ପୁଲୱାମା ହମଲାରେ ପ୍ରାଣବଳି ଦେଇଥିବା ମେଜରଙ୍କୁ ଶେଷ ଶ୍ରଦ୍ଧାଂଜଳି : ସହିଦ୍ ସ୍ୱାମୀଙ୍କୁ ସଲାମ କରି ପତ୍ନୀ ଦେଲେ ଅନ୍ତିମ ବିଦାୟ

ଡେରାଡୁନରେ ମେଜରଙ୍କୁ ଶେଷଦର୍ଶନ ପାଇଁ ପ୍ରବଳ ଭିଡ

ସ୍ପେଶାଲ୍ ରିପୋର୍ଟ
By smruti sangita giri
186

ପୁଲୱାମା ଏନକାଉଁଟରରେ ସହିଦ ହୋଇଥିବା ବିଭୂତି ଶଙ୍କର ଢୋଣ୍ଡିୟାଲଙ୍କୁ ଶେଷ ଶ୍ରଦ୍ଧାଂଜଳି ଦିଆଯାଉଛି । ଗତକାଲି ରାତିରେ ପୈତୃକ ସ୍ଥାନ ଡେରାଡୁନରେ ତାଙ୍କ ପାର୍ଥୀବ ଶରୀର ପହଁଚିବା ପରେ ଆଜି ତାଙ୍କୁ ଶେଷ ସଲାମି ଦିଆଯାଉଛି । ମେଜର ଢୋଣ୍ଡିୟାଲଙ୍କ କଫିନ ପାଖରେ ତାଙ୍କ ପତ୍ନୀ ବସି ରହି କଫିନକୁ ଚୁମ୍ବନ ଦେଇ ଆଇ ଲଭ ୟୁ କହୁଥିବା ଦୃଶ ଦେଖିବାକୁ ମିଳିଛି ।

ଏ ଦୃଶ୍ୟ ସାମ୍ନାକୁ ଆସିବା ପରେ ସମସ୍ତଙ୍କୁ ଭାବବିହ୍ୱଳ କରିପକାଇଛି । ଗତବର୍ଷ ଏପ୍ରିଲ ମାସରେ ବିବାହ କରିଥିଲେ ମେଜର ଢୋଣ୍ଡିିୟାଲ । ଏପ୍ରିଲ ମାସରେ ତାଙ୍କ ବିବାହ ବାର୍ଷିକି ଥିବା ବେଳେ ସେ ଘରକୁ ଆସିବେ ବୋଲି କଥା ଦେଇଥିଲେ । କିନ୍ତୁ ସେ ଆଉ ଫେରିଲେ ନାହିଁ । ଦେଶ ମାତୃକାର ପାଇଁ ନିଜ ଜୀବନ ଦେଲେ । ତାଙ୍କ ଶେଷ ଦର୍ଶନରେ ହଜାର ହଜାର ଲୋକ ଉପସ୍ଥିତ ରହି ତାଙ୍କୁ ଅନ୍ତିମ ବିଦାୟ ଦେଉଛନ୍ତି ।

 

ସୋମବାର ଦିନ ପୁଲୱାମାରେ ଆତଙ୍କବାଦୀଙ୍କ ସହ ହୋଇଥିବା ଏନକାଉଂଟରରେ ମେଜର ବିଏସ ଢୋଣ୍ଡିୟାଲ, ହାବିଲଦାର ସେବା ରାମ, ହରି ସିଂ ଓ ଅଜୟ କୁମାର ସହିଦ ହୋଇଥିଲେ । ଏହି ଏନକାଉଂଟରରେ ପୁଲୱାମା ଆକ୍ରମଣର ଷଡଯନ୍ତ୍ର ରଚିଥିବା କାମରାନ ଓରଫ ଗାଜି ରସିଦକୁ ନିହତ କରାଯାଇଛି । ପ୍ରାୟ ୧୮ଘଂଟା ଧରି ଚାଲିଥିବା ଏହି ଏନକାଉଂଟରରେ ୩ଜଣ ଆତଙ୍କବାଦୀକୁ ନିହତ କରାଯାଇଛି ।

ସମ୍ବନ୍ଧିତ ଖବର More from author