ପୁଲୱାମା ଆତ୍ମଘାତୀ ଆକ୍ରମଣ : ଆତଙ୍କବାଦୀ କେମିତି ଜାଣିଲେ ଯେ କେଉଁ ଗାଡିରେ ଅଧିକ ସିଆରପିଏଫ୍ ଯବାନ ଥିଲେ ?
ପୁଲୱାମା ଆତଙ୍କବାଦୀ ଆକ୍ରମଣ ସମୟରେ ବିସ୍ଫୋଟକ ଭର୍ତ୍ତି ଥିବା ଯେଉଁ ଆତ୍ମଘାତୀ ଗାଡିର ବ୍ୟବହାର କରାଯାଇଥିଲା ଉକ୍ତ ଗାଡି ସମ୍ବନ୍ଧରେ ଜାଞ୍ଚ୍ ଏଜେନ୍ସୀକୁ ବହୁ ସୁରାଖ୍ ମିଳିଛି । କାର୍ ସମ୍ଭନ୍ଧରେ ଯେତେବେଳେ ମାରୁତି କମ୍ପାନୀ ସହ ସଂପର୍କ କରାଗଲା ଉକ୍ତ କାରଟି ମାରୁତି ଇକୋ ଥିବା ଜଣାପଡିଥିଲା । ୨୦୧୦ ରୁ ୧୧ ରେ ପ୍ରସ୍ତୁତ ହୋଇଥିବା ଏହି ଗାଡିକୁ ଦୁଇଥର କଲର୍ ଦିଆଯାଇଥିଲା । ସିଆରପିଏଫ୍ ଅଫିସିଆଲ୍ ରିପୋର୍ଟରେ ଏହାର ଖୁଲାସା ହୋଇଥିଲା କି କିଭଳି ଭାବେ ଆକ୍ରମଣ କରିବା ପୂର୍ବରୁ ଆତଙ୍କବାଦୀ ଏହା ଜାଣିଥିଲେ ଯେ କେଉଁ ବସରେ ଆକ୍ରମଣ କରିବାର ଅଛି ଏବଂ କେଉଁ ବସରେ ଅଧିକ ଯବାନ ରହିଛନ୍ତି । ଏହି ରିପୋର୍ଟରେ କୁହାଯାଇଛି ଯେ ଆକ୍ରମଣ ପୂର୍ବରୁ ଯବାନଙ୍କ ଦୁଇଟି ଗାଡି ଖରାପ ହୋଇଯାଇଥିଲା । ଏହାପରେ ୧୪ ଟି ବସ୍ କୁ ରୋକି ଦିଆଗଲା । ଯାହାଦ୍ୱାରା ଆତଙ୍କବାଦୀକୁ ଟାର୍ଗେଟ୍ ସ୍ଥାନ ବିଷୟରେ ଧାରଣା ମଧ୍ୟ ଆସିଗଲା । ଆତଙ୍କବାଦୀ ଏହା ବି ଦେଖି ଦେଇଥିଲେ ଯେ କେଉଁ ବସରେ ଅଧିକ ଯବାନ ବସିଛନ୍ତି ଏବଂ କେଉଁ ବସକୁ ଟାର୍ଗେଟ୍ କଲେ ଅଧିକରୁ ଅଧିକ ଯବାନଙ୍କୁ କ୍ଷତି ପହଂଚାଇପାରିବ ।
Kanak News is now on WhatsApp
Join and get latest news updates delivered to you via WhatsApp
ଏହି ଆକ୍ରମଣ ଏତେ ବଡ ଥିଲା ଯେ ବିସ୍ଫୋଟକ ଲଦା କାରର ପାର୍ଟ ୧୫୦ ରୁ ୨୦୦ ମିଟର ଉଡି ପାଖ ଗାଁ ପାଖରେ ପଡିଥିଲା । ଅଫିସର୍ କାରର କିଛି ନୂଆ ପାର୍ଟକୁ ମଧ୍ୟ ଜବତ କରିଥିଲେ । ଦେଖଣାହାରୀଙ୍କ କହିବାନୁସାରେ ଉକ୍ତ କାରର ରଙ୍ଗ ଲାଲ୍ ଥିଲା ।