ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ମନ୍ତ୍ରୀଙ୍କ ଘର ଆଗରେ ବିକ୍ଷୋଭ । ପଂଚାୟତରାଜ ଓ ଆଇନ ମନ୍ତ୍ରୀ ଅରୁଣ ସାହୁଙ୍କ ବାସଭବନ ଘେରିଲା ଗ୍ରାମ୍ୟ ରୋଜଗାର ସେବକ ସଂଘ । ଘେରାଉ ବେଳେ ଗ୍ରାମ୍ୟ ରୋଜଗାର ସେବକ ସଂଘର କର୍ମୀ ଓ ପୁଲିସଙ୍କ ମଧ୍ୟରେ ଧସ୍ତାଧସ୍ତି ହୋଇଛି । ଅନେକ କର୍ମି ଅଟକ ଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସ୍ଥାୟୀ ନିଯୁକ୍ତି ସହ ବିଭିନ୍ନ ଦାବି ନେଇ ମନ୍ତ୍ରୀ ଅରୁଣ ସାହୁଙ୍କ ବାସଭବନ ଘେରିଥିଲେ ନିଖିଳ ଗ୍ରାମ୍ୟ ରୋଜଗାର ସେବକ ସଂଘର କର୍ମୀ । ଏପରିକି ମନ୍ତ୍ରୀଙ୍କ ବାସଭବନ ଆଗରେ ଶୋଇ ରହି ଧାରଣା ଦେଇଥିଲେ । କିନ୍ତୁ ମନ୍ତ୍ରୀ ବାହାରକୁ ବାହାରିନଥିଲେ । ପରେ ପୁଲିସ ଆସି ଜବରଦସ୍ତ ସେମାନଙ୍କୁ ଘଉଡାଇବାକୁ ଚେଷ୍ଟା କରିଥିଲା। ଶେଷରେ ବାଧ୍ୟ କିଛି କର୍ମୀଙ୍କୁ ଗିରଫ କରିଥିଲା ପୁଲିସ । ଜିଆରଏସ ମାନଙ୍କୁ ସ୍ଥାୟୀ ନିଯୁକ୍ତି ଦାବି କରି ଗତ ଫେବୁଆରୀ ମାସରେ ଜିଆରଏସ ମାନେ ରାଜ୍ୟବ୍ୟାପୀ ଆନ୍ଦୋଳନ ଡାକରା ଦେଇଥିଲେ।