ରାଜସ୍ଥାନ ସ୍କୁଲ ପାଠ୍ୟକ୍ରମରେ ସାମିଲ ହେବ ପୁଲୱାମା ଅକ୍ରମଣରେ ସହିଦ ଯବାନଙ୍କ ଗୌରବ ଗାଥା

46

ରାଜସ୍ଥାନର ଶିକ୍ଷା ମନ୍ତ୍ରୀ ଗୋବିନ୍ଦ ସିଂହ ଡୋଟାସରା ରବିବାର ଦିନ କହିଛନ୍ତି କି, ରାଜସ୍ଥାନର ଆଗାମୀ ଶିକ୍ଷା ଅଧିବେଶନରେ ପିଲାଙ୍କୁ ସହିଦଙ୍କ ବିଷୟରେ ସୂଚନା ଦେବା ପାଇଁ ସହିଦଙ୍କ ଗୌରବ ଗାଥାକୁ ପାଠ୍ୟକ୍ରମରେ ସାମିଲ କରାଯିବ । ସେ କହିଛନ୍ତି କି, ପାଠ୍ୟକ୍ରମରେ ସହିଦଙ୍କ ଗୌରବ ଗାଥା କେଉଁ ରୂପରେ ହେବ, କେଉଁ ପ୍ରକାରରେ ହେବ ଏବଂ କ’ଣ କ’ଣ ସାମିଲ କରାଯିବ ସେହି ବିଷୟରେ ପାଠ୍ୟକ୍ରମ ସମିତି ନିଷ୍ପତ୍ତି ନେବ । ସରକାରଙ୍କ ଉଦ୍ଦେଶ୍ୟ ଏହା ଯେ, ସହିଦଙ୍କ ଗୌରବ ଗାଥାକୁ ପାଠ୍ୟକ୍ରମରେ ଏଭଳି ଭାବେ ବର୍ଣ୍ଣନା କରାଯାଉ କି ଲୋକ ସେଥିରୁ ପ୍ରେରିତ ହୁଅନ୍ତୁ ଓ ସହିଦଙ୍କ ସମ୍ମାନ ହେଉ ।

ପୁଲୱାମା ଆତ୍ମଘାତୀ ଆକ୍ରମଣରେ ସହିଦ ହୋଇଥିବା ଯବାନମାନଙ୍କ ମଧ୍ୟରେ ରାଜସ୍ଥାନରୁ ୫ ଜଣ ଅଛନ୍ତି। ତେବେ ଦେଶ ପାଇଁ ପ୍ରାଣବଳୀ ଦେଇଥିବା ଏହି ଯବାନଙ୍କ ଗାଥା ସମ୍ପର୍କରେ ଏକ ଅଧ୍ୟାୟ ରାଜସ୍ଥାନର ସବୁ ସ୍କୁଲ୍ ବହିରେ ଯୋଡ଼ିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଆତଙ୍କବାଦୀଙ୍କ ଏହି ଆକ୍ରମଣ ବିଭୀଷିକା ଏବଂ ସହିଦମାନଙ୍କ ସମ୍ପର୍କରେ ପର ପିଢ଼ି ଜାଣିବା ପାଇଁ ଏକ ଅଧ୍ୟାୟ ସ୍କୁଲ୍ ବହିରେ ସ୍ଥାନୀତ କରିବା ପାଇଁ ସରକାର ବିଚାର ବିମର୍ଶ ଜାରି ରଖିଛନ୍ତି ।

Comments are closed.