ସିଦ୍ଧୁୁଙ୍କ ପାକିସ୍ତାନ ପ୍ରେମ । ପଡୋଶୀକୁ ପ୍ରଶଂସା କରିବା ସହ କହିଲେ ହିନ୍ଦୁସ୍ତାନଠାରୁ କିଛି କ୍ଷେତ୍ର ପାକିସ୍ତାନ ଭଲ
କନକ ବ୍ୟୁରୋ : ପଜାଂବର କ୍ୟାବିନେଟ ମନ୍ତ୍ରୀ ତଥା କଂଗ୍ରେସର ନେତା ନବଜୋତ ସିଦ୍ଧୁ ପୁଣି ଥରେ ନିଜର ପାକିସ୍ତାନ ପ୍ରତି ଥିବା ଭଲପାଇବା ଦେଖାଇଛନ୍ତି । ତେବେ ମିଲିଥିବା ସୂଚନା ଅନୁସାରେ ହିମାଚଳପ୍ରଦେଶର କୋଶଳିଠାରେ ଏକ ସଭାର ଆୟୋଜିକ କରାଯାଇଥିଲା । ତେବେ ସେହି ସଭାରେ ସିଦ୍ଧୁ ଏପରି ଭାବରେ ବିବାଦୀୟ ମନ୍ତବ୍ୟ ଦେଇଥିବା ସୂଚନା ମିଳିଛି । ସେ କହିଛନ୍ତି ଯେ, ମୋର ପାକିସ୍ତାନ ଗସ୍ତ ଦକ୍ଷିଣ ଭାରତ ଗସ୍ତଠାରୁ ଅଧିକ ଭଲ ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ଆପଣ ଯଦି କେବେ ପାକିସ୍ତାନକୁ ବୁଲିବାକୁ ଯିବେ ତେବେ ସମସ୍ତ ଦେଶରେ ଗୋଟିଏ ପ୍ରକାର ଭାଷା କୁହାଯାଉଥିବ ହେଲେ ଆମ ଭାରତ ଖାସକରି ଦକ୍ଷିଣ ଭାରତରେ ଅଲଗା ଭାଷା କୁହାଯାଉଛି । ତେଣୁ ଆପଣ ଯଦି ଦକ୍ଷିଣ ଭାରତ ଯାତ୍ରା କରନ୍ତି ତେବେ ନିଶ୍ଚିତ ରୂପରେ ଆପଣଙ୍କୁ ସେମାନଙ୍କର ସ୍ଥାନୀୟ ଭାଷା ଅଥବା ଇଂରାଜୀ ଜାଣିବା ପାଇଁ ପଡିବ ବୋଲି ସିଦ୍ଧୁୁ କହିଛନ୍ତି । ତେବେ ଭାରତରେ ଏପରି ଅସୁବିଧା ପାକିସ୍ତାନରେ ଦେଖିବାକୁ ମିଳେ ନାହିଁ ବୋଲି ସିଦ୍ଧୁ ନିଜର ବକ୍ତବ୍ୟରେ କହିବା ସହ ପୁଣି ଥରେ ନିଜକୁ ବିବାଦୀୟ କରିଛନ୍ତି ।
ପୂର୍ବରୁ ପାକିସ୍ତାନର ପ୍ରଧାନମନ୍ତ୍ରୀ ଇମରାନ ଖାନଙ୍କର ଶପଥ ଗ୍ରହଣ ଉତ୍ସବରେ ସିଦ୍ଧୁ ପାକିସ୍ତାନ ଗସ୍ତରେ ଯାଇଥିଲେ । ସେହି ସମୟରେ ସେଠାକାର ସେନା ମୁଖ୍ୟଙ୍କ ସହ ଆଲିଙ୍ଗନ କରିଥିଲେ । ଏହା ଜଣାପଡିବା ପରେ ସାରା ଦେଶରେ ତାଙ୍କୁ ଅନେକ ସ୍ଥାନରେ ସମାଲୋଚନାର ଶିକାର ହେବାକୁ ପଡିଥିଲା । ସେଠାରେ ସେ ଏକ ସାମ୍ବାଦିକ ସମ୍ମିଳନୀର ଆୟୋଜନ କରିଥିଲେ ଓ ପାକିସ୍ତାନ ଗସ୍ତ ସମୟରେ ସେ ନିଜର ଖୁସି ବାଣ୍ଟିଥିଲେ । ତେବେ ସିଦ୍ଧୁୁଙ୍କ ଏପରି କାର୍ଯ୍ୟକୁ ଅନେକ ନେତା ଓ ଜନସାଧାରଣ ବିରୋଧ କରିବା ସହ ବାରମ୍ବାର ପାକିସ୍ତାନର ଗୁଣିଗାନ କରୁଥିବାରୁ ସମାଲୋଚନା ଶିକାର ହେଉଛନ୍ତ ସିଦ୍ଧୁ ।