ପୁଲୱାମା ଆକ୍ରମଣକୁ ନିନ୍ଦା କଲା ଆମେରିକା । କହିଲା, ଭାରତକୁ ନିଜର ଆତ୍ମରକ୍ଷା କରିବାର ଅଧିକାର ରହିଛି
ପୁଲୱାମା ଆକ୍ରମଣକୁ ନିନ୍ଦା କଲା ଆମେରିକା
କନକ ବ୍ୟୁରୋ : ଗୁରୁବାର କାଶ୍ମୀରରେ ହୋଇଥିବା ଆତଙ୍କବାଦୀ ହାମଲାରେ ପ୍ରତିଶୋଧ ନେବା ପାଇଁ ଭାରତ ଉପରେ ସାଧାରଣ ଜନତା ଚାପ ପକାଉଛନ୍ତି । କେବଳ ଏତିକି ନୁହେଁ ବିଶ୍ୱର ଅନେକ ଦେଶ ଭାରତ ସହ ଥିବା ମଧ୍ୟ ଜଣାପଡିଛି । ତେବେ ମିଳିଥିବା ସୂଚନା ଅନୁସାରେ ଆମେରିକା ରାଷ୍ଟ୍ରୀୟ ସୁରକ୍ଷା ପରାମର୍ଶ ଦାତା କହିଛନ୍ତି ଯେ, ଭାରତ ଉପରେ ଯେପରି ଭାବରେ ଆକ୍ରମଣ ହୋଇଛି ତାହା ଅତ୍ୟନ୍ତ ଦୁଃଖ ଦାୟକ । କେବଳ ଏତିତି ନୁହେଁ ଭାରତ ଆତଙ୍କବାଦ ବିରୋଧରେ ଯେଉଁ ପଦକ୍ଷେପ ନେବ ଆମେରିକା ଭାରତକୁ ସମର୍ଥନ କରିବ ବୋଲି କହିଛି । ଏହାସହ ସେ ଆମେରିକା କହିଛି ଯେ, ଭାରତର ଆତ୍ମରକ୍ଷାର ଅଧିକାର ରହିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଭାରତର ସୁରକ୍ଷା ପରାମର୍ଶ ଦାତାଙ୍କ ସହ ଆମେରିକା ଫୋନ ମାଧ୍ୟମରେ କଥା ହେବା ସହ ଭାରତକୁ ସମର୍ଥନ ଦେବ ବୋଲି କହିଛି । ଆମେରିକା କହିଛି, ଆତଙ୍କବାଦୀଙ୍କୁ ପାକିସ୍ତାନ କୌଣସି ପ୍ରକାର ସହାୟତା ଦେବା କଥା ନୁହେଁ । ଆତଙ୍କବାଦ ବିରୋଧରେ ପାକିସ୍ତାନ ସହ କଥାବାର୍ତା ଆମେରିକା କରିଥିବା ମଧ୍ୟ ସ୍ପଷ୍ଟ କରିଛି । ପାକିସ୍ତାନରେ ଯେପରି ଭାବରେ ଆତଙ୍କି କାର୍ଯ୍ୟକଳାପ ବୃଦ୍ଧି ପାଇବାରେ ଲାଗିଛି ତାହାକୁ ସେ ବନ୍ଦ କରିବା କଥା । ଏବଂ ଭାରତ ଉପରେ ଯେପରି ଭାବରେ ଆକ୍ରମଣ ହୋଇଛି ତାହା ଅତ୍ୟନ୍ତ ନିନ୍ଦନୀୟ ବୋଲି ଆମେରିକାର କହିବା ସହ ସାରା ବିଶ୍ୱରୁ ଆତଙ୍କବାଦ ନିପାତ ହେବା ଜରୁରୀ ବୋଲି ସେ କହିଛନ୍ତି ।
କେବଳ ଏତିକି ନୁହେଁ ଆମେରିକା ସହ ଅନେତ ଦେଶ ଏହି ଘଟଣାକୁ ତୀବ୍ର ନିନ୍ଦା କରିଛନ୍ତି । ଗତକାଲି ଜି-୨୦ ଦେଶ ସହ ପ୍ରତିନିଧିସ୍ତରୀୟ ଆଲୋଚନା ହୋଇଥିବା ଜଣାପଡିଛି । ଭାରଚ ଉପରେ ହୋଇଥିବା ଏପରି ଆକ୍ରମଣକୁ ସାରା ବିଶ୍ୱ ନିନ୍ଦା କରିବା ସହ ଆତଙ୍କବାଦୀଙ୍କୁ କଡା ଜବାବ ଦେବା ସହ ଆଗାମୀ ଦିନରେ ଆତଙ୍କବାଦକୁ ସମୁଳେ ନାଶ କରିବା ପାଇଁ ଭାରତ ସହ ଅନେକ ଦେଶ ସହମତି ମଧ୍ୟ ହୋଇଛନ୍ତି । ଆମେରିକା ଆହୁରି ମଧ୍ୟ କବିଛି ଯେ, ଆତଙ୍କବାଦୀଙ୍କ ଆକ୍ରମଣରେ ସହିଦ ହୋଇଥିବା ସମସ୍ତ ଯବାନଙ୍କ ଆତ୍ମାର ସଦଗତି କାମନା କରିବା ସହ ଏପରି ସମରେ ତାଙ୍କ ପରିବାରକୁ ସମବେଦନା ଜଣାଉଛୁ । ତେବେ ପୂର୍ବରୁ ମଧ୍ୟ ଭାରତ ଉପରେ ଏପରି ଭାବରେ ଆକ୍ରମଣ ହୋଇଛି । ତେଣୁ ବର୍ତମାନ ସମୟରେ ଆତଙ୍କବାଦୀଙ୍କୁ କଡା ଜବାବ ଦେବାର ସମୟ ଆସିଛି ବୋଲି ଅନେକ ରାଷ୍ଟ୍ର କହିଛନ୍ତି ।