ପୁଲୱାମା ଆକ୍ରମଣ : ସହିଦଙ୍କ ପରିବାରକୁ ୫ କୋଟି ଟଙ୍କାର ସହାୟତା ପ୍ରଦାନ କରିବେ ଖିଲାଡ଼ି ତାରକା ଅକ୍ଷୟ କୁମାର
ଜମ୍ମୁକଶ୍ମୀର ପୁଲୱାମାରେ ସିଆରପିଏଫଙ୍କ ଉପରେ ହୋଇଥିବା ଆକ୍ରମଣରେ ୪୦ ଜଣ ଯବାନ ସହିଦ ହେବାପରେ ପୁରା ଦେଶ ତଥା ପୁରା ବଲିଉଡ଼ ମଧ୍ୟ ସ୍ତବ୍ଧ ଓ କ୍ରୋଧାନ୍ୱିତ । ଖିଲାଡ଼ି ତାରକା ଅକ୍ଷୟ କୁମାର ଏହି ଆକ୍ରମଣକୁ ନିନ୍ଦା କରିବା ସହ ଏପରି ଘଟଣାକୁ କାପୁରୁଷପଣିଆ ବୋଲି କହିଛନ୍ତି । ସବୁବେଳେ ଦେଶର ସିପାହିଙ୍କ ସପକ୍ଷରେ ସ୍ୱର ଉଠାଉଥିବା ଅକ୍ଷୟ କୁମାର ସହିଦ ଯବାନଙ୍କ ପରିବାର ପାଇଁ ସହାୟତାର ହାତ ବଢ଼ାଇଛନ୍ତି । ସହିଦ ପରିବାରକୁ ୫ କୋଟି ଟଙ୍କା ପ୍ରଦାନ କରିବେ ବୋଲି କହିଛନ୍ତି ଅକ୍ଷୟ କୁମାର । ଏହାପୂର୍ବରୁ ବିଗ୍ ବି ମଧ୍ୟ ସହିଦ ପରିବାରକୁ ସହାୟତାର ହାତ ବଢ଼ାଇଥିଲେ । ଅମିତାଭଙ୍କ ବ୍ୟତୀତ ସଲମାନ ଖାନ୍ ମଧ୍ୟ ସାହାଯ୍ୟ କରିବା ପାଇଁ ଆଗେଇ ଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅକ୍ଷୟ କୁମାର ସାହାଯ୍ୟ କରିବା ସହିତ ଦେଶର ଅନ୍ୟ ନାଗରିକ ମାରଙ୍କୁ ମଧ୍ୟ ସାହାଯ୍ୟ କରବା ପାଇଁ ଉତ୍ସାହିତ କରିଛନ୍ତି । ଟ୍ୱିଟ୍ କରି କହିଛନ୍ତି ପୁଲୱାମା ଆକ୍ରମଣକୁ କେହି ଭୁଲିପାରିବେ ନାହଁ । ସମସ୍ତ ଦେଶବାସୀ ଏବେ କ୍ରୋଧରେ ଜର୍ଜରିତ । ଏବେ କିଛି କରିବାର ସମୟ ଆସିଛି । ଆତଙ୍କବାଦ ବିରୋଧରେ ଏବେ କାର୍ଯ୍ୟାନୁଷ୍ଠାନ ଦରକାର । ସହିଦ ପରିବାରଙ୍କୁ ସାହାଯ୍ୟ କରିବା ପାଇଁ ସକ୍ଷମ ମତେ ସହାୟତା କରିବା ଉଚିତ ବୋଲି କହିଛନ୍ତି ଅକ୍ଷୟ କୁମାର ।
ସୂଚନାଯୋଗ୍ୟ ପୁଲୱାମା ଆତଙ୍କବାଦୀ ଆକ୍ରମଣର ପ୍ରଥମ ପ୍ରତିଶୋଧ ନେଇଛି ଭାରତୀୟ ସେନା । ପୁଲୱାମା ଆତଙ୍କବାଦୀ ଆକ୍ରମଣରେ ସମ୍ପୃକ୍ତ ଦୁଇ ଆତଙ୍କବାଦୀଙ୍କୁ ନିପାତ କରିଛି ସେନା । ୧୪ତାରିଖ ପୁଲୱାମା ବିସ୍ଫୋରଣ ଘଟଣାର ମାଷ୍ଟରମାଇଣ୍ଡ ଗାଜି ରସିଦ୍ ଓରଫ କାମରାନ ଓ ତାର ସହଯୋଗୀ ହିଲାଲଙ୍କ ସଫା କରିଛି ସେନା । ଏହି ଦୁଇ ଆତଙ୍କବାଦୀଙ୍କୁ ନିହତ କରିବା ପାଇଁ ସେମାନେ ଲୁଚିଥିବା କୋଠାକୁ ବିସ୍ପୋରଣ କରି ଉଡାଇ ଦେଇଥିଲା ସେନା ।