାହିଁ ବୋଲି ବାରଣ କରିଥିଲେ । ଏହା ପରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏଥିରେ ରାଗି ଯାଇ ଡାକ୍ତରାଣୀ ତାଙ୍କ ଭାଇଙ୍କୁ ଫୋନ ଯୋଗେ ଡକାଇଥିଲେ । ପରେ ଦେବଜାନୀ ଓ ତାଙ୍କ ଭାଇ ଉଭୟ ସବିତାଙ୍କ ସହ ଯୁକ୍ତିତର୍କ କରିବା ସହ ତାଙ୍କୁ ମାଡ ମାରିଥିଲେ । ଏନେଇ ଥାନାରେ ମାମଲା ପହଂଚିଥିବା ବେଳେ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛି କନେଷ୍ଟବଳ ଓ ହୋମଗାର୍ଡ ସଂଘ ।