‘ଟେରର ୬୦’ ର ମୂଳପୋଛ କରିବ ଭାରତୀୟ ସେନା ! ଭୟରେ ଲଂଚ ପ୍ୟାଡ଼ରୁ ଆତଙ୍କବାଦୀଙ୍କୁ ସ୍ଥାନାନ୍ତର କଲା ପାକିସ୍ତାନ
କନକ ବ୍ୟୁରୋ : ପୁଲୱାମା ଆକ୍ରମଣ ପରେ ଦେଶର ସାଧାରଣ ଜନତା ଯେତିକି ପ୍ରତଶୋଧ ପରାୟଣ ହୋଇଉଠିଛନ୍ତି, ତା’ଠାରୁ ଢ଼େର ଗୁଣା ଅଧିକ ପ୍ରତିଶୋଧ ପରାୟଣ ହୋଇ ଉଠିଛି ଭାରତୀୟ ସେନା । ପୁଲୱାମା ଆକ୍ରମଣରେ ୪୦ ଯବାନଙ୍କୁ ହରାଇବା ପରେ ସେନା ପ୍ରତିଶୋଧ ନେବା ଆରମ୍ଭ କରିଦେଇଛି । ଆଜି ଜୈଶ-ଇ ମହମ୍ମଦର କମାଣ୍ଡର ଗାଜି ରସିଦକୁ ସେନା ଗୁଳିରେ ନିହତ ହୋଇଛି । ପୁଲୱାମା ଆତଙ୍କବାଦୀ ଆକ୍ରମଣର ପ୍ରଥମ ପ୍ରତିଶୋଧ ନେଇଛି ଭାରତୀୟ ସେନା । ପୁଲୱାମା ଆତଙ୍କବାଦୀ ଆକ୍ରମଣରେ ସମ୍ପୃକ୍ତ ଦୁଇ ଆତଙ୍କବାଦୀଙ୍କୁ ନିପାତ କରିଛି ସେନା । ୧୪ତାରିଖ ପୁଲୱାମା ବିସ୍ଫୋରଣ ଘଟଣାର ମାଷ୍ଟରମାଇଣ୍ଡ ଗାଜି ରସିଦ୍ ଓରଫ କାମରାନ ଓ ତାର ସହଯୋଗୀ ହିଲାଲଙ୍କ ସଫା କରିଛି ସେନା । ଏହି ଦୁଇ ଆତଙ୍କବାଦୀଙ୍କୁ ନିହତ କରିବା ପାଇଁ ସେମାନେ ଲୁଚିଥିବା କୋଠାକୁ ବିସ୍ପୋରଣ କରି ଉଡାଇ ଦେଇଥିଲା ସେନା ।
Kanak News is now on WhatsApp
Join and get latest news updates delivered to you via WhatsApp
ତେବେ ଏତିକି ଯଥେଷ୍ଟ ନୁହେଁ, ଆତଙ୍କବାଦକୁ ମୂଳପୋଛ କରିବା ପାଇଁ ଭାରତୀୟ ସେନାକୁ ବଡ଼ ଲଢ଼େଇ ଲଢ଼ିବା ପାଇଁ ପଡ଼ିବ । ବିଶ୍ୱସ୍ତସୂତ୍ର ଅନୁସାରେ ଘାଟିରେ ଜୈଶର ପାଖାପାଖି ୬୦ ଜଣ ଆତଙ୍କବାଦୀ ସକ୍ରିୟ ଅଛନ୍ତି । ଜମ୍ମୁ-କଶ୍ମୀରରେ ଜୈଶ-ଇ ମହମ୍ମଦ ନିଜର ଆତଙ୍କର ଜାଲ ବିଛାଇ ରଖିଛି । କୁହାଯାଉଛି ଏଥିରେ ୩୫ ଜଣ ଆତଙ୍କବାଦୀ ବିଦେଶୀ ଅଟନ୍ତି, ଯେଉଁମାନେ ଆକ୍ରମଣ ପାଇଁ ପୁରା ପସ୍ତୁତ ଅଛନ୍ତି । ଆତଙ୍କବାଦୀ ଯେଉଁ ସ୍ଥାନରେ ଲୁଚିଛନ୍ତି, ସେମାନେ ନିୟମିତ ସମୟ ବ୍ୟବଧାନରେ ନିଜର ଠିକଣା ମଧ୍ୟ ବଦଳାଉଛନ୍ତି । ଏବେ ଆଙ୍କବାଦୀମାବେ ସହରର ଠାରୁ ବାହାରି ସୁରକ୍ଷିତ ସ୍ଥାନରେ ପହଞ୍ଚିଯାଇଛନ୍ତି ।
କେବଳ ଏତିକି ନୁହେଁ ସୀମା ପାର ଏହି ଆତଙ୍କବାଦୀମାନେ ବଂଚିବା ପାଇଁ ଚେଷ୍ଟା ଜାରି ରଖିଛନ୍ତି । ଏଲଓିରେ ପାକ୍ ସେନା ସତର୍କ ହୋଇ ରହିଛି । ସୀମା ପାଖରେ ଥିବା ଆତଙ୍କ ସଂଗଠନକୁ ସ୍ଥାନାନ୍ତର କରିବା ଆରମ୍ଭ କରିଛି ପାକ୍ ସେନା । ସୂଚନାଯୋଗ୍ୟ କଶ୍ମୀରରେ ହେଉଥିବା ସମସ୍ତ ଗତିବିଧ ଉପରେ ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣକୁ ସୂଚନା ଦେଉଛନ୍ତି ସେନା ।