ପଂଜାବ ରାଜନୀତିରେ ହଟଚମଟ ! ବିଜେପିର ହାତଛାଡି କଂଗ୍ରେସର ଶରଣ ନେଇଥିବା ସିଦ୍ଧୁଙ୍କ ସହ ବଢିଲା ସରକାରଙ୍କ ତିକ୍ତତା
କନକ ବ୍ୟୁରୋ : ପଂଜାବ ରାଜନୀତିରେ ହଟଚମଟ । ବିଜେପିର ହାତଛାଡି କଂଗ୍ରେସ କ୍ୟାମ୍ପର ଶରଣ ନେଇଥିବା ନବଜୋତ ସିଂ ସିଦ୍ଧୁଙ୍କ ସହ ପଞ୍ଜାବ ସରକାରଙ୍କ ବଢିଲା ତିକ୍ତତା । କାରଣ ୩୦ ବର୍ଷ ତଳର ଏକ ସଡକ ଦୁର୍ଘଟଣା ମାମଲାରେ ସିଦ୍ଧୁଙ୍କୁ ଦୋଷମୁକ୍ତ କରିଥିବା ତଳ କୋର୍ଟଙ୍କ ରାୟକୁ ସୁପ୍ରିମକୋର୍ଟରେ ବିରୋଧ କରିଛନ୍ତି କ୍ୟାପଟେନ ଅମରିନ୍ଦର ସିଂଙ୍କ ସରକାର । ତେବେ ଏହି ପ୍ରସଙ୍ଗରେ ଅନ୍ୟ ବାଟ ନଥିଲା ବୋଲି ସଫେଇ ଦେଇଛନ୍ତି ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ।
Kanak News is now on WhatsApp
Join and get latest news updates delivered to you via WhatsApp
ତେବେ ସିଦ୍ଧୁଙ୍କ ସମାଜ କଲ୍ୟାଣ ମୂଳକ କାମକୁ ଦେଖି କୋର୍ଟ ଉଚିତ ନିଷ୍ପତି ନେବେ ବୋଲି ସେ ଆଶା ରଖିଥିବା କହିଛନ୍ତି କ୍ୟାପଟେନ ଅମରିନ୍ଦର ସିଂ । ହେଲେ ଏହାକୁ ସହଜରେ ଗ୍ରହଣ କରିନାହାନ୍ତି ନବଜୋତ ସିଂ ସିଦ୍ଧୁ । ଗତକାଲି ହାଇଦ୍ରାବାଦରେ ସେ କହିଥିଲେ ଯେ, କ୍ୟାପଟେନ ଅମରିନ୍ଦର ସିଂ ସ୍ପଷ୍ଟ କରିବା ଦରକାର ତାଙ୍କ ବିରୋଧରେ ସରକାର କାହିଁକି ସୁପ୍ରିମକୋର୍ଟରେ ପକ୍ଷ ରଖିଲେ । ନବଜୋତ ସିଂ ସିଦ୍ଧୁ ପଞ୍ଜାବ ସରକାରରେ ମନ୍ତ୍ରୀ ଅଛନ୍ତି । ଏବଂ ସାରା ଦେଶରେ ମୋଦି ହାୱା ସତ୍ୱେ ବିଜେପି ଶିବିର ଛାଡି ପଞ୍ଜାବରେ କଂଗ୍ରେସକୁ ଜିତାଇବାରେ ସିଦ୍ଧୁଙ୍କ ପ୍ରମୁଖ ଭୂମିକା ରହିଥିବା କୁହାଯାଏ ।