କନକ ବ୍ୟୁରୋ : ଜେଲ ଗଲା ସିରିଏଲ କିଲର୍ । ମହିଳାଙ୍କୁ ଦୁର୍ଷ୍କମ ପରେ ହତ୍ୟା ଅଭିଯୋଗରେ ଗିରଫ ହୋଇଥିବା ସାଇକୋ କିଲର୍ ବୁଦ୍ଧଦେବର ଜାମିନ୍ ଆବେଦନ ନାମଂଜୁର ହୋଇଛି । ଫଳରେ ତାଙ୍କୁ ୧୪ ଦିନିଆ ବିଚାରବିଭାଗୀୟ ହେପାଜତକୁ ପଠାଇଛନ୍ତି ପିପିଲି ଜେଏମ୍ଏଫସି କୋର୍ଟ । ନିଶା ଦେଇ ଦୁଷ୍କର୍ମ ଏବଂ ପରେ ନୃସଂଶ ଭାବରେ ମହିଳାଙ୍କୁ ହତ୍ୟା କରୁଥିବା ଏହି ମାନସିକ ବିକାରଗସ୍ତ ଯୌନ ପିପାସୁ ଗିରଫ ହେବା ପରେ ଖୋଲିଛି ପୁରା ଗୁମର ।
Kanak News is now on WhatsApp
Join and get latest news updates delivered to you via WhatsApp
ପୁଲିସ୍ ହେପାଜତରୁ ଚମ୍ପଟ୍ ମାରି, ଗୋଟିଏ ପରେ ଗୋଟିଏ ନୃସଂଶକାଣ୍ଡ ଭିଆଉଥିବା, ସାଇକୋ କିଲର୍ ବୃଦ୍ଧଦେବ ବେହେରାକୁ ଶେଷରେ ଜେଲର ଅନ୍ଧାର କୋଠରି ଭିତରକୁ ଯିବାକୁ ପଡ଼ିଛି । ଡେଲାଙ୍ଗରେ ମହିଳାଙ୍କୁ ଦୁଷ୍କର୍ମ ଏବଂ ହତ୍ୟା ମାମଲାରେ ଜାମିନ୍ ନାମଂଜୁର ହେବା ପରେ ୧୪ ଦିନ ପାଇଁ ବିଚାରବିଭାଗୀୟ ହାଜତ୍କୁ ପଠାଇ ଦେଇଛନ୍ତି କୋର୍ଟ ।
ପୁଲିସ୍ ଆଖିରେ ଧୁଳି ଦେଇ ଦେବଗଡ଼ରୁ ପୁରୀ, ବ୍ରହ୍ମପୁରରୁ ଯାଜପୁର ଘୁରି ବୁଲି ନିଜର କୁତ୍ସିତ ଉଦ୍ଦେଶ୍ୟ ଚରିତାର୍ଥ କରୁଥିବା ବୁଦ୍ଧଦେବକୁ ଗିରଫ କରିଥିଲା ପୁରୀ ପୁଲିସର ସ୍ପେଶାଲ ଟିମ୍ । ଆଉ ପୁଲିସ୍ ଆଗରେ ବଖାଣି ଥିଲା ପୁରା କାହାଣୀ । ଡେଲାଙ୍ଗ ବୁଦ୍ଧିପଡା ଜଙ୍ଗଲରେ କନ୍ଧମାଳର ସ୍ୱାମୀ ପରିତ୍ୟକ୍ତା ଅନିତା ବେହେରାଙ୍କୁ ଟାର୍ଗେଟ୍ କରିଥିଲା ଏହି ଦୁର୍ଦାନ୍ତ ଅପରାଧୀ । ନିଶାଗସ୍ତ କରି ଅନିତାଙ୍କୁ ଦୁଷ୍କର୍ମ କରିବା ପରେ ଅତି ନୃଶଂସ ଭାବେ ହତ୍ୟା କରିଥିଲା । କଣ୍ଢେଇଗୋଲା ଗାଁର ଜଗନ୍ନାଥ ପାତ୍ରଙ୍କ ପତ୍ନୀ କଳ୍ପନା ପାତ୍ରଙ୍କୁ ହତ୍ୟା କରିଥିଲା ଏହି ଅଭିଯୁକ୍ତ । ହେଲେ ଚିକିତ୍ସା ହେଉଥିବା ଅବସ୍ଥାରେ ପୁଲିସ ହେପାଜତରୁ ଚମ୍ପଟ ମାରିଥିଲା ।
ଯାଜପୁର ବଇରୀ ଅଂଚଳର ପ୍ରୀତି ଭୋଇଙ୍କୁ ସେମିତି ଦୁର୍ଷ୍କମ କରିବା ପରେ ହତ୍ୟା କରିଥିଲା । ଯାଜପୁର ଷ୍ଟେସନରୁ ଉଦ୍ଧାର ହୋଇଥିଲା ମହିଳାଙ୍କ ମୃତଦେହ । ଏମିତି ୫ରୁ ଅଧିକ ମହିଳାଙ୍କୁ ହତ୍ୟା କରିବାଥିବା ସ୍ୱୀକାର କରିଛି ବୁଦ୍ଧଦେବ । କାହାର ଗଳାକାଟି, ତ ଆଉ କାହାର ତଂଟିଚିପି । ମାନସିକ ରୋଗୀଙ୍କୁ ଚିକିତ୍ସା କରୁଥିବା ଡାକ୍ତର ମଧ୍ୟ ଏଭଳି ରୋଗୀଙ୍କ ଆଚରଣ ନେଇ କହିଛନ୍ତି-ଏଭଳି ବ୍ୟକ୍ତିମାନେ କୌଣସି କାମ କରିବାକୁ କୁଂଠାବୋଧ କରନ୍ତି ନାହିଁ । ଦେବଗଡ଼ ଜିଲ୍ଲାର ଏହି ସାଇକୋ କିଲର୍ ପୁଲିସ୍ ହାତରେ ଧରାପଡ଼ିବା ପରେ ଏବେ ସାମ୍ନାକୁ ଆସିଛି, ପରଦା ଆଡୁଆଳରେ ଲୁଚି ଯାଇଥିବା ଅନେକ ରହସ୍ୟ ।