ଆଉ ତଳେ ବସିବେନି ସ୍କୁଲ ଛାତ୍ରଛାତ୍ରୀ ! ଆରମ୍ଭ ହେଲା ‘ଆସନ’ ଯୋଜନା, ସମସ୍ତଙ୍କ ପାଇଁ ହେବ ଚେୟାର ଓ ଟେବୁଲର ବ୍ୟବସ୍ଥା
କନକ ବ୍ୟୁରୋ : ଗଞ୍ଜାମ ଜିଲ୍ଲାର ସମସ୍ତ ସ୍କୁଲ ପିଲାଙ୍କ ପାଇଁ ଖୁସିଖବର । ଏଣିକି ଶ୍ରେଣୀରେ ଆଉ ତଳେ ବସିବେନି ଛାତ୍ରଛାତ୍ରୀ । ପିଲାଙ୍କ ପାଇଁ ସ୍ୱାସ୍ଥ୍ୟକର ପରିବେଶ ସହ ଚେୟାର ଟେବୁଲ ଓ ଆସନର ବ୍ୟବସ୍ଥା ହେବ । ଗୁରୁଦିବସରେ ଗଂଜାମ ଜିଲ୍ଲା ପ୍ରଶାସନ ପକ୍ଷରୁ- ମୋ ସ୍କୁଲ୍ ଅଭିଯାନ ମାଧ୍ୟମରେ ଆରମ୍ଭ ହୋଇଛି ‘ତଳେ ବସିବାକୁ ନା’ କାର୍ଯ୍ୟକ୍ରମ । ହିଂଜିଳିକାଟୁର ପୋଚିଲିମା ପ୍ରାଥମିକ ବିଦ୍ୟାଳୟ ଓ ବ୍ରହ୍ମପୁର ହିଲପାଟଣା ସ୍ଥିତ ବାଳିକା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ଏହି କାର୍ଯ୍ୟକ୍ରମ ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
Mo school abhiyan..now we are starting public initiatives and active participation of society for providing benches to primary school students..Tale Basibaku NA..AASAN. Ganjam pic.twitter.com/jrH8yVgLzC
— Collector & District Magistrate, Ganjam (@Ganjam_Admin) September 4, 2018
ଏହି ଯୋଜନା ଦ୍ୱାରା ଶ୍ରେଣୀରେ ଉନ୍ନତ ମାନର ପାଠପଢା, ସ୍ୱାସ୍ଥ୍ୟକର ପରିବେଶ ସହ ଚେୟାର ଟେବୁଲ ଓ ଆସନର ବ୍ୟବସ୍ଥା କରାଯିବ । ପିଲାଙ୍କୁ ପାଠପଢା ଦିଗରେ ଅଧିକ ଆକର୍ଷିତ କରିବାକୁ ଏହି କାର୍ଯ୍ୟକ୍ରମ ସକ୍ଷମ ହେବ ବୋଲି ଜିଲ୍ଲାପାଳ କହିଛନ୍ତି । ଏହି ଯୋଜନାକୁ ଆଗାମୀ ଦିନରେ ଜିଲ୍ଲାରେ ଥିବା ୪ ହଜାର ବିଦ୍ୟାଳୟରେ ଲାଗୁ କରାଯିବ । ଆଉ ଏଥିପାଇଁ ରାଜ୍ୟ ସରକାରଙ୍କ ଅର୍ଥ ସହ ଅଭିଭାବକ ଓ ପୁରାତନ ଛାତ୍ରଛାତ୍ରୀଙ୍କ ସହଯୋଗ ଲୋଡାଯିବ ବୋଲି କହିଛି ଜିଲ୍ଲା ପ୍ରଶାସନ ।
ଛାତ୍ରଛାତ୍ରୀ ମାନେ ତଳେ ବସି ପାଠ ପଢିବା ଦ୍ୱାରା ପୋଷାକ ଖରାପ ହେବା ସହ ପାଠପଢିବା ପାଇଁ ମଧ୍ୟ ଅସୁବିଧା ହେଉଥିଲା । ତେଣୁ ଜିଲ୍ଲାପାଳଙ୍କ ଏଭଳି ନିଷ୍ପତିକୁ ଅଭିଭାବକ ଓ ଛାତ୍ରଛାତ୍ରୀ ମାନେ ସ୍ୱାଗତ କରିଛନ୍ତି ।