କନକ ବ୍ୟୁରୋ : ପୂଜା ଚାନ୍ଦା ନାଁରେ ଦାଦାବଟି । ଲୋକଙ୍କ ତଂଟି ଚିପି ଆଦାୟ କରାଯାଉଛି ହଜାର ହଜାର ଟଙ୍କା । ପୂଜା କମିଟି ପକ୍ଷରୁ କଟା ଯାଉଛି ରସିଦ। ରସିଦରେ ଲେଖାଥିବା ଟଙ୍କା ନଦେଲେ ଆରମ୍ଭ ହୋଇଯାଉଛି ଗୁଣ୍ଡାଗର୍ଦି । ଆଜି ଷଷ୍ଠୀ ପୂଜା ଚାଲିଥିବା ବେଳେ କିଛି ବ୍ୟବସାୟୀ ଆଣିଛନ୍ତି ଏପରି ଅଭିଯୋଗ । ଏପରିକି ଟଙ୍କା ନଦେଲେ, କମିଟି ସଦଶ୍ୟ ମାନେ ଦୋକାନ ଭିତରେ ପଶି ମାଡ ମାରିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଖାରବେଳ ନଗର ଥାନା ଅଧିନରେ ଥିବା ସୁଭମ ମାର୍କେଟ କଂପ୍ଲେସ ଆଗରେ ଜଣେ ବ୍ୟବସାୟୀଙ୍କୁ ମାଡ ମାରି ଲହୁଲୁହାଣ କରି ପକାଇଛନ୍ତି ପୂଜା କମିଟି ସଦଶ୍ୟ । ପୂଜା ଚାନ୍ଦା ନାଁରେ ସତ୍ୟନଗର ପୂଜା କମିଟି ସଦସ୍ୟମାନେ ଏହି ଦାଦାଗିରି କରିଥିବା ଅଭିଯୋଗ ଆଣିଛି ସୁବାଷ ଜୁଏଲର୍ସ । ଅଭିଯୋଗକାରୀଙ୍କ ବୟାନ ଅନୁସାରେ, ପୋଲିସ ବି ଚାହୁଁଛି ମାମଲା ରଫାଦଫା କରିବା ପାଇଁ ।
ଅଭିଯୋଗକୁ ଭିତି କରି ଖାରବେଳ ନଗର ଥାନାରେ ମାମଲା ରୁଜୁ ହୋଇଛି । ସିସିଟିଭି ଫୁଟେଜକୁ ଆଧାର କରି ପୁଲିସ ତଦନ୍ତ ଆରମ୍ଭ କରିଛି । ଫୁଟେଜରୁ ଅଭିଯୁକ୍ତ ମାନଙ୍କୁ ଚିହ୍ନଟ କରି ସାରିଛି ପୁଲିସ । ପୂଜା ପାଇଁ ଚାନ୍ଦା ଆଦାୟ କରିବା ଏକ ସ୍ୱାଭାବିକ ପ୍ରକ୍ରିୟା । ହେଲେ ଜୋରଜବରଦସ୍ତ ମାଡ ମାରି ଚାନ୍ଦା ଆଦାୟ କରିବା ଏକ ସାମାଜିକ ଅପରାଧ ନିଶ୍ଚୟ ।
ଏହା ସହ ଦେଖନ୍ତୁ ଏହି ଭିଡିଓ –